தமிழ் கத்தோலிக்கன் Tamil Catholican

விபத்துக்குள்ளான இத்தாலி கப்பலில் தமிழர்!

2012-01-22T15:35:00.000-08:00

விபத்துக்குள்ளான இத்தாலி கப்பலில் தமிழர்!

சென்ற வாரம் இத்தாலியில் 4200 பேருடன் சென்ற ஐம்பது லட்சம் அமரிக்க டாலர் விலையுள்ள ஐந்து வருடமேயான மிகவும் நவீன கப்பல் "தீவிற்கு மிக அருகில் சென்று, அங்குள்ள மக்களுக்கு கையசைத்து செல்லவேண்டுமென்ற கப்பலோட்டியின் விபரீத ஆசையால்" தறைதட்டி விபத்துக்குள்ளானதில் ஒரு தமிழரும் இருந்துள்ளார். இவர் குமரி மாவட்டம் மணவாளக்குறிச்சியில் தட்டான் விளையை சேர்ந்த சுவாமிநாடார் மகன் சந்தோஸ் குமார் ஆவார்! இவர் விபத்திலிருந்து தப்பி நேற்று தனது சொந்த ஊர் வந்து சேர்ந்தார். இவரை குடும்பத்தினர் கண்ணீர் மல்க வரவேற்றனர்!

இக்கப்பலில் பயணம் செய்தவர்களில் பெரும்பாலானவர்கள் காப்பாற்றப்பட்டுவிட்டனர். இறந்தவர்களின் எண்ணிக்கை 13. இன்னும் இருபது பேரை காணவில்லை. மீட்புப்பணியினர் தொடர்ந்து அவர்களை தேடி வருகின்றனர். திரு சந்தோஸ் குமார் ஐந்து வருடங்களாக இக்கப்பலில் பணிபுரிந்து வந்திருக்கிறார் என்பது குறிப்பிடத்தக்கது. இவரை அரசியல்வாதிகள் மற்றும் உள்ளூர் வாசிகள் சென்று நலம் விசாரித்து வருகின்றனர்.

படங்கள்: மணவை மலர்

தடையில்லா நிரந்தர இலவச மின்சாரம்!

2011-12-05T06:16:00.000-08:00

தடையில்லா நிரந்தர இலவச மின்சாரம்!

அணுமின்சாரம் வேண்டுமா? வேண்டாமா? என காரசாரமாக விவாதித்து வரும் இவ்வேளையில் இந்த தடையில்லா நிரந்தர இலவச மின்சாரத்தை பற்றிய பதிவு விழிப்புணர்வை ஏற்படுத்தும் என நம்புகிறேன்.

இன்று வருடத்தின் பெரும்பாலான நாட்கள் சூரிய ஒளியையே காண முடியாத ஐரோப்பிய நாடுகளில், சூரிய கதிர்களால் செயல்படும் மின்சார சக்தியை வெற்றிகரமாக செயல்படுத்தி வருகிறார்கள். இங்கு இங்கிலாந்தில் இது பிரபலமாகிக் கொண்டிருக்கிறது. தமிழகமோ அனல் பறக்கும் சூரிய ஒளிக்கதிர்களை கொண்டிருந்தும் இந்த சூரிய ஒளிக்கதிர்களால் இயங்கும் மின்சாரத்தை அமல்படுத்தவில்லை. ஒரு சதுர மீட்டர் கொள்ளளவில் படுகின்ற சூரிய ஒளிக்கதிரால் ஒரு நாளைக்கு 1௦௦௦ வாட்ஸ் மின்சாரத்தை பெற முடியும். இதற்கு நாம் சோலார் பனல் எனப்படும் தகடுகளை நம் வீட்டின் கூரையிலோ அல்லது நன்கு சூரிய ஒளிக்கதிர்கள் படும் இடத்திலோ பொருத்தினால் போதும்.

இதனால் சாதாரணமாக ஒரு வீட்டிற்கு தேவைப்படும் மின்சாரத்தை பெற முடியும். ஆனால் Air conditioner போன்ற அதிக மின்சாரம் தேவைப்படும் இடங்களுக்கு இவையால் முழு மின்சாரத்தையும் வழங்க முடியாது. இங்கிலாந்தில் நம் வீட்டில் நாம் உற்பத்தி செய்யும் மின்சாரத்திற்கு அரசே பணம் தருகிறது. அதாவது நாம் பயன்படுத்தும் மின்சாரத்திற்கும் சேர்த்து.

இங்கிலாந்தில் இதன் வருமானத்தை கருத்தில் கொண்டு, பெரிய நிறுவனங்கள் வீட்டின் கூரைகளை ஒப்பந்த்தபடி பெற்று அதில் இந்த சோலார் பனல்களை நிறுவி, அதிலிருந்து வரும் வருமானத்தை பெற்றுக் கொள்கிறார்கள். வீட்டின் உரிமையாளர் தேவையான மின்சாரத்தை பயன்படுத்திக்கொள்ளலாம்.

நாமும் இத்திட்டத்தை அமல் படுத்தினால் அரசின் மின்சாரத்தையே சார்ந்திருக்க வேண்டிய அவசியமில்லை. காற்றாலை மூலம் தயாரிக்கப்படும் மின்சாரம் நன்கு காற்று வீசினால்தான் நிறைய உற்பத்தியாகும். ஆனால் சூரிய ஒளிக்கதிர்கள் என்றுமே அடிப்பதால் தினமும் இது மின்சாரத்தை உற்பத்தி செய்யும். இதன் ஒரே பிரச்சினை என்னவென்றால், இதன் ஆரம்ப கட்ட முதலீடு அதிகமாக இருக்கும். இதற்கு இந்தியாவில் எவ்வளவு பணம் ஆகும் என தெரியவில்லை. இங்கிலாந்தில் சுமார் பத்து லட்சம் ரூபாயாகிறது.

இனி இது செயல்படும் விதத்தை பார்ப்போம்:

இந்த சோலார் தகடுகள் சூரிய ஒளியை DC கரண்ட்டாக மாற்றி விடும். பின்னர் இது நம் உபயோகத்திற்கு தேவையான AC கரண்ட்டாக மாற்றப்பட்டு நம் வீட்டில் ஏற்கனவே இருக்கிற Switch board இல் இணைக்கப்படும். இது உற்பத்தி செய்கின்றதைவிட அதிக மின்சாரம் தேவைப்பட்டால், அது அரசின் மின்சாரத்தை எடுத்துக்கொள்ளும். அதே சமயம் நம் தேவையைவிட அதிகமாக வரும் மின்சாரம், அரசின் மின் கம்பத்திற்கு மீட்டரின் வழியே சென்று விடும். இதனால் நாம் அரசிற்கு எவ்வளவு மின்சாரம் வழங்கியுள்ளோம் என தெரிந்து கொள்ளலாம். அதற்கான பணத்தை அரசு வழங்கிவிடும்.

தமிழகத்தில் எதையெல்லாமோ இலவசமாக வழங்குகிறார்கள். இப்படி உருப்படியானவற்றை இலவசமாக வழங்கலாம்! அல்லது மானியங்கள் கொடுக்கலாம். மிச்சி, கிரைண்டர் என கொடுத்து விட்டு மின்சாரத்தை சரியாக வழங்கமாட்டார்கள்! தமிழக முதல்வர் ஜெயலலிதா, என்ன புரட்சியை செய்து புரட்சி தலைவி என்ற பட்டத்தை பெற்றாரோ தெரியவில்லை. இந்த மின் திட்டத்தை அமல் படுத்தி உண்மையிலேயே புரட்சி தலைவி ஆவாரா?

பின்குறிப்பு: இந்த பதிவை யார் வேண்டுமானாலும் தங்கள் வலைத்தளத்தில் வெளியிடலாம். இது பலரையும் சென்றடையவேண்டும் என்பதே என் நோக்கம்.

தமிழ் மொழி!

2011-09-23T15:46:00.000-07:00

தமிழ் மொழி!

தடுக்கி விழுந்தால் மட்டும் அ..ஆ...
சிரிக்கும் போது மட்டும் இ.. ஈ....
சூடு பட்டால் மட்டும் உ..ஊ...
அதட்டும் போது மட்டும் எ.. ஏ...
ஐயத்தின் போது மட்டும் ஐ...
ஆச்சர்யத்தின் போது மட்டும் ஒ..ஓ...
வக்கணையின் போது மட்டும் ஔ...
விக்கலின் போது மட்டும் .'. ...
என்று தமிழ் பேசி, மற்ற நேரம் வேற்று மொழி பேசும்
தமிழர்களிடம் மறக்காமல் சொல்!
உன் மொழி தமிழ் மொழியென்று!!

பேஸ் புக்கில் படித்தது. இதன் உண்மையான படைப்பாளிக்கு நன்றியும் வாழ்த்துக்களும்!

நன்றி கெட்ட நாயே! (உங்களை சொல்லவில்லை)

2011-06-22T06:15:00.000-07:00

நன்றி கெட்ட நாயே!

மனிதர்கள் சில நேரங்களில் நன்றி கெட்டவர்களாக மாறினால், இப்படி "நன்றி கெட்ட நாயே!" என திட்டுவதை கேட்டிருப்போம். உண்மையிலேயே நாய் நன்றி கெட்டதா?

சுமார் 30 வருடங்களுக்கு முன்பு நான் சிறுவனாக இருக்கும் போது கேள்விபட்ட ஒரு உண்மை சம்பவம். நடந்த நாடு மற்றும் சம்பந்தபட்டவர்களின் பெயர் எல்லாம் எனக்கு மறந்து விட்டது. சம்பவத்தை மட்டும் சொல்கிறேன்.

ஒரு பெரிய செல்வந்தருக்கு ஒரு செல்ல நாய் இருந்ததாம். இது யார் இவரை தேடி வந்தாலும் குரைக்குமாம். அந்த எச்சரிக்கையையும் மீறி உள்ளே சென்றால் கடித்து விடுமாம். இதனால் அந்த செல்வந்த்தரின் நண்பர்கள் எல்லோருமே இவரிடம் குறைபட்டுக் கொண்டார்களாம். இதை கேட்ட செல்வந்தருக்கு ஒரு விபரீத எண்ணம் தோன்றியதாம். தான் மாறு வேடத்தில் வந்தால் என்னவாகுமென!

இதன்படி வெளியே சென்ற அந்த செல்வந்த்தர், மாறு வேடத்தில் வீட்டிற்கு வந்த்துள்ளார்.(கூடவே நாய் கடித்துவிட்டால் முதலுதவிக்கான ஏற்பாட்டுடன்) நாய் வேறு யாரோ என நினைத்து குரைத்துள்ளது. இவர் அதையும் மீறி உள்ளே நுழைந்துள்ளார். அவ்வளவுதான், நாய் அவரை கடித்துள்ளது. சுதாகரித்துக்கொண்ட அவர், அந்த நாயின் முன்னே தன் மாறு வேஷத்தை கலைத்துள்ளார். இதை கண்ட நாய் உடனே கீழே விழுந்த்ததாம். அவசரமாக நாயை மருத்துவ மனைக்கு எடுத்து சென்றிருக்கிறார் அந்த செல்வந்தர். அதை பரிசோதித்து பார்த்த மருத்துவர், நாய் அதன் இதயம் வெடித்து இறந்த்துள்ளதாக சொன்னாராம்.

பாருங்கள், எவ்வளவு நன்றியுள்ளதென! எனவே, "நன்றி கெட்ட நாயே" என சொல்லலாமா? நாயை நன்றிக்கு இலக்கணமாகத்தானே சொல்லவேண்டும்.

வங்கியில் நீங்கள் கடன் வாங்கியவர்களா?

2011-05-24T06:51:00.000-07:00

வங்கியில் நீங்கள் கடன் வாங்கியவர்களா?

இங்க்லாந்து, ஸ்காட்லாந்து, வட அயர்லாந்து மற்றும் வேல்ஸ் ஆகிய நாடுகளில் உள்ள வங்கிகளில், அல்லது நிதி நிறுவனங்களில் நீங்கள் கடன் வாங்கியிருந்தீர்கள் எனில், அந்த கடத்திற்கு காப்பீடு என சொல்லி, அல்லது சொல்லாமல் ஒரு தொகையை உங்களிடம் வசூலித்திருப்பார்கள். இது கண்டிப்பாக செலுத்த வேண்டும் என சட்டம் ஒன்றும் கிடையாது. இதை வங்கிகளும் நிதி நிறுவனங்களும் தவறாக பயன்படுத்தி தங்களின் வாடிக்கையாளர்களிடம் பெரும் தொகையை கொள்ளை அடித்துள்ளார்கள்! இதற்கு எதிராக நீதி மன்றத்தில் இப்போது தீர்ப்பு வந்துள்ளது. அதாவது வங்கிகள் மற்றும் நிதி நிறுவனங்கள் இப்படி வாடிக்கையாளர்களிடம் காப்பீடு என கறந்த பணத்தை திரும்ப கொடுக்க வேண்டிய கட்டாயத்தில் உள்ளனர்.

உதாரணமாக £6000.00 கடன் வாங்கியிருந்தால் சுமார் £850.00 நீங்கள் காப்பீடாக செலு த்தியிருப்பீர்கள். இப்போது இந்த சந்தர்பத்தை பயன்படுத்தி "கிளைம்ஸ் மேனேஜ்மென்ட் கம்பெனி" என அறியப்படும் நிறுவனங்கள் இப்படி பாதிக்கப்பட்டவர்களை குறிவைத்து அவர்களை தொடர்பு கொள்ளும்படி விளம்பரம் செய்கிறார்கள். தொலைகாட்சியை திறந்தாலே இவர்களின் விளம்பரம்தான். சும்மா இரண்டு காகிதங்களில் நிரப்பி விண்ணப்பிக்க வேண்டிய எளிதான வேலை இது. இதை செய்து தருகிறோம் என சொல்லி, இருபத்தைந்து சதவீதம் பணம் அதிலிருந்து பறித்து விடுவார்கள்.

இந்த "கிளைம்ஸ் மேனேஜ்மென்ட் கம்பெனி" சண்டை போட்டு ஒன்றும் வாங்கி தர வேண்டியதில்லை. காரணம் இதற்கு நாமே விண்ணப்ப படிவத்தை பூர்த்தி செய்து அனுப்பினால் போதும். நிச்சயமாக நிறைய தமிழர்கள் இப்படி வங்கிகள் அல்லது நிதி நிறுவனங்களில் கடனை இந்த காப்பீடு கொடுத்தே வாங்கியிருப்பார்கள். அவர்களுக்கு அந்த பணம் திரும்ப கிடைக்கும்.

இதற்கான விண்ணப்ப படிவத்தின் இணைப்பை கீழே கொடுத்துள்ளேன். இந்த இணைப்பில் சென்று அதில் consumer questionnaire என்பதை சொடுக்கி தரவிறக்கம் செய்து விண்ணப்பிக்கவும்.
இந்த படிவத்தை பூர்த்தி செய்து நீங்கள் எந்த வங்கி அல்லது நிதி நிறுவனத்தில் கடன் பெற்றிருந்த்தீர்களோ, அவர்களுக்கு அனுப்பிக்கொடுக்கவும். தேவையில்லாமல் உங்களிடம் வசூலித்த காப்பீடு தொகையை திரும்ப தந்து விடுவார்கள். இது விசயமாக மேலதிக விபரங்களுக்கு அருகிலுள்ள "சிட்டிசென் அட்வைஸ் பீரோ" வை தொடர்பு கொள்ளுங்கள்.

எதிர் வீட்டில் ஆப்ரிக்கன்!

2011-05-21T15:09:00.000-07:00

எதிர் வீட்டில் ஆப்ரிக்கன்!

ஆப்ரிக்கர்கள் என்றாலே கடின உள்ளம் கொண்டவர்கள் என்றும், குற்ற செயல்களில் ஈடுபடுகிறவர்கள் என்றும், ஒரு பொதுவான கருத்து உண்டு. புள்ளி விவரங்களும் அதைதான் காட்டுகின்றன. இங்கு லண்டனில் இந்த ஆப்ரிக்க இன மக்கள் தாராளமாகவே இருக்கின்றனர். அதிலும் சில குறிப்பிட்ட இடங்களில், இவர்கள் பெரும்பான்மையாகவே வாழ்கின்றனர். ஆனால் நான் வசிக்கும் இடத்தில் இவர்கள் கிடையாது, எப்போதாவது சிலரை காணலாம்.

இப்படி இருக்கும்போது, என் எதிர் வீட்டில் ஒரு ஆப்ரிக்கன் குடியிருக்க வந்துவிட்டார். அதுவும் கடந்த கடுங்குளிரில். பொதுவாகவே இங்கு யாரும் வீட்டின் கதவை திறந்து வைத்து கொண்டிருக்க மாட்டார்கள். இந்த ஆப்ரிக்கன் வந்த நாளிலிருந்து, அண்ட குளிரிலும் கதவை திறந்து வைத்துக்கொண்டு, சாலையையே பார்த்துக்கொண்டிருப்பான். எப்போது பார்த்தாலும் போதையோடு இருப்பது போலவே தோன்றும்! என்னுடைய பார்வையில் இவன் போதை பொருட்களுக்கு அடிமையானவன் போலவே தோன்றினான்.

நாங்கள் எப்போது வெளியே போகிறோம், வருகிறோம் என்பதையெல்லாம் பார்த்துக்கொண்டே இருப்பான். என் மனைவி சொல்லுவாள், "இவன் எப்பவுமே நம்மை பார்த்துகிட்டே இருக்கான் என". நான் சொல்லுவேன், "அவன், அவனின் வீட்டின் முன் இருக்கிறான். நமக்கென்ன என?" இருந்தாலும் என் மனதிலும் அதே எண்ணம்தான்.

ஒரு வாரம்தான் ஆகியிருக்கும், இரவு பன்னிரண்டு மணிக்கு நாய் குரைக்கும் சத்தம். யாருமே நாயை இரவில் வெளியே விடமாட்டார்கள். விட்டால், நாய் காலையில் குளிரில் செத்து கிடக்கும். எனவே இது எந்த நாய் என ஜன்னல் வழியே பார்த்தால், போலிஸ் நாய். பத்திற்கு மேற்பட்ட போலீசுடன். இந்த ஆப்ரிக்கனின் வீட்டை போலிஸ் முற்றுகை இட்டிருந்த்தது. இதன் பின்னர் CCTV காமெரா வழியாக பார்த்துகொண்டிருந்தேன். போதை பொருட்களோடு தொடர்புடைய குற்றத்திற்காக கைது செய்யப்பட்டிருந்தான்.

ஒருவழியாக எங்களுக்கு இருந்த "எதிர் வீட்டில் ஆப்ரிக்கன்!" கவலை தீர்த்தது.

கனிமொழி கைது! வாசகர்களின் பின்னூட்டங்கள்!!

2011-05-20T14:44:00.000-07:00

கனிமொழி கைது! வாசகர்களின் பின்னூட்டங்கள்!!

கனிமொழியின் கைது பற்றிய தினமலர் செய்தியில், வாசகர்கள் தெரிவித்துள்ள கருத்துக்களில் சில இங்கே கொடுக்கப்பட்டுள்ளன!

Suresh - chennai,இந்தியா
கனி, நீ நாட்டுக்கு ஒரு சனி. ஜெயிலில் கொடுபாங்க வெள்ள துணி. இன்றோடு முடிந்தது நாட்டோட பிணி. தொடரட்டும் நீதிமன்றத்தின் பணி...

prabhu - coimbatore,இந்தியா
எனக்கு இப்போது வந்த s m s " ஒரு வருஷம் முன்னாடி செம்மொழியான தமிழ் மொழியாம் இப்போது - கம்பிக்கு பின்னால் கனிமொழியாம்" இது எப்படி இருக்கு?. பிரபு கோவை

sameer - hyderabad,இந்தியா
கனிக்கு களி ரெடி

T.C.MAHENDRAN - lusaka,ஜாம்பியா
ஜாமீன் எல்லாம் கிடைக்காது, வேணுமின்னா வாள மீன் ,கெண்டை மீன் ,கெளுத்தி மீன், வஞ்சிரம் மீன் மார்க்கெட்டில் கிடைக்கும் வறுத்து சாப்பிட !!!

veeratamilan - chennai,இந்தியா
இந்த கள்ளியை விட கூடாது, எல்லா அரசியல் வாதிகளும் செய்தது போல சில கோடிகளுக்கே ஜெயலலிதாவை என்ன பாடு படுத்தினார்கள், அதை விட 100000 மடங்கு பெரிய ஊழல் இது, வேறெந்த நாட்டிலும் கூட நடந்திராக அளவு மிகபெரிய ஊழல். இவருக்கு மிக கடுமையான தண்டனை கொடுக்க வேண்டும். நீதி காப்பாற்ற பட வேண்டும்.

Muthukumar - coimbatore,இந்தியா

அப்பாட...........இப்போ தான் கொஞ்சம் சந்தோசமா இருக்கு...........கூடவே கருணாநிதியையும் தூக்கி ஜெயில்ல போட்டால் நல்லா இருக்கும்
Rate it: 123 3Share this comment

NKR rekha - karur,இந்தியா
வெள்ளிகிழமை 13 ஆம் தேதி வெள்ளிகிழமை 20 ஆம் தேதி இனி திமுக வின் கரி நாள் ?

Maravan Zeus - madurai,இந்தியா
கைதி ஆனார் அக்கா .....

ramesh - villupuram,இந்தியா
குட் ஃப்ரைடே...

Bala Kumar - yibal,ஓமன்
இது சும்மா டிரைலர் தாம்மா மொத்த படத்தையும் இனிமேல பாரு..............

laxmi - chennai,இந்தியா
மாமி அங்கே காபி போடுவார்களோ அல்லது கருவாடு சமைபார்களோ? உலகத்தில் இரண்டாவது பெரிய ஊழல் இது. மொத்த குடும்பத்தையும் மற்ற பயனாளிகளையும் உள்ளே வைக்கா விட்டால் நம் நாட்டிற்கே பெரிய அவமானம்

Raj - rayong,தாய்லாந்து
சட்டம் தன் கடமையை செய்தது

T.R.Radhakrishnan - mumbai ,இந்தியா
நம்ம "சொக்க தங்கம்", "உள்துறை" எப்ப உள்ளே போகப் போறாங்க?

Rajaram Ramkumar - chennai,இந்தியா
இருபது சதவிதம் பங்கு உள்ளவர்கள் சிறையில் ? அப்போ அறுபது சதவிகிதம் வைதுள்ளோரை எப்போ தள்ளுவது சிறையில் ?

K..ANBARASAN - doha,கத்தார்
இனி அவருடைய க‌லைஞர் தொலைகாட்சி மூலமாகவே அவருடைய ஜெயில் செய்திகளை தெரிந்து கொள்ளலாம் க அன்பரசன் I

s.r.ramkrushna sastri - secunderabad,இந்தியா
பாவம் கருணாநிதி, அவருடன் அழுவதற்கு கூட ஆளில்லை.

villupuram jeevithan - villupuram,இந்தியா
கனிக்கு ஜெயில் நம்பர் ஆறு; சரத்குமாருக்கு ஜெயில் நம்பர் மூன்று. கனிக்கு ஒரு டிவி உண்டாம்; அதில் கலைஞர் டிவி தெரியுமா?

krishnakumar - tirrupur,இந்தியா
சூப்பர்..,அப்பு இத .,இததான் நாங்க ரொம்ப நாளா எதிர் பார்தோம் .,

jeyakanth - brombly,யுனைடெட் கிங்டம்
கலைஞர் வாயில் வந்த கனிமொழி தமிழ்நாட்டு செல்வம் முழுங்கிய மு(மூ)க்கோடி நீ இப்போ தெருக்கோடி ,எல்லாம் நீ கொண்ட செருக்கோடி?

Shankar - bangalore,இந்தியா
மிக சரியான நடவடிக்கை. 60% பங்கு வைத்திருக்கும் தயாளு அம்மாள் பெயரும் "குற்ற பத்திரிகையில்" சேர்க்கப்பட வேண்டும். சட்டத்தின் முன் நிறுத்தப்பட வேண்டும்.

Kadalangudi Subashchandrabose Ganesh - tirupur,இந்தியா
தயாளு அம்மா ,,,,,,,,, சீக்கிரம் ரெடியா இருங்க

SHELINGTON SHELINGTON - bedok,சிங்கப்பூர்
மஞ்ச துண்டுக்கு மற்றும் ஒரு சறுக்கல். இது மாபெரும் சறுக்கல். ஏகடியம் பேசும் மஞ்சதுன்டேய் நீ இனி வாய் திறக்க கூடாது. ஊழலின் மொத்த உருவம் இந்த மஞ்சதுன்டுதான்.

Chandru Vihasan - dubai,ஐக்கிய அரபு நாடுகள்
கனிமொழி க்கு ஓய்வு கொடுத்துள்ளது சட்டம், கருணாநதி க்கு ஓய்வு கொடுத்துள்ளார்கள் மக்கள்

M.Vijayasekaran - udumalpet,இந்தியா
மாங்குயில் பாடும் பூஞ்சோலை என்னை மாட்டிவைதிட்ட சிறைச்சாலை .......... படியம்மா உங்கப்பா எழுதிய கவிதையை ......... முற்பகல் செய்யின் பிற்பகல் விளையும் ....... ராஜ்யசபாவில் எடுத்த உறுதிமொழி மீண்டும் மீண்டும் படித்துப்பாரம்மா ......கனிமொழி .... இந்தியாவின் அழுகியமொழி .....

நன்றி: தினமலர்

"The Passion of Christ"

2011-04-22T14:42:00.000-07:00

வெள்ளை தோலில் கறுப்பு கலாச்சாரம்!

2011-04-17T15:41:00.000-07:00

வெள்ளை தோலில் கறுப்பு கலாச்சாரம்!

கார் + கார் = காமம்:

லண்டனில் இப்போதுதான் குளிர் முடிந்து வெயில் தலை காட்ட தொடங்கியிருக்கிறது. இருபது டிகிரி வெயில் என்றாலே கோடை என சொல்லி, உடைகளுக்கு விடை கொடுத்து விடுவார்கள்! ஏற்கனவே பிள்ளைகளுக்கும் விடுமுறை. சரி பார்க்கிற்கு போகலாம் என முடிவு பண்ணி, போகும் போதுதான் இந்த "கார் + கார் = காமம்" என்னும் பார்முலாவை கண்டுபிடித்தது.

வீட்டிற்கு பக்கத்திலேயே பார்க்கிருந்த்தாலும் பிள்ளைகளுக்கு என்னவோ கொஞ்சம் தூரத்திலுள்ள பார்க்கிற்கு செல்வதற்குத்தான் விருப்பம். சரி, போகலாமென முடிவு பண்ணி கிளம்பிவிட்டோம். பார்க்கை நெருங்கும் போது என் காரின் முன்னே, ஒரு மினி கூப்பர் கார் போய்கொண்டிருந்தது. அதில் ஒரு வெள்ளைக்காரன் மட்டும்தான் இருந்தான். இதற்குள் பார்க்கை அடைந்து விட்டோம். அவன் காரை நிறுத்தத்தில் கொண்டு விடவும், ஏற்கனவே அவனின் காரின் அடுத்த நிறுத்தத்தில் அதேபோலவே ஒரு மினி கூப்பர் கார் நிறுத்தப்பட்டிருந்தது. அதிலிருந்து ஒரு வெள்ளைக்காரி வந்தாள். நான் என் காரை அடுத்த நிறுத்தத்தில் நிறுத்தினேன். இதற்குள்ளாக அவர்கள் இருவரின் காரும் ஒரேமாதிரியா இருந்ததால் பேசிக்கொண்டார்கள். இது இயற்கைதானே என நினைக்கவும், இருவரும் முத்தத்தில் இறங்கி விட்டார்கள்! இங்கு பொது இடத்தில் இப்படி கட்டி புடிச்சி முத்தம் கொடுப்பது சகஜம். யாருமே கண்டுகொள்ள மாட்டார்கள்!

இதற்குள் நாங்கள் பார்கிற்குள் நுழைய ஆரம்பித்து விட்டோம். அப்போது ஓடி வந்த ஒரு வெள்ளைக்காரி, முத்தமழை பொழிந்துகொண்டிருந்த பெண்ணை பாளார் என அறையவும், அவள் தடுமாறி விழுந்துவிட்டாள். நீ எப்படி அவளை அடிப்பா? என கேட்டு மீண்டும் முத்தத்தை தொடர்ந்தனர்.

அடி கொடுத்தவளின் கணவன்தான் முத்தம் கொடுத்துகொண்டிருந்தது. அடுத்த நிமிடமே வேறு ஒரு வெள்ளைக்காரன் ஓடி வந்து முத்தம் கொடுத்து கொண்டிருந்த ஆணை பாளார் என அடித்தான்! பின்ன, பொண்டாட்டியை வேறு ஒருவன் முத்துவதை எவன்தான் அனுமதிப்பான். ஆக மொத்தம் பார்க்கில் களோபரம்.

இதற்குள் ஒரு சிறு கூட்டம் கூடி விட்டது. இரண்டாவது வந்த வெள்ளைக்காரன் சொன்னான், இவன் என் பொண்டாடியை முத்தம் கொடுத்ததால், நான் இவனின் பொண்டாடியை முத்தம் கொடுக்க வேண்டுமென! நானும் இதற்கு அவனின் பொண்டாட்டி சம்மதிக்க மாட்டாள் என நினைத்தேன். அவளோ சரியென சொல்லிவிட்டாள். கொஞ்சம்கூட தாமதிக்காமல் இவன் பொண்டாடியை அவனும், அவன் பொண்டாட்டியை இவனும்.... என்ன கொடுமை! இரண்டு குடும்பத்தின் பிள்ளைகளும் திருதிருவென முழித்துக்கொண்டு....பார்க்கில் விளையாடிக்கொண்டிருந்த தன் குடும்பத்தினரை எடுக்க வந்த இடத்தில்தான் இந்த பிரச்சினை.

இவர்கள் பார்ப்பதற்கு வெள்ளை தோலாக இருந்தாலும், கலாச்சாரம் என்னவோ கறுப்புத்தான்!
நாம் பார்பதற்கு கறுப்பு தோலாக இருந்தாலும், நம் கலாச்சாரம் என்னவோ வெள்ளைதான்!

"அலைபாயுதே" அமெரிக்க வீதியிலே!

2011-02-27T08:06:00.000-08:00

அமெரிக்காவிலுள்ள கலிபோர்னியா வீதியில் அசத்தும் நங்கை.

இந்த பாடல் ஊத்துக்காடு வெங்கடசுப்பையருக்கு சொந்தமான மிக பழைய பாடல். ரஹ்மான் சில நுட்பங்களை அதில் புகுத்தியுள்ளார்.

தொலைக்காட்சியை கணிணியாக்கிட!

2011-02-24T11:53:00.000-08:00

தொலைக்காட்சியை கணிணியாக்கிட!

உங்களின் தொலைக்காட்சி High Definition தொலைக்காட்சியாக இருந்தால் இக்கருவியின் மூலம் அதனை கணிணியாக பயன் படுத்தலாம் .இது ஒரு மினி டெஸ்க்டாப் தான். ஆனால் சோபாவில் உட்கார்ந்து கொண்டே தொலைக்காட்சியை கணிணிபோல பாவித்துக்கொள்ளலாம்.

System Linx Net HD TV Box
Operating system Genuine Windows XP Home Edition
Processor Type Intel Atom N270
Processor speed 1.6GHz, 533MHz, 512KB
Memory Size 1 GB DDR2
Hard Drive Capacity 160 GB
Wireless Wi-Fi 802.11b/g
Networking 10/100 LAN
USB 2.0 Ports 4
Cardreader SD card reader
Ports 1 x HDMI
1 x VGA
Headphone output
Microphone input
Software Office Viewer
MSN Messenger
Email
Media Player
Keyboard / Mouse Wireless Aluminium Keyboard with Touchpad
Dimensions 219.5 x 175 x 28mm
Weight 1.1kg

ஜோசியர்களுக்கு அவர்களுக்கு நடக்கப்போவது தெரியுமா?

2011-02-20T16:35:00.000-08:00

ஜோசியர்களுக்கு அவர்களுக்கு நடக்கப்போவது தெரியுமா?

நாம் எல்லோருமே எப்போதாவது ஜோசியர்களை சந்தித்திருப்போம். நம் எதிர்காலத்தில் என்ன நடக்கப்போகுது என தெரிந்து கொள்ள. இப்படி மற்றவர்களின் எதிர்காலத்தில் என்ன நடக்கும் என புட்டு புட்டு வைக்கும் இவர்களின் எதிர்காலத்தில், என்ன நடக்கும் என, இவர்களுக்கு தெரியுமா? என்னும் சந்தேகம் நீண்ட நாட்களாகவே எனக்கு இருக்கிறது. அதற்கு காரணம் எனக்கு தெரிந்த ஒரு ஜோசியருக்கு நடந்த சம்பவம்தான்.

இப்போ நம்ம ஜோஷிய திலகங்கள் சதீஷ் குமார், சித்தூர் முருகேசன் இன்னும் சிலர் பிரபல பதிவர்களாக இருப்பதால் இதை கேட்டு விட்டால் போச்சு என தோன்றியது. அதுதான் இந்த பதிவு.

இவர் சட்டை போட்டு நான் பார்த்ததில்லை! ஆனால் சந்தணத்தைதான் சட்டையாக அணிந்திருப்பார்! பட்டை நெற்றியில் மட்டுமல்ல, கைகளிலும் போட்டிருப்பார்! பெரிய பெரிய உத்ராட்ச மாலை அணிந்திருப்பார். காலையிலேயே வீட்டிற்கு வெளியே கட்டப்பட்டிருந்த ஒரு சாய்வாரத்தின் கீழ் உட்கார்த்து விடுவார். இவரிடம் உள்ளூர் வாசிகள் யாரும் அவ்வளவாக செல்வதில்லை. ஆனால் வெளியூரிலிருந்து காரில் அவ்வப்போது ஆட்கள் ஜோசியம் கேட்க வருவதுண்டு.

இவரை ஆசான் என்றும் கூட அழைப்பார்கள். மனிதருக்கு ஐந்து பெண்பிள்ளைகள். எனவே தன் சொந்ததிலிருந்து ஒருவரை வளர்ப்பு மகனாக வைத்திருந்தார். அவனைத்தான் தன் ஜோசிய வாரிசாக வைத்திருந்தார். இவருடைய பெண்பிள்ளைகளில் நான்கு பேருக்கு திருமணமாகியிருந்தது . இளையவளுக்கு மாத்திரம் திருமணமாகவில்லை. அவள் கல்லூரியில் படித்துகொண்டிருந்தாள். இந்த ஜோசியரின் இரண்டு மகள்களை உள்ளூரேலேயே திருமணம் செய்து கொடுத்திருந்தார்.

ஒருநாள் இந்த இளைய மகள் கல்லூரியிலிருந்து வரவும் வீடு பூட்டியிருந்தது. ஜோசியர் வெளியூர்வாசிகளுக்கு நடக்கப்போவதை சொல்லிக்கொண்டிருந்தார். எனவே அவர்களை தொந்தரவு செய்யாமல், கதவை தட்டிக்கொண்டேயிருந்தாள். தாய்க்கு என்ன ஆனதோ என பதறிப்போய் பக்கத்திலே வசித்துவந்த சகோதரியையும் அவள் கணவரையும் அழைத்து வந்தாள். அவர்கள் பூட்டை உடைத்து உள்ளே சென்றபோது அங்கே அவர்கள் கண்டகாட்சி.... பாவம், ஜோசியரின் வளர்ப்பு மகனும் ஜோசிய வாரீசுமானவனும், ஜோசியரின் மனைவியுடன் சல்லாபத்தில்...

அவ்வளவுதான், குடும்பத்தில் நடந்த குழப்பத்தினால் ஜோசியரின் மனைவி சிலமாதங்கள் தன் சகோதரியின் வீட்டில் அடைக்கலமானார். மீண்டும் சமாதனம் ஏற்பட்டு வீட்டிற்கு வந்துவிட்டார். வளர்ப்பு மகன் இந்த சம்பவத்திற்குப்பின் தனியாக ஜோதிட தொழிலில் இறங்கி விட்டான். பாவம்! நாகர்கோவில் வாசிகள். காரணம், இவன் இப்போது நாகர்கோவிலில் ஜோசியராக இருக்கிறான். இதிலிருந்து வந்த சந்தேகம்தான் இந்த பதிவு. இந்த ஜோசியர்களுக்கு அவர்களுக்கு நடக்கப்போவது தெரியுமா?

அரபு நாடுகளில் மக்களாட்சி !

2011-02-15T03:58:00.000-08:00

அரபு நாடுகளில் மக்களாட்சி!

அடக்கு முறை ஆட்சியாளர்களிடமிருந்து அரபு மக்களுக்கு சீக்கிரமே விடுதலை கிடைக்கக்கூடிய ஒரு சூழ்நிலை உருவாகி வருகிறது என்பது, இப்போது நடந்து வரும் போராட்டங்களின் வழியே தெரிகிறது. இப்போது துனிசியா, எகிப்து மக்களின் வெற்றியை பார்த்த எமன், அல்ஜீரியா, ஈரான், பஹ்ரைன் நாட்டு மக்களும் போராட்டத்தில் இறங்கியுள்ளனர்! இப்படி தொடர்ந்திடும் போராட்டம் இன்னும் மீதியுள்ள மன்னராட்சி என அறியப்படும் சர்வாதிகள் ஆளுகின்ற நாடுகளான சவுதி அரேபியா, கத்தார், குவைத், ஐக்கிய அரபு குடியரசுகள் போன்றவற்றிலும் தொடர்ந்திட வேண்டும்.

நேற்று ஈரான் நாட்டில் நடந்த மக்கள் போராடத்தின் வீடியோ.

உலகம் இவ்வளவு வளர்ச்சியடைந்த பின்னரும், தன் குடும்ப சொத்துபோல ஆண்டுவரும் இந்த சர்வாதிகளின் ஆட்சியை முடிவுக்கு கொண்டு வர வேண்டும். மக்களே அவர்களின் தலைவர்களை தெரிவு செய்ய வேண்டும். உலகத்திலுள்ள அனைத்து நாடுகளிலும் இந்த அரபு மன்னர்களின் குடும்பங்கள் தான் முதலீடு செய்துள்ளனர். பெட்ரூளிலிருந்து கிடைக்கும் வருமானத்தை இவர்கள் கொள்ளையடித்து தங்களின் முதலீட்டிற்கு பயன் படுத்துகிறார்கள். இவ்வளவு எண்ணெய் வளம் உள்ள சவுதி அரேபியாவில் பிச்சை எடுக்கும் நபர்களின் எண்ணிக்கை கூடிக்கொண்டே வருகிறது.

நேற்று அல்ஜீரியா நாட்டில் நடந்த மக்கள் போராடத்தின் வீடியோ.

முழுக்க முழுக்க இஸ்லாமிய சட்டப்படி ஆட்சி நடப்பதாக சொல்லிக்கொள்ளும் சவுதி அரேபியாவில், சட்டத்திற்கு எதிரான அனைத்து பொருட்களும், போதை பொருட்கள் உள்பட விமான நிலையத்தின் "ராயல் டெர்மினல்" என சொல்லப்படும், ராஜ குடும்பத்திற்கான பிரத்யோக நுழைவு வாயிலின் வழியே கொண்டு வரப்படுகிறது. ஆக மொத்த சட்டவிரோத செயல்களின் தலைமையாக இளவரசர்களே செயல் படுகின்றனர்! தாய்லாந்து லாட்டரி இங்கு மிகவும் பிரபலமானது. இதை நடத்துவது ஒரு இளவரசர்தான்.

நேற்று பஹ்ரைன் நாட்டில் நடந்த மக்கள் போராடத்தின் வீடியோ.

செயற்கைகோள் தொலைக்காட்சி உபகரணங்கள் இங்கு சட்டப்படி தடை செய்யப்பட்ட பொருளாம். ஆனால் உலகத்திலேயே அதிக அளவில் செயற்கைக்கோள் நிகழ்சிகளும், அதற்கான உபகரணங்களும் சவுதியில் மிக சாதரணமாக கிடைக்கும். சொல்லப்போனால் உலகத்திலேயே அதிக அளவில் நீலப்படம் பார்பவர்கள், இந்த சவுதி அராபிய மக்களாகத்தான் இருக்கும். இது ஒவ்வருவரின் வீட்டு கூரையை பார்த்தால் தெரியும். நான்கு ஐந்து டிஷ் ஆண்டனா பொருத்தியிருப்பார்கள். இந்த உபகரணங்கள் சட்ட விரோதமெனில் எப்படி நாட்டிற்குள் நுழைகிறது என்பது அந்த இளவரசர்களுக்கே வெளிச்சம்!

நேற்று எமன் நாட்டில் நடந்த மக்கள் போராடத்தின் வீடியோ.

இப்படி நாட்டை கொள்ளையடித்து கொண்டிருக்கும் இந்த சர்வாதிகளிடமிருந்து விடுபட்டு மக்களாட்சி மலரவேண்டும். அதற்கு பிற நாடுகளும் உதவிட வேண்டும்.
இப்போது பக்கத்துக்கு நாடுகளின் புரட்சியை கண்டு நிஜத்தில் எல்லா அரபு மன்னர்களும் பீதியில்தான் உள்ளார்கள்! தங்களின் நாட்கள் எண்ணப்படுகிறது என்பதனை நினைத்து.

கணிணியாகும் தொலைக்காட்சி!

2011-02-09T05:54:00.000-08:00

கணிணியாகும் தொலைக்காட்சி!

தொலைகாட்சியில் இன்று 3D மற்றும் இணைய தொலைகாட்சிகளே பிரபலமாக உள்ளன!
கணிணியில் டிவி tuner நிறுவி தொலைக்காட்சியாக பயன்படுத்திய நிலைமை மாறி இன்று தொலைக்காட்சியே கணிணியின் செயல் பாட்டினை செய்யும் காலமாக மாறிவிட்டது. கருப்பு வெள்ளையில் தொடங்கி இன்று முப்பரிணாம(3D) தொலைகட்சியாக வந்துவிட்டது. இந்த 3D தொலைகாட்சியை பார்க்க வேண்டுமென்றால் "குட்டிச்சாத்தான்" படம் பார்த்ததுபோல 3D கண்ணாடி அணிந்து கொண்டுதான் பார்க்க முடியும். எத்தனை 3D கண்ணாடி வாங்குவது? வீட்டில் நண்பர்கள் வந்தால் அவர்கள் எப்படி பார்ப்பது? விலையும் மிகவும் அதிகம். இப்படி நிறைய சிக்கல்கள் இதில் இருக்கிறது. எனவே இணைய தொலைகாட்சியை இப்போது பார்ப்போம்.

சென்ற வாரம்தான் இந்த இணைய தொலைக்காட்சி வாங்கினேன். இதில் நாம் இன்டர்நெட் ஹப் அல்லது ரூட்டர் வழியாக இணைப்பை கொடுத்துகொள்ளலாம். இல்லையெனில் அவர்களே கொடுத்திருக்கும் ஒயர்லெஸ் USB dongle வழி இணைத்து கொள்ளலாம். எனவே ஒயர்களின் தொந்தரவு இன்றி எந்த இடத்திலும் தொலைகாட்சியை வைத்துகொள்ளலாம். இதில் Youtube, flicker -ன் எல்லா வீடியோக்களையும் கண்டு களிக்கலாம். கூடவே facebook, twitter அப்டேட்ஸ் களையும் பார்த்து கொள்ளலாம்.இன்னும் கூடவே இணைய தொலைகாட்சிகளையும் காண முடிகிறது. வேகம் குறைந்த இணைப்பு வைத்திருப்பவர்களுக்கு இது buffering ஆக நிறைய வாய்ப்புள்ளது. அதே நேரம் பய்பெர் ஆப்டிக் இணைப்பெனில் மிக தெளிவாக இருக்கும்.

அதுமட்டுமல்லாமல் பி.பி.சி யின் iplayer இருப்பதால் ஒருவாரத்திற்கு முந்திய தொலைக்காட்சி நிகழ்சிகளையும் கூட பார்த்துக் கொள்ளலாம். அதோடு மட்டுமல்லாமல் விரும்பக்கூடிய நிகழ்சிகளை USB வழியே பதிவு செய்து கொள்ளும் வசதியும் இருக்கிறது. 3D தொலைகாட்சியோடு ஒப்பிடும்போது விலை இதற்கு குறைவு. நிறைய வசதிகளுடன்.

இப்போது கணிணியின் சில செயல்பாடுகளே தொலைகாட்சியில் இருந்தாலும், இன்னும் சிறிது நாளில், மொத்த கணிணியின் செயல்பாடும், தொலைகாட்சியில் வந்துவிடும் என்பதுதான் உண்மை!

மனிதம் இன்னும் வாழ்கிறது!

2011-01-11T13:10:00.000-08:00

மனிதம் வாழ்கிறது!

ஒருமுறை விடுமுறையில் சென்றிருந்தபோது நாகர்கோவிலிலுள்ள ஒரு பிரபல உணவகத்தில் சாப்பிட்டுக் கொண்ட்டிருக்கும்போது, கல்லாவில் இருந்த வயதான பெண்மணி என்னையே நோக்கிக் கொண்டிருந்தார். என்னடா, என்னையே பார்க்கிற மாதிரி இருக்கு! உள்ளூர்லேயே என்னை ஒருத்தனுக்கும் சரியா தெரியாது. இந்த கொள்ளைல இவங்களுக்கா என்ன தெரியப்போகுது. சொன்னா நம்ப மாட்டீங்க! ஒரு விடுமுறையின் போது, என் சொந்த கிராமத்தில் வாடகை சைக்கிள் எடுக்க போனேன். ஆளு தெரியாது, வெளியூர் காரங்களுக்கு சைக்கிள் தரமுடியாது என சொல்லிட்டான். அப்புறம் தெரிஞ்ச ஆளு சொன்னப்புறம்தான் தந்தான். காரணம் நான் வெளிநாட்டிற்கு வந்து இருபது வருடங்களை தாண்டி விட்டதுதான். எதோ விடுமுறையில் செல்லும்போது சிலவாரங்கள் மட்டுமே இருப்பதால் சொந்த இடம் விருந்து இடம் போலவே இருக்கும். இதில் இந்த பெண்ணிற்கு என்னை தெரிய வாய்ப்பே இல்லையென நினைத்து கொண்டேன். ஒரு வழியாக சாப்பிட்டபின் பணம் கொடுக்க சென்றபோது, என்னிடம் கேட்டார் உங்க பேர் செல்வராஜ்தானா? எனக்கு ஒரே அதிர்ச்சி, சுதாகரித்துக்கொண்டு, ஆமா, உங்களுக்கு என்னை எப்படி தெரியும்?(எனக்கு சுத்தமாக அவர்களை அடையாளம் தெரியவில்லை) உன்னை எப்படியப்பா மறப்பேன். இருபது வருடமானாலும் அப்படியேதானப்பா இருக்கிறா!

இனி இருபது வருடங்களுக்கு முந்தைய நிகழ்வு:

அப்போது இருபத்தைந்து வயதுகூட ஆகவில்லை. நாகர்கோவிலில் அரசு பணியில் இருந்த நேரம். அலுவலகத்திலே நான்தான் வயதில் சிறியவன். அம்மா காலைலே கட்டுசோறு(கட்டு சோறின் சுவையே தனிதான். அது இப்போ யாருக்கு தெரியுது)கட்டி தந்து விடுவாள். அதனால் உணவகங்களில் சென்று உணவருந்த வேண்டிய அவசியம் இருக்காது. இருந்தாலும் நண்பர்களில் பெரும்பாலானோர் உணவகங்களிலேயே சாப்பிடும் பழக்கமுடையவர்களாக இருந்தார்கள். கடைசியா நானும் அப்பப்ப அவங்ககூட போய், உணவகத்தில் சாப்பிட ஆரம்பித்து விட்டேன். முதல் நாள் நண்பர்களுடன் சென்றபோது உணவகம் புறம்போக்கு நிலத்திலுள்ள ஒரு ஓலைக்குடிசையில் இருந்தது. பார்த்ததும் நான் இங்க வரல்ல என சொல்லிட்டேன். நண்பர்கள் அடிக்காத குறைதான். அதன் பின்னர் பேசாமல் உள்ளே போய்விட்டேன். அங்குள்ள சுவையான உணவு எனக்கும் பிடித்து போய் விட்டது. இதன் பின்னர் தொடர்ந்து செல்லா விட்டாலும் சில வேளைகளில் அங்கு உணவு அருந்துவதை பழக்கமாக கொண்டிருந்தேன்.

அவர்களுக்கு இந்த ஒலைக்குடிசையிலிருந்து கட்டிடத்திற்கு மாற வேண்டுமென்பது ஒரு லட்சியமாக இருந்தது. எனக்கு வெளி நாட்டிற்கு போக வேண்டுமென்பது லட்சியமாக இருந்தது. இதற்கிடையில் ஒரு புதிய கட்டிடத்தில் உணவகம் நடத்த ஒரு வாய்ப்பு அவர்களுக்கு வந்தது. ஆனால் அவர்களிடம் பணம் கிடையாது. அவர்களின் வாடிக்கையாளர்களிடம் இதை சொல்லிக்கொள்வார்கள். யாருமே கண்டுகொள்ள மாட்டார்கள். சிலர் உதவலாம் என சொன்னார்கள். என் நண்பர்கள் உட்பட. ஆனால் யாரும் உதவியதாகத்தான் தெரியவில்லை. நான் வாயே திறக்கவில்லை. காரணம் என்னால் உதவ முடியாது என்பதுதான் உண்மை. அதே நேரம் எனக்கு வெளிநாட்டிற்கு செல்ல வாய்ப்பும் கிடைத்தது. எனவே நான் அதற்கான ஏற்பாட்டிலேயே மும்முரமாக இருந்தேன்.

அடுத்தநாள் நான் பாம்பே செல்ல வேண்டியிருந்தது. அதே நேரத்தில் அவர்களுக்கு எதாவது உதவி செய்ய வேண்டுமென்ற எண்ணமும் இருந்தது. வீட்டில் ஒரு நண்பனிடம் சொல்ல மறந்துவிட்டேன், போய் சொல்லிக்கொண்டு வருகிறேன் என சொல்லிவிட்டு அந்த உணவகத்திற்கு சென்று, நான் ஒரு சிறுதொகையை "இதை உங்களின் லட்சியத்திற்கு வைத்துகொள்ளுங்கள்" என கொடுத்தேன். நாளை காலையில் பாம்பே செல்வதாக கூறினேன். நல்லா இருப்பா என சொல்லி அனுப்பினார்கள். இதன் பின்னர் பலமுறை விடுமுறையில் வந்தாலும் எனக்கு இது நினைவிலே வருவது கிடையாது. சுருங்க சொன்னால் இதை நான் மறந்தே விட்டேன். ஆனால் இருபது வருடங்கள் கடந்த பின்னரும் அவர் என்னை மறக்கவில்லை.

இதல்லவா மனித நேயம்! மனதிற்குள் நினைத்துக்கொண்டேன். மனிதம் இன்னும் வாழ்கிறது!

பாதிரி...யார்?

2010-10-19T15:26:00.000-07:00

பாதிரி...யார்?

நித்யானந்தாவை பற்றிய பரபரப்பு ஓரளவு ஒய்ந்த நேரத்தில் மீண்டும் பத்திரிகைகளுக்கு நல்ல தீனியை வழங்கியிருக்கிறார் திருச்சி பாதிரியார் ராஜ ரெத்தினம். பொதுவாகவே நிறைய பாதிரிமார்களின் மேல் இந்த மாதிரி பாலியல் குற்றசாட்டுக்கள் இருந்தாலும் இது கொஞ்சம் கூடுதலாக திரைப்படத்தில் வருவதை போல உள்ளது.(குளிர் பானத்தில் மயக்க மருந்து கொடுத்துள்ளது) உண்மையிலேயே இவர் அப்படி செய்திருந்தால் அவருக்கு கடுமையான தண்டனை வழங்க வேண்டும். கூடவே இந்த மாஜி அருட் சகோதரி ஃபிளாரன்சிற்கும். இவர் நாலு வருடமாக இதை வெளியே சொல்லாமல் இப்போது சொல்லியிருப்பது கொஞ்சம் சந்தேக கேள்விகளை எழுப்புகிறது. இவர் நல்ல பெண்ணாக இருந்திருந்தால் அன்றே இதை போலீசிடம் தெரிவித்திருக்க வேண்டும். அப்படி தெரிவிக்காதது பெரிய குற்றம். அதுமட்டுமல்ல இதனாலேயே இந்த பாதிரியார், வேறும் பல பெண்களை இதை போல செய்திருக்க வாய்ப்புள்ளது.

இனி பாதிரியார்களைப்பற்றி கொஞ்சம் பார்ப்போம்:

இன்று உலகம் முழுவதும் சுமார் நான்கு லட்சம் பாதிரியார்கள் உள்ளனர். இவர்களெல்லாம் பள்ளிப்படிப்பை முடித்த பின்னர் எட்டு வருடங்கள் படித்துதான் பாதிரியாராக ஆனவர்கள். விரும்புபவரெல்லாம் பாதிரியார் ஆகிவிட முடியாது. இந்த எட்டு வருட படிப்பிலே பாதிக்கு மேற்பட்டவர்கள் வெளியே வந்து விடுவார்கள். பின்னர் திருமணமும் செய்து கொள்வார்கள். இப்படி வந்தவர்களில் எனக்கு சில நண்பர்களும் இருக்கிறார்கள். சிலர் இறை பணியை செய்கிறார்கள். சிலர் குடும்பமாக வாழ்கிறார்கள். பிரபல பதிவர் சிறில் அலெக்ஸ் கூட இப்படி வந்தவர் என அவரது வலைப்பக்கத்தில் சொல்லியுள்ளார். இப்படி இடையிலே வந்து விட்டானே! என யாரும் வருத்தபடுவதும் கிடையாது. இதற்கு எட்டு வருடம் படித்து அதன் பின்னர் ஒரு பாதிரியாராகி இந்த இழி செயல்களை செய்வது கவலைக்கிடமான விஷயம்.

என்னுடைய பள்ளி தோழனும் உறவினருமான ஜான் பிரகாசம் இப்படி பாதிரியாரான பின்னர் திருமணம் செய்து விட்டு அமெரிக்காவிலே செட்டில் ஆகிவிட்டான். இவன் கோட்டாறு மறை மாவட்டத்திலே இருந்தபோது சில நூல்களைகூட வெளியிட்டு பிரபலமாக இருந்தவன். அதில் ஒன்று நோயா? பேயா? இந்த நூலின் அட்டை படத்தைக்கூட நானும் அவனுமாகத்தன் தெரிவு செய்தோம். இவன் திருமணம் செய்து விட்டான் என கேள்விபட்டதும் என்னால் நம்பக்கூட முடியவில்லை. இப்படி தங்களால் காமத்தை கட்டுப்படுத்த முடியாதவர்கள் பாதிரியாராக இருப்பதை விட பேசாமல் என் நண்பன் செய்ததை போல திருமணம் செய்து கொண்டு வாழ்வது நல்லது. இதனால் இருக்கும் நல்ல பாதிரிமார்களுக்காவது கெட்ட பெயர் வராமலிருக்கும்.

நான் சிறுவனாக இருந்த போது என் பங்கில் இருந்த பாதிரியாரை பெண்கள் சென்று பார்ப்பதற்கு அனுமதி கிடையாது. பொது இடத்தில் வைத்துதான் பேச வேண்டும். இன்று நிலைமை அப்படியா உள்ளது? விட்டால் பைக்கில் வைத்தே கொண்டு போவார்கள். வெள்ளை அங்கியும் அணிவது கிடையாது. முன்பெல்லாம் இடையிலே ஒரு கறுப்பு கச்சையை கூட கட்டுவார்கள். அது இப்போது மறைந்தே போய் விட்டது. இன்றைய தலைமுறைக்கு அப்படி ஒன்று உண்டா? என்றே தெரியாது. ஆடம்பர வாழ்க்கைக்கு அடிமையாகி விட்டார்கள். அதே நேரத்தில் இன்னும் மிதி வண்டியில் செல்லும் பாதிரியார்களும் இருக்கிறார்கள். அருட் சகோதரிகளும் இருக்கிறார்கள். தங்களுக்கு ஒதுக்கப்பட்ட பணத்தில் சிக்கனமாக வாழும் பாதிரிகளும் அருட் சகோதரிகளும் இருக்கிறார்கள். சமீபத்தில் லண்டனில் எனக்கு தெரிந்த ஒரு வெள்ளைக்கார அருட்சகோதரி கார் பார்க்கிங்கிற்குகூட கையில் பணமில்லாமல் நிற்க எதேச்சையாக அங்கு பார்த்த நான்தான் பணம் கொடுத்து உதவினேன்.

உலகில் துறவி போல வாழ்ந்து தன்னை முழுவதும் கடவுளுக்காக அர்ப்பணித்து இயேசு கிறிஸ்துவின் பாடுகளை (stigmata)அனுபவித்த பாதிரிமார்களும் அருட்சகோதரிகளும் இருக்கிறார்கள். அதை என்னுடைய இந்த பதிவிலே காணலாம். ஆறு வருடங்களுக்கு முன்பு நான் சந்தித்த ஒரு பாதிரியார் தாடி இல்லாமல் மீசையுடன் காணப்பட்டார். இதைப்பற்றி கத்தோலிக்க forum ஒன்றில் விவாதித்த போது அமெரிக்காவில் ஒரு காதில் மட்டும் வளையம் போட்ட பாதிரியாரும் உண்டென பதில் வந்தது. ஒருவேளை எதாவது பாப் இசைக்குழுவில் உறுப்பினராய் இருப்பாரோ? என எண்ணினேன்.

இன்னும் சில பாதிரியார்களின் மேல் ஒரு பெரிய குற்றசாட்டு உண்டு. சிறுவர்களுக்கு பாலியல் தொந்தரவு கொடுத்தல். இவர்களை இயேசு கிறிஸ்துவின் பிரதிநிதி என எண்ணி பிள்ளைகளை விடும்போது, இந்த காமவெறி பிடித்த சிலரால் சிறு பிள்ளைகளும் பாதிக்க படுகிறார்கள். இவர்களுக்காகத்தான் இயேசு கிறிஸ்து இப்படி சொன்னாரோ?

(மத்தேயு 18:6) "என்மீது நம்பிக்கை கொண்டுள்ள இச்சிறியோரில் எவரையாவது பாவத்தில் விழச்செய்வோருடைய கழுத்தில் எந்திரக் கல்லைக் கட்டி தொங்கவிட்டு ஆழ்கடலில் அமிழ்த்துவது அவர்களுக்கு நல்லது"

சவுதி இளவரசருக்கு மரண தண்டனை வழங்கப்படுமா?

2010-10-08T11:37:00.000-07:00

சவுதி இளவரசருக்கு மரண தண்டனை வழங்கப்படுமா?

சவுதி அரேபியா, ஈரான், ஏமன், சூடான், நைஜீரியா, ஐக்கிய அரபு குடியரசுகள், மௌரித்தானியா ஆகிய ஏழு நாடுகளும் ஓரின சேர்க்கையாளர்களுக்கு மரண தண்டனை வழங்கும் நாடுகள். அதிலும் சவுதி அரேபியாவில் மரண தண்டனை என்பது வெள்ளிக்கிழமை பள்ளியில் தொழுகை முடிந்த பின்னர், பொது மக்களின் முன்னிலையில் தலையை வெட்டிக் கொல்வது. இப்போது சவுதி இளவரசர் சவுது பின் அப்துல்அஜிஸ் பின் நசிர் அல் சவுது இந்த மரண தண்டனைக்குரிய குற்றங்கள் இரண்டினை செய்துள்ளார். ஓரின சேர்க்கை, கொலை. எனவே இவருக்கு சவுதி அரேபியா சட்டப்படி இரண்டு மரண தண்டனைகள் வழங்க வேண்டும். இது நடக்குமா என தெரிய வில்லை?

(கொலை நடந்த ஐந்து நட்சத்திர ஹோட்டல்)

இந்த கொலை செய்வதெல்லாம் இளவரசர்களுக்கு ஒன்றும் பெரிதல்ல! இதே கொலை சவுதி அரேபியாவில் நடந்திருந்தால் இந்த கறுப்பு அரபியான பந்தர் அப்துல் அஜிசின் உடலே காணாமல் போயிருக்கும். நல்ல வேளை இது லண்டனில் நடந்ததால் இன்று ஊடகங்களில் வெளியாகி விட்டது.

(கொலை செய்யும் இளவரசர்)

முன்பு ஒருமுறை ரியாத்திலுள்ள ஒரு பிரபல பல்பொருள் அங்காடியில் எல்லோரும் வரிசையில் நின்று பொருட்களுக்கான பணத்தை செலுத்திக்கொண்டிருக்கும் போது, வரிசையில் நிற்காமல் ஒருவன் முன் சென்றதும் அவனிடம் ஒரு பிலிப்பின்ஸ் நாட்டை சேர்த்தவன் எல்லோரைப்போல வரிசையில் நில் என சொன்னதுதான் தாமசம். அந்த அரபி உடனே தன்னிடம் இருந்த கை துப்பாக்கியால் அந்த பிலிப்பின்ஸ் நாட்டுக்கரனை சுட்டுக் கொன்றுவிட்டான். பின்னர் வெளியே சென்று காரிலிருந்து ஒரு கட்டு பணத்தை எடுத்து செத்தவன் மேல் போட்டுவிட்டு போய் விட்டான். பின்னர் தான் தெரிந்த்தது அவன் ஒரு இழவு அரசன் என்று. இந்த செய்திகள் எல்லாம் அங்கு வெளியே வருவது கிடையாது. இந்த இழவு அரசர்கள் தலையில் ஏதாவது கிரீடம் வைத்து கொண்டு நடந்தாலாவது பாவங்கள் ஒதுங்கி கொள்வார்கள். இந்த இழவுஅரசனின் போதாத காலம் இது லண்டனில் நடந்தது தான்.

இங்கிலாந்திலோ இவனுக்கு மரண தண்டனை கொடுக்க மாட்டார்கள். ஒரு வேளை அதிக பட்சமாக எட்டு வருடங்கள் சிறை தண்டனை கொடுக்கலாம். அப்படி இல்லையெனில் தண்டனை இல்லாமல் தப்பித்து கொள்ளவும் வாய்ப்பிருக்கிறது.

(கொலையுண்ட பந்தர் அப்துல்அஜிஸ்)

காரணம் டோனி பிளையர் இங்கிலாந்தின் பிரதமராக இருந்த போது ரியாத்தில் கொலை குற்றத்திற்காக மரண தண்டனை விதிக்கபட்டிருந்த ஒரு இங்கிலாந்து பெண்ணை டோனி பிளையர் தன்னுடன் அழைத்து கொண்டு வந்துவிட்டார். ஆகவே அதை போல இந்த இளவரசரும் தப்பித்து விடலாம். யார் கண்டது. இளவரசி டயானாவின் கொலையாளியையே இன்னும் பிடிக்க வில்லையே!

வீடியோவை காண இங்கே சொடுக்கவும்.

காமன்வெல்த் கிராமம், காட்டப்படாத படங்கள்!

2010-09-28T14:37:00.001-07:00

காமன்வெல்த் கிராமம், காட்டப்படாத படங்கள்!

இன்றைக்கு காமன்வெல்த் விளையாட்டு, இந்தியாவில் நடக்க இருப்பதை கிண்டல் செய்பவர்கள் அதிலுள்ள குறைகளையே காண்பிப்பதில் குறியாக இருக்கிறார்கள்.அதிலுள்ள நிறைகளையோ,அல்லது ஒரு இந்தியன் என்ற அளவிலாவது அது வெற்றியடைய வேண்டு மென்றோ நினைப்பதில்லை! இதோ ஊடகங்களால் வெளியே காட்டப்படாத படங்கள் உங்கள் பார்வைக்கு.

படங்களை பார்க்க இங்கே சொடுக்கவும்.

.

சலுகை திருடர்கள்!

2010-09-20T13:30:00.000-07:00

சலுகை திருடர்கள்!

இங்கிலாந்தில் இது ஒரு பெரிய பிரச்சனை. அரசின் சலுகைகளை தவறான தகவல்களைக் கொடுத்து பெற்றுக்கொள்வது. இப்படி செய்வது வெள்ளைக்காரர்கள் மட்டுமல்ல! இங்கு வந்து குடியேறியுள்ள வெளிநாட்டவரும்தான். சென்ற வருடம் மட்டும் 900 மில்லியன் பவுண்டுகள் இப்படி சலுகை திருடர்களால் அரசிற்கு இழப்பாகியுள்ளது.(ஒரு பவுண்டு சுமார் எழுபது இந்திய ரூபாய்கள்) இப்படி ஏமாற்றுபவர்களை ஒரு புறம் பிடித்துக்கொண்டிருந்த்தாலும் மறுபுறம் இது தொடர்ந்து நடந்து கொண்டுதானிருக்கிறது.

சமீபத்தில் இப்படி பிடிபட்ட ஒருவர் கால்பந்தாட்டத்தின் நடுவராக செயல் பட்டுக்கொண்டிருந்தார். இவர் இந்த விளையாட்டின் நடுவராக ஓடி செயல் படுவதை வீடியோ மூலம் எடுத்திருந்தனர். காரணம் இவர், கால் ஊனம் நடக்க முடியாதென, அரசின் சலுகையை பெற்று வந்தவர். இன்னும் பலர், இளம் வயதிலேயே திருமணம் செய்துகொண்டு அந்த சூடோடு குழைந்தையும் பெற்றுக்கொண்டு, அதே வேகத்தில் விவாக ரத்தும் செய்து கொள்வர். பின்னர் வாழ வழியில்லை, இருக்க வீடில்லை, என சொல்லி இரண்டு படுக்கையறை கொண்ட வீட்டையும், பிற சலுகைகளையும் பெற்றுக்கொள்வர். இதன் பின்னர் இவர்கள் இணைந்து விட்டால், அதை அரசிற்கு சொல்ல மாட்டார்கள்! சில வேளைகளில் புதிய ஆணுடன் சேர்ந்து வாழ்வார்கள். இதை நிறையபேர் அரசிடம் சொல்லாமலே சலுகை திருடர்களாகவே வாழ்ந்து வருவர்.

சென்ற வருடம் மட்டும் இந்த சலுகை திருடர்களில் 56,493 பேர் பிடிபட்டுள்ளனர். சராசரியாக ஒரு நாளைக்கு 232 பேர். இப்படி சலுகையை திருடுகிறவர்களை பிடிக்க நிறைய வழி முறைகளை கையாள்கிறது அரசு. பிடிபடுபவர்களிடம் கொடுத்த பணத்தை சரியாக வசூல் செய்துவிடுவர். கூடவே தண்டனையும்.

இந்தியாவிலும் இப்படி அரசின் சலுகையை தவறான தகவல்களை கொடுத்து பெற்று கொள்பவர்கள் நிறையவே இருக்கின்றனர். அவர்களை யாரும் சலுகை திருடர்கள் என சொல்வதாக தெரியவில்லை. என் பள்ளி தோழன் ஒருவன் அரசின்படி தாழ்த்தப்பட்டவன். அவன் ஆசிரியராக வேலையில் சேரும்போதுதான் பிரச்சனை வந்தது. காரணம் அவன் பெயர் கிறிஸ்தவப் பெயர். எனவே அந்த பணி அவனுக்கு மறுக்கப்பட்டது. இந்து என்று சொல்லி வேலையை பெற்றுக்கொண்டான். இன்னுமொரு பள்ளி தோழன் எல்லா ஞாயிற்றுக்கிழமைகளிலும் என்னுடன் தேவாலயம் வந்தவன். இந்து என சொல்லித்தான் அரசின் பணியை அதிகாரி உமா சங்கர் போல பெற்றுக்கொண்டான்.

இது நமக்கு தவறு போல தெரிவதில்லை. இப்படி நம் எல்லோருக்குமே யாராவது தெரிந்தவர்கள் அங்கொன்றும் இங்கொன்றுமாக இருப்பார்கள். இப்படி இந்தியா முழுக்க எவ்வளவு பேர் இருப்பார்கள் என எண்ணிப்பாருங்கள். எவ்வளவு நம் நாட்டிற்கு இழப்பு. எனவே சலுகையை தவறாக பயன் படுத்துவதை நிறுத்த வேண்டும். இல்லையென்றால் இவர்களையும், இங்கிலாந்தில் அழைப்பதைப் போல "சலுகை திருடர்கள்" என அழைக்கலாம்.

போப் பெனடிக்டின் லண்டன் திருப்பலி!

2010-09-20T06:31:00.000-07:00

லண்டனிலுள்ள வெஸ்ட்மின்ஸ்டர் கதீட்ரலில் போப் பெனெடிக்ட் நிகழ்த்திய திருப்பலியை இங்கே காணலாம்

இங்கே காணலாம்

போப்பின் ஐக்கிய ராஜ்யம் விஜயத்தின் நேரலை!

2010-09-16T05:45:00.000-07:00

போப்பின் ஐக்கிய ராஜ்யம் விஜயத்தின் நேரலை!

போப் பெனெடிக்ட் தனது நான்கு நாள் சுற்றுப் பயணமாக ஐக்கிய ராஜ்யம் வந்த்துள்ளர்.

அதன் நேரடி ஒளி பரப்பை
இங்கே காணலாம்

விதவிதமான பிளாஷ் டிரைவ்ஸ்!

2010-08-23T07:21:00.000-07:00

விதவிதமான பிளாஷ் டிரைவ்ஸ்!

டேய் போணை எடுடா!

2010-08-22T15:40:00.000-07:00

Youtube-ல் எதேச்சையாக கேட்க நேரிட்டது. உங்களுக்கு பிடிக்கும் என நினைக்கிறேன்.

நன்றி! கார்த்திக் முருகன்
http://www.yemkay.com/

இலவசம்! கல்விக்கு ஏனில்லை?

2010-08-20T06:20:00.000-07:00

இலவசம்! கல்விக்கு ஏனில்லை?

தமிழக முதல்வர் தினம் ஒரு இலவசம் என அறிவித்தாலும் ஆச்சரியப்படுவதற்கில்லை. அந்த அளவு அது இலவசம், இது இலவசம் என அறிக்கைகள் வந்து கொண்டே இருக்கின்றன! ஆனால் மிகவும் தேவையான கல்வியை இலவசமாக கொடுப்போம் என்னும் அறிவிப்பை காணோம்.

இப்போது பத்திரிக்கைகளை படித்தால் தெரியும். மருத்துவ கல்லூரியில் படிக்க இடம் கிடைத்தும் பணம் கட்ட முடியாமல் செங்கல் சூளையில் வேலை பார்ப்பதையும், பொறியியல் கல்லூரியில் படிக்க இடம் கிடைத்தும் பணம் கட்ட முடியாமல் கூலி வேலைக்கு செல்வதையும். இந்த மாதிரி சூழ்நிலையில் தள்ளப்படும் ஏழைகளுக்கு கல்வி ஏனில்லை இலவசம்? என்ற கேள்வி ஒவ்வரு சாமானியனுக்கும் வரும். இலவச மின்சாரம், இலவச பம்ப் செட்(இதற்கு சரியான தமிழ் தெரிந்தால் சொல்லுங்கள்), இலவச தொலைகாட்சி என அறிவித்துவரும் முதல்வருக்கு, இந்த கேள்வி வராதது வியப்பே!

முன்பெல்லாம் அரசு கல்லூரிகளில் மேற்படிப்பு இலவசமாகத்தான் இருந்தது. அதிக மதிப்பெண்களுடன் இலவசமாக மருத்துவ படிப்பையோ, பொறியியல் படிப்பையோ இந்தியாவில் படித்து விட்டு, முடித்த கையேடு இங்கிலாந்திலோ, அமெரிக்காவிலோ போய் வேலைக்கு சேர்ந்து விடுவார்கள். இப்படி ஒரு சிக்கல் இருந்ததால்தான், படிப்பிற்கான செலவை கட்டும்படியா, இப்படி ஒரு முறை அமலுக்கு வந்தது. ஆனால் அது இன்று விபரீதமாகி ஏழைகளை பாதிக்கும் படியாக போய் விட்டது.

இது மாதிரி பாதிக்கப்படும் ஏழைகளுக்கு இலவசமாக மேற்படிப்பை அரசு கண்டிப்பாக வழங்க வேண்டும். மேலே சொன்ன மாதிரி, அவர்கள் படிப்பை முடித்த கையேடு வெளிநாடு செல்ல அனுமதிக்காமல் சில வருடங்கள் இந்தியாவில் வேலை செய்யவேண்டும் என்னும் நிபந்த்தனையை வைக்கலாம். இந்தியாவில் வேலை கிடைக்குமா? என்பது வேறு விஷயம்.
இப்படி சகட்டு மேனிக்கு பணம் கட்ட சொல்வதால்தான் அது ஒரு வியாபார பொருளாகி இத்தனை தனியார் பொறியியல் மற்றும் மருத்துவக்கல்லூரிகளாய் உருவெடுத்துள்ளது. இப்படி மேற்படிப்பு இலவசமாக்கப்பட்டால், இந்த தனியார் கல்வி வியாபாரிகள் காணாமல் போய் விடுவார்கள்.

இந்த இலவச மின்சாரம் ஒன்றும் ஏழைக்கு பயன்படுவதில்லை. என் கிராமத்திலே ஒரு சென்று நிலம், ஒரு லட்சம் ருபாய் இன்று விலை போகிறது. அங்கே ஒரு ஏக்கர் நிலம் இருந்தால் அவன் கோடீஸ்வரன். அவனுக்கு எதற்கு இலவச மின்சாரம்? அப்படி இலவசத்தை கொடுத்து நீங்கள் தமிழனை மகிழ்விக்க வேண்டுமென்றால், கிரிக்கெட் போட்டியை காண அனுமதி இலவசம், தமிழக திரையரங்குகளில் திரைப்படம் காண அனுமதி இலவசம் என அறிவியுங்கள். இவை இரண்டும் தமிழனுக்கு மிகவும் தவிர்க்க முடியாத ஒன்றாகி விட்டது.
இல்லை, என் இலவச அறிவுப்புகள் இன்னும் தொடரும் என்றால், தயவு செய்து இந்த கல்வியும் இலவசம் என அறிவியுங்கள்!

வேர்களை தேடி அறுத்தல்!

2010-07-28T04:42:00.000-07:00

வேர்களை தேடி அறுத்தல்!

அன்றுதான் அவனுக்கு விடுமுறை. மலேசியாவிலிருந்து இந்தியாவிற்கு கால்பந்து விளையாட அந்நாட்டின் சார்பாக வர்தவர்களில் ஒருவன். சக விளையாட்டு வீரர்களைப்போலல்லாமல் தனக்கு தமிழகத்தில் வேர்கள் உள்ளதை அறிந்த்தவன். இன்று எப்படியாவது என் வேர்களை தேடிப்பிடித்தே ஆவது என்னும் நோக்கத்தோடு கிளம்ப்பினான். விலாசத்தை மறக்காமல் எடுத்துக்கொண்டு வாடகை கார் மூலம் ராமநாதபுரத்தை அடைந்தான். தான் மலேசியாவில் பிரபல கால்பந்து வீரனாக இருந்தாலும், இந்தியாவில் யாரும் அடையாளம் கண்டு கொள்ளவில்லை. கிரிக்கெட் வீரர்களை விட்டால் வேறு யாரைத்தான் தெரியும் நமக்கு? இது அவனுக்கு வசதியாகவே போய்விட்டது. ரசிகர்களின் தொல்லையில்லா பயணம்.

ராமாநாதபுரத்தை அடைந்த்தவனை ஒரு கூட்டமே நின்று பார்க்க தொடங்கியது. காரணம் அவன் தேடிய வேர்களின் விலாசம் குடிசை வாசிகளின் இடமாகப்பட்டது. ஓ, கடவுளே! நான் தேடுபவர் நிச்சயமாக குடிசை வாசியாக இருக்கக்கூடாதென மனதிற்குள் வேண்டிக்கொண்டான். தான் தேடிய பெண்மணி, அதோ! அந்த குடிசையில் வசிக்கிறார் என ஒருவர் காண்பித்தார். மனதை திடப் படுத்திக்கொண்டு உள்ளே நுழைந்தான்.

உள்ளே ஒரு வயதான பெண்மணி. அம்மா!... நான் மலேசியாவிலிருந்து, என்றவனை உற்று நோக்கினாள்...
அந்த தாயின் நினைவுகள் இப்போது....

இருபத்தைந்து வருடங்கள் பின்னோக்கி சென்றது.

மரகதம், நம்ம என்னைக்கும் இப்படி இருந்தா போதுமா என்ன? நமக்கு ஒரு பிள்ளையும் பிறந்திடுச்சி, அவனை இங்கிலீஷ் மீடியத்தில படிக்க வைக்கணும். நம்ம போல இல்லாம அவன நல்லா படிக்க வைக்கவேண்டியது நம்ம கடமை. அதுக்கு இந்த கூலி வேலையில் கிடைக்கிற பணம் போதாது.

அதுக்கு நான் என்ன செய்யணும் சொல்லுங்க?
இல்ல, இந்த... வெளி நாட்டிற்கு போனா நிறைய சம்பாதிக்கலாம். நல்ல வீடு கட்டலாம். நாமளும் நல்ல வசதியாயிடலாம்.
சரிதாங்க! அதுக்கு நான் என்ன செய்யணும்.
உன்னோட நகைகளை தந்தா... அத.. வித்து நான் வெளிநாட்டிற்கு போய்...
இதுக்கு கேட்கணுமா என்ன? அவ்வளவு நகைகளையும் கணவனிடம் கொடுத்துவிட்டாள். தன் மகனும் இதை பார்த்துக்கொண்டுதான் இருந்தான்.
ஆசைபட்டதை மாதிரி கணவனும் மலேசியா சென்றான். முதல் சில மாதங்கள் ஒழுங்காக பணம் அனுப்பினான். அப்புறம் எதோ பணம் வருவதும், கடிதம் வருவதும் நின்று போனது. பணம் இல்லாததால் மரகதம் கூலி வேலைக்கு செல்ல தொடங்கினாள். மகனை காப்பாத்த, தானும் உயிர் வாழ இதை தவிர வேறு வழியில்லை என்றாகி விட்டது.
இதற்கிடையில் கிராமத்திலோ உனக்கென்ன! நீ இனி மாடி வீடு, அது இது என சொல்ல தொடங்கிய நேரமாக இருந்தது. அதற்குள் கணவன் தடம் மாறி விட்டான்.
நிறைய மாதங்கள் கழித்து மலேசியாவிலிருந்து வந்த ஒருவர், உங்கள் கணவர் கொடுத்து விட்டதென, சில துணிகளை கொண்டு வந்து கொடுத்தார். பேச்சிவாக்கிலே கணவனுக்கு, ஒரு மலேசியா தமிழ் பெண்ணுடன் தொடர்பு உள்ளதென சொல்லி விட்டு சென்றார்.
இது நடந்து சில மாதங்களுக்கு பின்னர் கணவனிடமிருந்து தன்னை மறந்து விடும்படியாகவும். தான், இங்குள்ள ஒரு மலேசிய பெண்ணை திருமணம் செய்து விட்டதாகவும் கடிதம் வந்தது.

மரகதம் ஆடிப்போனாள். இதற்காகவா இவனை வெளிநாட்டிற்கு அனுப்பினேன்! நானே என் தலையில் மண் அள்ளிப் போட்டுவிட்டேன், என அழுது புலம்பினாள்.
தமிழ் திரைப்படத்தில் என்றால், கணவனிடம் சவால் விட்டு, பிள்ளையை நல்லா படிக்க வைத்து, கணவனை காலில் விழ வைக்கலாம். நிஜ வாழ்கையில் இது நடக்குமா என்ன?
மகனும் பள்ளிக்கு போனான். எவ்வளவோ முயற்சி செய்தும் படிப்பு, அவனுக்க மண்டையில் ஏறவே இல்லை. கணவனும் இல்லையென்றாகி விட்டது, பிள்ளையும் படிப்பில் சரியில்லை. போதாக்குறைக்கு கடன் வேறு. வேறு வழியில்லாமல் இருந்த வீட்டையும் விற்று குடிசைக்கு மாறி விட்டாள். இதற்குள் வருடங்கள் ஓடி விட்டன! மகனும் கூலி வேலைக்கு செல்ல தொடங்கினான்.
இருந்தாலும் கூலி வேலையில் கிடைத்த பணத்தை வைத்து பெரிதாக என்ன சாதிக்க முடியும். எனவே நிரந்தர குடிசை வாசியாகவே மாறிவிட்டனர். இதன் பின்னர் கணவனிடமிருந்து எந்த பதிலுமில்லை.

இப்போது நிமிர்ந்து பார்த்த மரகதம் இருபத்தைந்து வருடங்களுக்கு முன்பு, தன் கணவன் எப்படி இருந்தானோ அதே உருவத்தில் இவனை பார்க்கிறாள். அவளுக்கு உடனே புரிந்தது. தன் கணவனின் மலேசிய வாரிசு என்று.
உக்காரப்பா என சொல்ல அங்கு நாற்காலிகள் இல்லை. இதற்கிடையில் மகன் வந்து விட்டான். மலேசியா தம்பி என்றதும் பக்கத்து வீட்டில் நாற்காலி வாங்க ஓடினான். பள்ளிக்கூடம் படத்திலே தங்கர் பச்சான் ஓடுவதை போல.நாற்காலி வந்ததும் அமர்ந்தான். இதற்குள் மொத்த கிராமமுமே கூடிவிட்டது.
அம்மா!... நாங்கள் மலேசியாவில் மிகவும் வசதியாக வாழ்வதாகவும். தந்தை இறந்து சில வருடங்கள் ஆகி விட்டதெனவும் சொன்னான். கூடவே தன் தாய், செய்தது பெரிய தவறெனவும், அதற்காக தங்களை மன்னிக்கும் படியாகவும் கேட்டுக்கொண்டான். மொத்த கிராமத்தார் முன்னிலையிலும், நான் மலேசியா போனதும் உங்களுக்கு பணம் அனுப்பி தருவேன். நீங்கள் பெரிய மாடி வீடு கட்டனும். இந்த அண்ணனுக்கும் விசாவிற்கு ஏற்பாடு செய்வேன் என நிறைய வாக்குறிதிகள். மரகதம் கணவனின் மொத்த தவறுகளையும் மறந்து விட்டாள். எதோ, தன் கணவனின் இன்னொரு குடும்பம் வசதியாக வாழ்கிறது என்பதே ஒரு சந்தோசமாக இருந்தது.
கண்ணீரோடு அவன் விடை பெற்றான். மொத்த கிராமமே அவனை வழியனுப்பி வைத்தது. சில நாட்கள் சென்றன . கிராமத்திலும் எல்லோரும் மரகதம் உனக்கு நல்ல நேரம் பிறந்திடுச்சி. இன்னும் கொஞ்ச நாளில் பணம் வரும். அப்புறமென்ன, நீ பெரிய ஆளுதான்.
மாதங்கள் உருண்டோடியது. பணமும் இல்லை, தகவலும் இல்லை. யாருமே அவனிடம் விலாசமும் கேட்கவில்லை. மீண்டும் மாடி வீடு ஆசை மண்ணாய் போனது. அவனது வாக்குறிதி தேர்தல் வாக்குறிதி போல ஆகிவிடுமென அந்த தாய்க்கு தெரியாமல் போனது. தன் கணவனை வஞ்சித்தவள் இனி பணம் கொடுக்க விடுவாளா என்ன? இது அந்த மரகதத்திற்கு தெரியாதா என்ன? இப்போது வருடங்களே தாண்டி விட்டது. போனவன் போனதுதான்.
மரகதம் அதே குடிசையில் கூலி வேலை செய்யும் மகனோடு.

இது ஒரு விதத்தில் "வேர்களை தேடி அறுத்தல்" போன்றதே!

என் பதிவு பிற தளங்களில்!

2010-07-27T05:29:00.000-07:00

நாங்களும் உங்களை கண்காணிக்கிறோம்!
என்னும் என்னுடைய பதிவு, நிறைய வலைத்தளங்களில் அவர்களின் பதிவு போல பதியப்பட்டுள்ளது. இத்தனைக்கும் நான் ஒன்றும் அவர்களைப்போல பிரபல பதிவர் அல்ல. குறைந்தது என் பெயரையோ, அல்லது என் இணைப்பையோ கொடுத்திருந்தால் நான் இப்படி ஒரு பதிவை வெளியிட அவசியம் இருந்திருக்காது.

இடி முழக்கம், இவர் முன்னால் நான் சின்ன ஒரு பதிவர்தான். பாருங்கள் எவ்வளவு பேர் இவரை பின் தொடர்கிறார்கள்.

இவரும் என் பதிவை தன் பதிவுபோல பதிந்துள்ளார்!

தமிழ் நியுஸ்

தமிழ் நியுஸ், என்னோட பதிவை போட்டுக்கிட்டு கீழே, கோப்பி ரைட் வேற!

தமிழ்நிருபர்.காம் இவரும் என் பதிவின் தலைப்பை மாற்றியிருக்கிறார். மற்றபடி என் பதிவை அப்படியே போட்டிருக்கிறார் அவருடைய பதிவுபோல.

சமுதாய உரிமை, என்ன அழகான பெயர் வைத்துள்ளார் பாருங்கள். திருட்டு பதிவை வைத்துக்கொண்டு. பெயரை மட்டும் மாற்றியிருக்கிறார். மற்றபடி என் பதிவை அப்படியே போட்டிருக்கிறார் அவருடைய பதிவுபோல.

ஆகாயம், இவர் பிறரைப்போல தலைப்பை மாற்றவில்லை. அப்படியே பதிந்துள்ளார்.

உதயம், இவரும் என் பதிவின் தலைப்பை மட்டும் மாற்றியிருக்கிறார். மற்றபடி என் பதிவை அப்படியே போட்டிருக்கிறார் அவருடைய பதிவுபோல!

முல்லைக்கதிர், இவர் என்னுடைய எல்லா தொழில்நுட்ப பதிவுகளையும் தன்னுடையதை போல போட்டுள்ளார். அதுமட்டுமல்ல pudhuvai.com இன் பதிவுகளையும் போட்டிருக்கிறார்.

அதிரை எக்ஸ்பிரஸ், இவரும் தலைப்பை மாற்றியிருக்கிறார். மற்றபடி என் பதிவை அப்படியே போட்டிருக்கிறார் அவருடைய பதிவுபோல!

இவருடைய வலைப்பூவின் பெயரை பாருங்கள், சத்தியபாதை: பெயரை மாற்றியிருக்கிறார். மற்றபடி என் பதிவை அப்படியே போட்டிருக்கிறார் அவருடைய பதிவுபோல!

சுவாமிமலை எக்ஸ்பிரஸ்காரரும் தலைப்பை மட்டும் மாற்றியிருக்கிறார். மற்றபடி என் பதிவை அப்படியே போட்டிருக்கிறார் அவருடைய பதிவுபோல!

இவர் தலைப்பை மட்டும் மாற்றியிருக்கிறார். மற்றபடி என் பதிவை அப்படியே போட்டிருக்கிறார் அவருடைய பதிவுபோல.

இவர் தலைப்பை மட்டும் மாற்றியிருக்கிறார். மற்றபடி என் பதிவை அப்படியே போட்டிருக்கிறார் அவருடைய பதிவுபோல.

சிந்திக்கவும், இவரும் என் பதிவை போட்டுள்ளார்.

இதில் முத்துமணி என்பவர் அவருடைய தளத்தில் என் பதிவை வெளியிட்டிருந்தார். சுட்டிக்காட்டியதும் என் இணைப்பை இப்போது போட்டிருக்கிறார். அவருக்கு எனது நன்றிகள்!

கத்தோலிக்கர்கள் சிலைகளை வழிபடுகிறார்களா?

2010-07-17T05:19:00.000-07:00

கத்தோலிக்கர்கள் சிலைகளை வழிபடுகிறார்களா?

"மேலே விண்வெளியில் , கீழே மண்ணுலகில், பூமிக்கடியே நீர்த்திரளில் உள்ள யாதொன்றின் சிலையையோ ஓவியத்தையோ நீ உருவாக்கவேண்டாம். நீ அவைகளை வழிபடவோ அவற்றிற்கு பணிவிடை புரியவோ வேண்டாம்".(விடுதலைப் பயணம் 20:4-5)

"ஐயோ, இம்மக்கள் தங்களுக்காக பொன்னால் தெய்வங்களை உருவாக்கிப் பெரும்பாவம் செய்துவிட்டார்கள்" (விடுதலைப் பயணம் 32:31 )

மேலே சொல்லப்பட்டிருக்கும் இந்த வசனங்களை மேற்கோள்காட்டி கத்தோலிக்கர்கள் கடவுளின் கட்டளைகளை மீறி சிலைகளை வணங்குகிறார்கள் என பிற கிறிஸ்தவர்கள் சொல்வதை கேட்கலாம். இதற்கு காரணம் கத்தோலிக்க தேவாலயங்களில் காணப்படும் ஆண்டவராகிய இயேசு கிறிஸ்த்து, மாதா மற்றும் புனிதர்களின் சொருபங்களே!

இனி திருவிவிலியத்தில் சிலைகள் விசயமாக கடவுள் சொல்லும் சில வசனங்களைப் பார்ப்போம்.

(விடுதலைப் பயணம் 25:18-20) இரு பொன் கெருபுகளைச் செய்தல் வேண்டும்; இரக்கத்தின் இருக்கையிலுள்ள இரு பக்கங்களிலும் அவற்றை அடிப்பு வேலையாக அமைப்பாய். ஒரு புறத்தில் ஒரு கெருபும், மறு புறத்தில் மற்றொரு கெருபுமாக அமைக்க வேண்டும். இரக்கத்தின் இருக்கையோடு இணைந்த்ததாக அதன் இரண்டு ஓரங்களிலும் கெருபுகளை செய்துவை, அக்கெருபுகள் தம் இறக்கைகளை மேனோக்கி விரித்தவாறும் , இரக்கத்தின் இருக்கையை தம் இறக்கைகளால் மூடியவாறும் இருக்கட்டும். கெருபுகளின் முகங்கள் ஒன்றையொன்று நோக்கியவாறும், இரக்கத்தின் இருக்கையை பார்த்தவாறும் விளங்கட்டும்.

(1 குறிப்பேடு 28:18-19) தூப பீடத்திற்கான புடமிடப்பட்ட பொன்னின் நிறையையும் கொடுத்தார். இறக்கைகளை விரித்து ஆண்டவரின் உடன்படிக்கை பேழையை மூடும் பொற்கெருபுகளை கொண்ட பொன் தேரின் மாதிரி வடிவத்தையும் கொடுத்தார், தாவீது,"இந்த மாதிரிகள் அனைத்தையும் ஆண்டவரே தம் கையால் வரைந்த்தளித்து அவை அனைத்தையும் செய்யும்படி எனக்கு உணர்த்தினார்" என்றார்.

(எசேக்கியேல் 41:17-18) வாயிலிலிருந்து உள்கூடம் வரையிலும் வெளியேயும் சுற்றிலுமிருந்த சுவர்களில் உள்ளேயும், வெளியேயும் கெருபுகள், பேரீச்ச மரங்களின் வடிவங்கள் இருந்தன. ஒவ்வரு கெருபையும் அடுத்து ஒரு பேரீச்ச மர வடிவம் அமைந்த்திருந்தது. ஒவ்வரு கெருபுக்கும் இரு முகங்கள் இருந்தன.

ஆண்டவரே செய்ய சொல்லும் வெண்கலப் பாம்பு:

(எண்ணிக்கை 21:8-9) அப்போது ஆண்டவர் மோசேயிடம் , "கொள்ளிவாய் பாம்ப்பொன்றை செய்து அதை ஒரு கம்பத்தில் பொருத்து; கடிக்கப்பட்டோரில் இதை பார்க்கிற ஒவ்வெருவனும் பிழைப்பான்" என்றார். அவ்வாறே மோசே ஒரு வெண்கலப் பாம்பை செய்து அதை ஒரு கம்பத்தில் பொருத்தினார். பாம்ப்பு கடித்த எந்த ஒரு மனிதனும் இந்த வெண்கலப் பாம்ப்பை பார்த்து உயிர் பிழைப்பான்.

இங்கே ஆண்டவரே இப்படி சொல்லியிருக்கும் போது இயேசு கிறிஸ்த்துவின் சிலைகளை வைப்பதில் என்ன தவறு என தெரியவில்லை. அன்றியும் நாம் நம் முன்னோர்களை அவர்களின் படங்களின் வழியாகவே அடையாளங்காண முடிகிறது. ஆக நம் வீடுகளில் இருக்கும் முன்னோர்களின் படங்களை நாம் வழிபடுகிறோம் என ஆகிவிடுமா? ஆண்டவர் இதுமாதிரி உருவங்களை கடவுளாக வழிபடுவதை பார்த்துதான் கோபப்பட்டுள்ளார். உதாரணமாக யூத அரசர் எசேக்கியா, ஆண்டவர் மோசேயிடம் செய்ய சொல்லிய அதே பாம்பின் சிலையை உடைத்தெறிந்தார். காரணம் யூத மக்கள் அதற்கு தூபம் காட்டி வந்தனர். (2 அரசர்கள் 18 - 4 )

இனி கடவுள் ஆவியானவராகவே இருக்கிறார். பின் எதற்கு கடவுளை உருவமுடையவராக காண்பிக்க வேண்டுமென கேட்கலாம்.
தானியேல்: 7 -9 நான் பார்த்துக்கொண்டிருக்கையில், அரியணைகள் அமைக்கப்பட்டன; தொன்மை வாய்ந்த்தவர் அங்கு அமர்ந்தார்; அவருடைய ஆடை வெண்பனி போலவும், அவருடைய தலைமுடி தூய பஞ்சு போலவும் இருந்தன; அவருடைய அரியணை தீக்கொழுந்துகளாயும் அதன் சக்கரங்கள் எரி நெருப்பாயும் இருந்தன.
இதன்படி தந்தை தன் உருவத்தை வெளிபடுத்தியுள்ளார்.

மத்தேயு 3 -16 , மாற்கு 1 -10 ,லூக்கா 3 -22 , யோவான் 1 -32
பரிசுத்த ஆவியானவர் இங்கே புறாவின் வடிவில் தோன்றுகிறார். இன்னும்
திருத்தூதர் பணிகள் 2 : 1 -4 படித்துப்பாருங்கள். பரிசுத்த ஆவியானவர் நெருப்பு போன்ற பிளவுற்ற நாவுகள் வடிவில் தன்னை வெளிப்படுத்துகிறார். ஆக புதிய ஏற்பாட்டிலே பரிசுத்த ஆவியானவர் இரண்டு இடங்களிலே தன்னை உருவத்தின் வழியாகவே வெளிப்படுத்துகிறார்.

இன்னும் சிலர் சிலைகளின் முன்பு முழந்தாள் படியிட்டு வணங்குகிறார்கள் என சொல்லுவர். கத்தோலிக்கர்கள், எந்த சிலைகளின் முன்பு முழந்தாள் படியிடுகிறார்கள் என்பதை சிந்தித்து பாருங்கள். நாம் ஜெபம் செய்யும் போது திருவிவிலியத்தை, முன்பு வைத்து, முழந்தாள் படியிட்டு ஜெபம் செய்கிறோமே! அதுவும் இதைப்போலத்தானே!

நம் தமிழ் பண்பாட்டின்படி, நாம், நம் முதியோரின் கால்களில் விழுந்து ஆசீர்வாதம் வாங்குகிறோமே! அதற்கு நாம் அவர்களை கடவுளாக வணங்குகிறோம் என அர்த்தமாகுமா? ஜப்பானியர்கூட ஒருவர் இன்னொருவரை தலை தாழ்த்திதான் வணங்குகிறார்கள். எனக்கு தெரிந்த சீனாவை சேர்ந்த ஒரு அருட்சகோதரி இங்கு இருக்கிறார். அவர் எப்போது பார்த்தாலும் தலை தாழ்த்தித்தான் வணங்குவார். இவையெல்லாம் ஒரு மரியாதை நிமித்தமாக செய்பவையே! கடவுளாக நினைத்து அல்ல!

மத்தேயு 2 - 11 வீட்டிற்குள் அவர்கள் போய்க் குழந்தையை அதன் தாய் மரியா வைத்திருப்பதைக் கண்டார்கள்; நெடுஞ்சாண் கிடையாய் விழுந்து குழந்தையை வணங்கினார்கள்; தங்கள் பேழைகளை திறந்து பொன்னும் சாம்பிராணியும் வெள்ளைப் போளமும் காணிக்கையாக கொடுத்தார்கள்.

எல்லாவற்றிற்கும் மேலாக கடவுள் புதிய உடன்படிக்கையின் படி தன்னை இயேசு கிறிஸ்த்துவின் வழியாக வெளிப்படுத்தியுள்ளார். ஆகவே அவரின் சொருபங்களை அவரின் ஞாபகமாக வைப்பது தவறா? நிச்சயமாக தவறில்லை.

பெயர் பிரச்சனை பெரிய பிரச்சனை!

2010-07-13T14:04:00.000-07:00

பெயர் பிரச்சனை பெரிய பிரச்சனை!

இந்தியாவை விட்டு வெளியே வரும் ஒவ்வருவரும் சந்திக்கக்கூடிய பல பிரச்சினைகளில் இதுவும் ஒன்று. நம்முடைய பாஸ்போர்ட்டில் பார்த்தீர்களானால் தந்தையின் பெயரை முதலிலும் அடுத்து நம்முடைய பெயரையுமாக போட்டிருப்பார்கள். surname என்பதில் சும்மா ஒரு வரை போட்டுவிடுவார்கள்.

இதனால் அரபு நாட்டில் இருப்பவர்களை, அரபிகள் தந்தையின் பெயரை சொல்லி கூப்பிடுவதை நான் பார்த்திருக்கிறேன். இங்கு ஐரோப்பாவில் surname தான் முதலில் கேட்பார்கள். நம்ம ஆட்கள் உடனே சொல்வார்கள் எங்க ஊரில் surname எல்லாம் கிடையாதுன்னு. அதுக்காக சும்மா விட்டுருவாங்களா என்ன? சட்டப்படி ஒரு surname கொடுத்துதான் ஆகணும்.இதனால் நம்மாட்கள் தங்களின் கடைசி பெயரை surname ஆக கொடுத்து விடுவார்கள். நான்கூட அப்படித்தான் செய்திருக்கிறேன். நான் லண்டன் வந்த புதிதில் வங்கி கணக்கு தொடங்க சென்ற போது, என் பாஸ்போர்ட்டை பார்த்து விட்டு அதில் surname இல்லையென திருப்பி அனுப்பி விட்டார்கள். அப்புறமாக வேறு வங்கியில் சென்று கணக்கு தொடங்கினேன். இந்த வங்கியில் உள்ளவருக்கு இந்திய நடைமுறை தெரிந்ததால் பிரச்சினை இல்லாமல் போனது. நான் திருமணத்திற்கு முன்பே வெளிநாடு வந்துவிட்டதால் என் பிள்ளைகளுக்கு இந்த பிரச்சனை வராதபடி பார்த்துக்கொண்டேன்.

இப்போதுதான் நாம் உலக மயம் என்று சொல்லுகிறோம். எனவே நம் பெயரையும் உலகத்திற்கு ஏற்றதாக வைக்க வேண்டிய கட்டாயத்தில் உள்ளோம்.

நம் புதிய தலைமுறையினர், இனி தங்கள் குழைந்தைகளுக்கு பெயர் வைக்கும் போது நிச்சயமாக இதை கருத்தில் வைத்து பெயர் வைக்க வேண்டும். எதோ படிக்க ஆங்கில மீடியத்தில் விட்டால் மட்டும் போதாது. ஒன்றிற்கு மேற்பட்ட பிள்ளைகள் உள்ளவர்கள் தங்களின் எல்லா பிள்ளைகளுக்கும் இரண்டாம் பெயர் பொதுவாக வரும்படி பாத்துக்கொள்ள வேண்டும். முதல் பெயர்தான் பிள்ளைகளுக்கு வித்தியாசமாக இருக்க வேண்டும். முடிந்த்தவரை தந்தைக்குள்ள இரண்டாம் பெயரையே பிள்ளைகளுக்கும் வைத்தல் நல்லது. அதுவே குடும்ப பெயராக நிலைக்கும்.

ஏனென்றால் இங்கு முதல் பெயர்தான் நம் பெயர் எனவும், இரண்டாம் பெயர் குடும்ப பெயர் எனவும்தான் நினைப்பார்கள். இது இனிவரும் தலைமுறைக்கு மிகவும் அவசியம். இன்று தமிழன் இல்லாத நாடே இல்லையென சொல்லலாம். இதை ஒவ்வருவருடைய வலை பக்கத்தின் பார்வையாளர்களின் பட்டியலில் காணலாம். நூற்றிற்கு மேற்பட்ட நாடுகளில்லிருந்து வாசகர்கள் வருகிறார்கள் என்றால் பார்த்துக்கொள்ளுங்கள்.

இவர்களெல்லாம் இப்படி ஒரு பிரச்சினையை சந்த்தித்தவர்களாகத்தான் இருப்பார்கள். எனவே இந்தியாவில் இருப்பவர்கள் இதை கருத்தில் கொள்வது நல்லது. "நாமெல்லாம் இப்போது திரவியத்தை தேடுகிறோமோ இல்லையோ! திரைகடலை தாண்டுகிறோம்!"

இருட்டிலும் வண்ண வண்ண குளியல்!

2010-07-10T04:16:00.000-07:00

இருட்டிலும் வண்ண வண்ண குளியல்!

நீங்கள் அதிகாலை குளிக்க ஆயத்தமாகும்போது மின்சாரம் நின்று விடுகிறதா? கவலையை விடுங்கள்! கீழே காணும் ஷவரை நீங்கள் திறந்ததும் தண்ணீர் பச்சை, நீலம், மஞ்சள், சிகப்பு என பல நிறங்களில் மாறி மாறி நல்ல வெளிச்சத்தை தரும்.

அதாவது சீரியல் லைட் எவ்வாறு செயல்படுமோ அதைப்போலவே இருக்கும். உண்மையிலேயே இது ஒரு இன்பக்குளியலாகவே இருக்கும். இதற்கு பாட்டரி எதுவும் தேவையில்லை. வேகமாக வரும் தண்ணீரே இதை செயல்பட வைக்கிறது.

குழந்தைகள் முதல் பெரியவர்வரை நிச்சயமாக இதை விரும்புவர். விலையும் குறைவு சுமார் 5௦௦ ரூபாயிலிருந்தே கிடைக்கிறது. இதில் சில மூன்று நிறங்களிலும், சில ஏழு நிறங்களிலும், சில பன்னிரண்டு நிறங்களிலும் என விற்பனைக்குள்ளது.

ஆனால், இது எவ்வளவு நாள் வேலைசெய்யும் என்பது சீனா காரனுக்கே தெரியாது. என்ன இருந்தாலும் இதை பயன்படுத்தும் போது அது ஒரு தனி அனுபவம்தான்.

இலவச பணம் மற்றும் பொருள் உதவிக்கு!

2010-04-03T14:32:00.000-07:00

இலவச பணம் மற்றும் பொருள் உதவிக்கு!

தலைப்பை பார்த்ததும் எதோ தமிழக அரசின் திட்டம் என நினைக்காதீர்கள்! இது இங்கிலாந்தில் அரசு சாரா தொண்டு நிறுவனங்களால் வழங்கப்படுகின்ற உதவிகள் குறித்த பதிவு. நீங்கள் இங்கிலாந்தில் இருந்தாலோ அல்லது உங்களுக்கு வேண்டியவர்கள் இங்கிலாந்தில் இருந்தாலோ மேற்கொண்டு படியுங்கள்.

பெரும்பாலான நிறுவனங்கள் குறைந்த வருமானம் உடையவர்களுக்கும், உடல் ஊனம் உடையவர்களுக்கும், மாற்று திறன் உடையவர்களுக்கும் பல உதவிகளை செய்து வருகின்றன. இதில் பெரும்பாலானவைகளை நம்மவர்கள் அறிந்திருக்க வாய்ப்பில்லை. இவை கம்ப்யூட்டர், washing machine, cooker, TV, fridge இன்னும் பிற வீட்டு உபயோக பொருட்களை எல்லாம் கூட வழங்குகின்றன.

சில நம் வீட்டு போண், காஸ், எலெக்ட்ரிக் கட்டணங்களைக்கூட கட்டும். இவற்றிற்கான இணைப்புக்களை கீழே கொடுத்திருக்கிறேன்.

www.familyfund.org.uk

www.varietyclub.org.uk

www.whizz-kidz.org.uk

www.cerebra.org.uk

www.elifarfoundation.org.uk

www.bdfcharity.co.uk

www.fwa.org.uk

www.theactfoundation.co.uk

www.aco.uk

www.britishgasenergytrust.org.uk

www.lhh.org.uk

www.reactcharity.org

www.roalddahlfoundation.org

www.lifeline4kids.org

www.salavationarmy.org.uk

www.edfenergytrust.org.uk

www.3hfund.org.uk

ஒவ்வெரு தொண்டு நிறுவனமும் வித்தியாசமான உதவிகளை செய்பவை. கூடவே விண்ணப்பிக்க சில நிபந்த்தனைகளையும் சொல்லியிருப்பார்கள். ஆகவே அவர்களின் இணைய தளங்களை பார்த்து, நாம் எதிர்பார்க்கும் உதவியை செய்பவர்களா? என தெரிந்து கொண்டு, விண்ணப்பிக்க தகுதி இருந்தால் மட்டுமே விண்ணப்பிக்கவும்.

கணிணியின் திரையை தொடுதிரையாக மாற்றிட!

2010-02-28T14:55:00.000-08:00

கணிணியின் திரையை தொடுதிரையாக மாற்றிட!

இப்போது விற்பனைக்கு வருகின்ற புதிய கணிணிகள் எல்லாமே தொடுதிரை வசதியுடனே வருகின்றன. ஆனால் பழைய கணிணி வைத்திருப்பவர்கள் என்ன செய்ய முடியும் என நினைக்கலாம்? அதற்கு தீர்வாக விற்பனைக்கு வந்துள்ள பொருள்தான் நீங்கள் கீழே பார்ப்பது.

இது ஏற்கனவே இருக்கின்ற மோனிடரை தொடுதிரையாக மாற்றாது. அதன் மேலேயே பொருத்தும்படியாக வடிவமைக்கப்பட்டுள்ளது. இவற்றின் திரை வளையக்கூடிய வடிவிலும் வளையாத வடிவிலும் என இரண்டு விதங்களில் வருகிறது.

அதிலும் குறிப்பாக இது எல்லா இயங்குதளத்திலும் வேலை செய்யும்படியாக வடிவமைக்கப்பட்டுள்ளது. இதில் ஒன்றை வாங்கி பொருத்திவிட்டோமென்றால், அப்புறம் நம்ம கணிணியும் புது பொலிவுடன் காணப்படும். மௌசிற்கும் விடுதலை!

ரோல்ஸ் ராய்ஸ் கார் இரண்டரை கோடி ரூபாய்!

2010-02-24T04:50:00.000-08:00

ரோல்ஸ் ராய்ஸ் கார் இரண்டரை கோடி ரூபாய்!

இங்கிலாந்தை சேர்ந்த சார்லஸ் ஸ்டீவர்ட் ரோல்ஸ் மற்றும் ஹென்றி ராய்ஸ் ஆகிய இருவராலும் 1906- இல் துவக்கபட்ட இந்த கார் நிறுவனம் ஆடம்பர கார் தயாரிப்பில் புகழ் பெற்றது . ஒரு காலத்தில் இங்கிலாந்து அரசே ஏற்று நடத்தினாலும் பின்னர் தனியார் வசமாகி இப்போது பிரபல BMW கார் நிறுவனத்திற்கு சொந்தமாக உள்ளது. பெரும் பணக்கார புள்ளிகளுக்காகவே தயாரிக்கப்படும் கார் இவை. இந்தியாவில் மறைந்து போன

தத்துவ ஞானியான ரஜ்னீஷ்தான் உலகிலேய அதிக ரோல்ஸ் ராய்ஸ் கார்களை தன் ஆஸ்ரமத்தில் வைத்திருந்தாராம். 64 ரோல்ஸ் ராய்ஸ் கார் வைத்திருந்தார் என படித்த ஞாபகம்.

கீழே கொடுத்திருக்கும் கார் இந்த வருடத்தில் தயாரிக்க பட்டது.

இந்த வருடத்திற்கான புதிய ரோல்ல்ஸ் ராய்ஸ் க்ஹோஸ்ட் கார் இந்தியாவில் இரண்டரை கோடி ரூபாயென விலை நிர்ணயம் செய்யப்பட்டுள்ளது. இவ்வளவு பணத்திற்கு ஒரு குட்டி விமானமே வாங்கி விடலாம். ஆனால் இங்கிலாந்தில் இதன் விலை சுமார் ஒரு கோடியே ஐம்பத்தியாறு லட்சம் என விற்பனைக்குள்ளது. இந்த காரில் அம்மாவாசை இருட்டாக இருந்தாலும் சுமார் முன்னூறு மீட்டர் தூரத்தில் வரும் நபர்களையும் அடையாளம் காணும் வசதியுடைய கண்ணாடி பொருத்தப்பட்டுள்ளது. மற்றும் எல்லா நவீன காரில் உள்ள வசதிகளும் இதில் உண்டு.

எதோ புதிய ரோல்ஸ் ராய்ஸ் காருக்குத்தான் இந்த விலை என நினைக்காதீர்கள், பழைய கார்களும் கோடிக்கணக்கில் விற்பனை போகிறது.

1924 கார் ஒரு கோடியே நாலு லட்ச்சத்திற்கு விலை நிர்ணயிக்கப்பட்டுள்ளது.

1928 உள்ள கார்கூட ஒரு கோடிக்குமேல் விலையுள்ளது.

1938 கார் சுமார் ஒரு கோடியே ஏழு லட்சம் என விலை நிர்ணயிக்கப்பட்டுள்ளது.

இப்படி கோடிகளை கொட்டி இந்த கார்களை வாங்க கோடீஸ்வரர்களின் கூட்டம் உலகெங்கும் இருக்கிறது.

பாதுகாவலுக்கு சென்ற போலீஸே பாலியல் பலாத்காரத்தில்...!

2010-02-13T12:43:00.000-08:00

பாதுகாவலுக்கு சென்ற போலீஸே பாலியல் பலாத்காரத்தில்...

தலைப்பை பார்த்ததுமே, தமிழ் நாட்டில் இது எங்கு நடந்ததது என நினைக்கிறீர்களா? இது தமிழ் நாட்டில் நடக்கவில்லை. லண்டன் மாநகரில் நடந்ததுங்க! எப்பவுமே நம்ம போலீஸ்தான் மோசம் என நினைப்போம் அல்லவா !பிற நாட்டு போலீஸும் கொஞ்சம் அதைப்போலத்தான். மேற்கொண்டு படியுங்களேன்.

இருபது வயது பெண்ணிற்கும் அவரது துணைவருக்கும் ஏற்பட்ட தகராறின் உச்ச கட்டத்தில் அவள் போலீசின் உதவியை நாடியிருக்கிறாள். இந்த அழைப்பு அதிகாலை மூன்று மணியளவில் வந்துள்ளது. உடனே ஜேம்ஸ் போர்ம்பி என்ற போலீஸ்காரர் தன் சக போலீஸ் காரருடன் அவர்களின் வீட்டிற்கு சென்றுள்ளார். அப்போது அப்பெண் மிகவும் குடிபோதையில் இருந்துள்ளார். இரண்டு போலீசில் மற்றொருவர் அப்பெண்ணின் துணைவரை விசாரிப்பதற்காக காவல் நிலையம் கொண்டு சென்றுள்ளார்.

ஜேம்ஸ் போர்ம்பி(31) அப்பெண்ணின் துணைக்காக அவருடைய வீட்டிலேயே இருந்துள்ளார். பின்னர் இந்த போலீஸ்காரர் குடிபோதையில் இருந்த அப்பெண்ணுடன் பாலியல் பலாத்காரத்தில் ஈடுபட்டுள்ளார். இப்போது குற்றம் நிரூபிக்கப்பட்டு பணிநீக்கம் செய்யப்பட்டுள்ள இந்த போலீஸ்காரர் மார்ச் ஒன்றாம் தியதி அறிவிக்கபடவுள்ள சிறை தண்டனைக்காக காத்துக்கொண்டிருக்கிறார்.

என்ன ஒரு வித்தியாசம் என்றால் நம்மூரில் சட்டத்தின் ஓட்டையில் இருந்து தப்பு செய்பவர்கள் தப்பித்து விடுவார்கள். இங்கு அது கொஞ்சம் கடினம். அவ்வளவுதான்!

லைப் இன் த யுனைடெட் கிங்டம்

2010-02-06T13:30:00.000-08:00

ஐக்கிய ராஜ்ஜியம் என்று அழைக்கப்படும் இங்கிலாந்து, ஸ்காட்லாந்து, வடஅயர்லாந்து மற்றும் வேல்ஸ் ஆகிய நாடுகளில் நிரந்தர குடியுரிமை பெற ஐந்து வருடங்கள் ஆக வேண்டும். ஆனால் கூடவே இப்போது Life in the United Kingdom என்னும் தேர்விலும் வெற்றி பெற்றிருக்க வேண்டும்.(எல்லோருக்கும் அல்ல)இந்த தேர்விற்கான பயிற்சியை நிறைய இணையதளங்கள் வழங்குகின்றன. ஆனால் அவை எல்லாமே முதல் பத்து கேள்விகளை இலவசமாக வழங்கிவிட்டு பின்னர் பணம் கட்ட சொல்லும். ஆனால் கீழே கொடுத்திருக்கும் இணைய தளம் முழுவதையுமே இலவசமாக வழங்குகிறது. நீங்கள் ஐக்கிய ராஜ்யத்தில் இருந்து நிரந்தர குடியுரிமை பெற விரும்பினால் இது உங்களுக்கு மிகவும் பயனுள்ளதாக இருக்கும்.

இந்த கேள்வி பதிலை பாருங்களேன்

அப்படி நீங்கள் இங்கிலாந்தில் இல்லை என்றாலும், இந்த கேள்வி பதிலை படிப்பதன் மூலம் நிறைய விசயங்களை தெரிந்து கொள்ளலாம்.

நீச்சல் கட்டாய பாடம்!

2010-02-03T14:27:00.000-08:00

நீச்சல் கட்டாய பாடம்!

சமீப காலமாக பத்திரிகைகளில் தொடர்ந்து இந்த மாதிரி செய்திகள் வந்ததை பார்த்திருப்பீர்கள். "தேக்கடியில் படகு கவிழ்ந்து பலபேர் பலி". "குளத்தில் வேன் கவிழ்ந்து பள்ளி பிள்ளைகள் பலி". "ஆற்றில் பேருந்து கவிழ்ந்து பயணிகள் பலி". இதில் இடிபாடுகளுக்கு இடையில் சிக்கி பலியானால் அதை தவிர்க்க முடியாமல் பலியானவர்கள் என்று சொல்லலாம். ஆனால் நீச்சல் தெரியாமல் இறந்தார்கள் என்றுகூட படித்தேன். இது மிகவும் மோசமான ஒரு செய்தி. இப்படி நீச்சல் தெரியாமல் இறந்தவர்கள், எதோ சிறுவர்கள் அல்ல! பெரியவர்கள், என்பது மிகவும் வேதனைக்குரிய செய்தி.

இன்று பெரும்பாலான வீடுகள், குளியலறை வசதியை கொண்டிருப்பதால், ஆறு, குளங்களில் சென்று குளிப்பவர்களின் எண்ணிக்கை குறைந்து விட்டது என்றுகூட சொல்லலாம். இதனால் சிறு குழந்தைகளுக்கு நீச்சல் கற்றுக்கொள்ள வாய்ப்பே இல்லாமல் போய்விடுகிறது. இது உயிருக்கு ஆபத்து என்பதை யாரும் உணர்ந்ததாக தெரியவில்லை.

மிகவும் வளர்ச்சி அடைந்த நாகரீக காலத்தில் நீச்சல் தெரியாமல் இருப்பது அபத்தம் மட்டுமல்ல! ஆபத்தும் கூட.

இங்கு லண்டனில் ஆரம்ப பாடசாலைகளில் நீச்சலும் கற்றுக் கொடுக்கிறார்கள். சாதாரண பள்ளிகளில் மட்டுமல்ல, மாற்றுதிறன் படைத்த பிள்ளைகள் படிக்கும் பள்ளிகளிலும்கூட நீச்சல் கற்றுக் கொடுக்கிறார்கள். இதனால் நீச்சல் தெரியாமல் பிள்ளைகள் இறக்க வாய்ப்பே இல்லை. சமீபத்தில் தேக்கடி விபத்தில் வெள்ளைக்காரர்கள் நீந்தி தப்பித்தது நினைவிருக்கலாம். ஆனால் நம்மவர் பலர் நீச்சல் தெரியாமல் பலியாயினர். எனவே நம் பள்ளிகளிலும் நீச்சல் ஒரு பாடமாக அமையவேண்டும். இதை அமல் படுத்துவது கொஞ்சம் கடினமான காரியமாக தெரியலாம். ஆனால் அப்படி அமல் படுத்தினால் எதிர்காலத்தில் இது போன்ற விபத்துக்களை தடுக்கலாம்.

வளர்ச்சி அடைந்த நாடுகள் என்று சொல்லும் நாடுகளின் பள்ளிகளில்கூட, இலவச சத்துணவு திட்டங்கள் இல்லாதபோது, நம் பள்ளிகளில் அதை செயல்படுத்தும் நமக்கு, இந்த நீச்சலையும் செயல்படுத்த முடியும் என நம்புகிறேன். செயல் படுத்துவார்களா சம்பந்தபட்டவர்கள்?

போலீஸின் அடிக்கு நாட்டு மருந்து!

2009-12-26T04:53:00.000-08:00

போலீஸின் அடிக்கு நாட்டு மருந்து!

இந்த பதிவின் தலைப்பை அலோபதி மருத்துவருக்கு நாட்டு மருந்து என்றுதான் வைக்க வேண்டுமென்று நினைத்தேன். காரணம் இங்கே போலீசின் அடிக்கு நாட்டு மருந்து குடித்தவர் அலோபதி மருத்துவராயிற்றே! ஏன் என்று அறிய மேற்கொண்டு படியுங்கள்!

இதை இப்போது எழுத காரணம், சமீபத்திலே மதுரையில் பத்திரிகை அலுவலகத்தை கொளுத்தி பணியாளர்களை உயிரோடு கொன்றவர்களை சாட்சிகள் சரியில்லை என விடுதலை செய்த கேவலமான நீதிபதியை போல, முன்பு குமரி மாவட்டத்திலும் ஒரு கேவலமான நீதிபதி தீர்ப்பளித்தார். அதை தான் இப்போது படிக்க போகிறீர்கள்.

முன்னாள் மத்திய அமைச்சர் ஜார்ஜ் பெர்னாண்டஸிற்கு ஒரு நப்பாசை. தன்னை அவசரநிலை பிரகடனத்தின் போது உள்ளே தள்ளிய அன்னை இந்திரா காந்தியை, தான் அமைச்சராகியதும் அதே சிறை கம்பிகளுக்கு பின்தள்ளி சந்தோசபட்டுக்கொண்டார். இதை பார்த்து கொதித்து போன இந்திரா காந்தியின் தொண்டர்கள், இந்தியா முழுவதும் கலவரத்தில் இறங்கினர். குமரி மாவட்டத்திலும் இதன் எதிரொலி இருந்தது.

தக்கலையின் பக்கத்திலுள்ள வெள்ளியோடு என்னும் இடத்தில், கடைசி இரவு பேருந்தை பயணிகளோடு வைத்து எரித்து விட்டனர். போலீஸ் மிகவும் சாதுர்த்தியமாக செயல்பட்டு சம்பந்தபட்டவர்களை கைது செய்தது. பேருந்தை தீ கொடுத்தவர்கள் வாடகை சைக்கிள் எடுத்துகொண்டு போயிருந்தனர். பேருந்தின் அருகிலேயே வாடகை சைக்கிள் கிடந்ததை போலீஸ் கண்டெடுத்தது. விசாரணையில் இந்திரா காங்கிரஸ்-ஐ சேர்ந்த டாக்டர் ஒருவர் அகப்பட்டார். எப்படியும் இவர் குருட்டு நீதிபதியால் வெளியில்விடப்படுவார் என்பது தெரிந்த போலீசார் இந்த டாக்டரை நைய புடைத்து விட்டார்கள். எல்லோருக்கும் தெரிந்த மாதிரியே நாகர்கோயில் நீதி மன்றத்தில் சாட்சிகள் சரியில்லை என இவர் அரசியல் வியாதிகளுக்கு அடி பணிகின்ற குருட்டு நீதிபதியால் விடுவிக்கபட்டார்! என்ன இருந்தாலும்,போலீஸின் அடி சரியாக கிடைத்ததால் இவர் கருங்கல்லிற்கு பக்கத்திலுள்ள செல்லம்கோணம் என்னும் ஊரிலுள்ள பிரபல நாட்டு வைத்தியரிடம்(என் நண்பனின் தந்தை)சென்று மருந்து குடித்தார். அலோபதி மருத்துவரானாலும் அடிக்கு நாட்டு மருந்துதான் சிறந்த்தது என தெரிந்து வைத்திருக்கிறார். பரவாயில்லை.

மதுரையிலும் போலீஸ் இதை மாதிரி அட்டாக் பாண்டி போன்றவர்களின் இடுப்பை ஒடித்திருந்தால், மதுரையின் இளவரசர் அல்ல! சென்னையின் ராஜா!! சொன்னால்கூட மேற்கொண்டு தப்பு செய்ய ஒரு முறைக்கு இரு முறை ஆலோசிப்பான்.
அரசியல் வியாதிகளுக்கு அடி பணிகின்ற பெரும்பாலான நீதிபதிகளுக்கு கண் கெட்டுப்போனதால் சாட்சிகள் சரியாக தெரிவதில்லை. குறைந்த பட்சம் நேர்மையான போலீஸ் களால் நூறு சதவிகிதம் குற்றவாளியென உறுதி செய்யப்பட்டவர்கள் இப்படி தண்டிக்கபட்டால்கூட தப்பில்லைதான். நம் பழமொழியும் அதைதானே கூறுகிறது.

அடி செய்யும் உதவி அண்ணன் தம்பி செய்யமாட்டான்

கல்லூரியில் முதல் நாள்!

2009-12-10T03:44:00.000-08:00

கல்லூரியில் முதல் நாள்!

என் நூறாம் பதிவை நான் படித்த கல்லூரிக்கு சமர்ப்பிக்கிறேன்!

பள்ளிப்படிப்பை முடித்து கல்லூரிக்கு செல்வதில் காலதாமதம் ஆகியதால், விரும்பிய கல்லூரியில் இடம் கிடைக்காமல் போகவே, ஆரல்வாய்மொழியிலுள்ள அறிஞர் அண்ணா கல்லூரியில் சேரவேண்டிய நிலைமை ஏற்பட்டது. இந்த கல்லூரிக்கு செல்ல இரண்டு பேருந்துகளை பிடிக்க வேண்டியிருந்தது. கல்லூரியில் சேர்க்க என் அப்பா என்னை அழைத்து போயிருந்தார்.

அப்போது இந்த கல்லூரியின் முதல்வராக திரு சங்கரலிங்கம் அவர்கள் இருந்தார்கள். இருந்தாலும் இவர் கல்லூரியில் அவ்வளவாக இருப்பதில்லை. காரணம் அப்போது பக்கா தி.மு.க காரரான இவர், தமிழக அரசின் மேல்சபையின் எதிர்கட்சி தலைவராக இருந்தார். எனவே துணை முதல்வரான பரவைக்கரச பிள்ளைதான் முதல்வர் போல் செயல் பட்டுக்கொண்டிருந்தார். அவரை தான் சந்தித்தோம். என்னை மேலும் கீழும் பார்த்த அவர் மதிப்பெண் பரவாயில்லை. இருந்தாலும் இப்படி முடி வளர்த்திருக்கிறான். இப்படி முடி அதாவது ஸ்டெப் கட்டிங் பண்ணியிருக்கிறவர்களுக்கு எங்கள் கல்லூரியில் இடம் தரமுடியாது என சொல்லிவிட்டார். அப்போது ஸ்டெப் கட்டிங்கும் பெல் பாட்டமும் பிரபலமாக இருந்த நேரம். கூடவே ஒரே ஒரு இடம்தான் இருக்கு முடி வெட்டி விட்டு வந்தாதான் தருவோம்! என சொல்லி விட்டார். என் அப்பாவிற்கோ என் மேல் பயங்கர கோபம். பாஷன் மண்ணாம்கட்டி என திட்டி தீர்த்தார். அப்பா துணை முதல்வரிடம் சொன்னார், இப்பவே முடி வெட்டி கூட்டிக்கிட்டு வாறேன் சார். இந்த இடத்தை வேறு யாருக்கும் கொடுத்திடாதீங்க என, துணை முதல்வரும் சரியென சொல்லவே, கல்லூரியில் இருந்து ஆரல்வாய்மொழி நோக்கி நடந்தோம். அப்பத்தான் ஆரல்வாய்மொழி காற்று எப்படி அடிக்கிறது என தெரிந்து கொண்டேன். இருந்தாலும் அப்பாவின் அர்ச்சனை தொடர்ந்து இருந்து கொண்டிருந்ததால் அந்த காற்றை அனுபவிக்க முடியாமல் இருந்தது.

கடைக்குள் நுழைந்தோம், அப்பாவே சொன்னார் ரெம்ப சின்னதா வெட்டுங்க. என்னை பேசவே விடவில்லை. ஊரில் ஒரே ஒரு கடையில் தான் தொடர்ந்து முடி வெட்டுவேன். இது மனதிற்கு கஷ்டமாக இருந்தாலும் வேறு வழியில்லையென ஆகி விட்டது. முடி வெட்ட வெட்ட அப்பா கடைக்காரரிடம் நடந்ததை சொல்லிக்கொண்டிருந்தார். கடைக்காரரும் நல்ல கல்லூரி, இந்த மாதிரி கல்லூரியில் படிக்கிறதுதாங்க பசங்களுக்கு நல்லதென சொன்னார். மீண்டும் துணை முதல்வரை சந்தித்ததும் நிறைய கட்டுப்பாடுகளை சொல்லி சேர்த்துக்கொண்டார். கூடவே ஒரு நாளை வீணாக்க வேண்டாம் இன்றே வகுப்பிற்கு போக சொல்லி விட்டார். இடையே ஆசிரியர்களின் பெயர் அட்டவனையை பார்த்தால் படிப்பை போட்டார்களோ இல்லையோ பெரும்பாலானவர்களின் பெயரில் கூடவே பிள்ளை எனபோட்டிருந்தார்கள்.

வகுப்பறையில் இடையிலேயே சென்றதால், எல்லா மாணவரும் என்னையே பார்த்தனர். தமிழ் பாடம் நடந்து கொண்டிருந்தது. ஆசிரியரை பார்த்ததும் ஒரு சிறிய அதிர்ச்சி ஏற்கனவே நான் பார்த்திருக்கிறேன். என்னிடம் ஆசிரியர் ஊரை கேட்டார். சொன்னதும் படித்த பள்ளிக்கூடத்தை கேட்டார். பள்ளியின் பெயரை சொன்னேன், உடனே என்னை தெரியுமா? என கேட்டார். ஆம் தெரியும் என்றேன். எப்படி மறக்க முடியும் இந்த பெயரை? என மனதிற்குள் நினைத்து கொண்டேன். ஏனென்றால் அவர் பெயர் ஆபத்து காத்த பிள்ளை. மதிய இடைவேளை வந்தது, ஒரு மாணவன் வந்து கேட்டான். என்ன முடி வெட்டிகிட்டு சேர்ந்தியா? அடப் பாவி இவனுக்கு எப்படி தெரியும் என நினைக்கவும் அவன் சொன்னான், நானும் ஒன்ன மாதிரி ஸ்டெப் கட்டிங் பண்ணியிருந்தேன். நான் மட்டுமில்லை என சொல்லிவிட்டு இன்னும் கொஞ்சம் பேரை காண்பித்தான். பரவாயில்லை! நம்மை போல வேறயும் மாணவர்கள் இருக்கிறார்கள் என்றதும் கொஞ்சம் சந்தோசம். கூடவே சொன்னான், பெரிய பசங்க எல்லாம் ஸ்டெப் கட்டிங் பண்ணியிருக்காங்க! கல்லூரியில் சேர்க்கும் போதுதான் இப்படி கெடுபிடி இருக்கும், நமக்கு இனி முடி வளத்துக்கலாம். இன்னும் சிலபேர் உனக்கு தமிழ் வாத்தியாரை தெரியுமா? என கேட்டனர். நான் படித்த பள்ளியின் வெள்ளிவிழாவில் நடந்த பட்டி மன்றத்தில் பேச வந்த்திருந்தார் என்றேன்.

ஒருவன் சொன்னான் மச்சான், இந்த கல்லூரிக்கு என் பள்ளிக்கூடமே மேல்! சைட் அடிக்க பொண்ணுங்களாவது உண்டு! இது மாணவர்கள் மட்டும் என்பதால் அதுவும் இல்லாம போச்சி.
(இப்போது இந்த கல்லூரியில் பெண்களும் உண்டு) நான் உடனே சொன்னேன், என் வயிற்றெரிச்சலை கிளப்பாத, நான் படிச்ச பள்ளிக்கூடமே பசங்களுக்கு மட்டும்தான். ஒரு வழியா வகுப்பு முடிந்து கல்லூரியில் இருந்து, நாகர்கோவில் செல்லும் அரசின் சிறப்பு பேருந்தில் சென்றேன். கொஞ்சம் தூரம் சென்றதும் பின்னால் திரும்பி பார்த்தால்! இரண்டு பேர் பேருந்தை தொடர்ந்தது ஸ்கூட்டரில் வருவது தெரிந்தது. பக்கத்து பையனிடம் கேட்ட போது சொன்னான், விஷயம் தெரியாதா? அவர்கள் இருவரும் கல்லூரி ஆசிரியர்கள்! நாகேர்கோவிலை சேர்ந்தவர்கள், பசங்கள் பேருந்தில் தொங்கி பயணம் செய்யாமல் இருக்க கண்காணித்து வருகிறார்கள் என்றான். சில நாட்களில் இவர்களின் இம்சையும் உண்டு! இதை கேட்டதும் எனக்கு போதும்டா என ஆகி விட்டது. இது கல்லூரியா அல்ல சிறைச்சாலையா? என கேட்க தோன்றியது. இப்படித்தான் கல்லூரியின் முதல் நாள் இருந்தது.

என்ன இருந்தாலும் இந்த கல்லூரி அனுபவம், எனக்கு காட்டு நெல்லிக்காயை சாப்பிடுவது போல இருந்தது. "முன்னே கசக்கும் பின்னே இனிக்கும்".

ஒற்றை விபச்சாரம்!

2009-11-07T02:54:00.000-08:00

ஒற்றை விபச்சாரம்!

சமீபத்தில் போலீஸ் நடிகை புவனேஸ்வரியை விபச்சார வழக்கில் கைது செய்து தன் கடமையை செய்ததை நாம் அறிவோம். ஆனால் விபச்சாரம் என்று வரும்போது ஒரு பெண்ணோடு ஒரு ஆணும் ஈடுபட்டிருக்க வேண்டுமே? அந்த ஆண்களை ஏன் போலீஸ் கைது செய்யவில்லை? ஒருவேளை புவனேஷ்வரி தனக்குதானே விபச்சாரம் செய்தாரா? இல்லை என்றால் விபச்சாரத்தில் ஈடுபடும் ஆண்களை அரசு ஆண்களாக நினைக்கவில்லையா? இப்படி நிறைய கேள்விகள் எழுகிறது. இந்த கைது கூட ஏதாவது ஒரு பெரும்புள்ளியை திருப்தி படுத்துவதர்க்காகத்தான் இருக்குமே ஒழிய நிச்சயமாக கடமையாக இருக்காது. பத்திரிக்கைகளும் மிகவும் கடமையுணர்வுடன் செயல்படுவது போல செய்தியை வெளியிட்டுக்கொள்ளும். அவர்களுக்கு தெரியாதா என்ன?

பக்கத்திற்கு பக்கம் நடிகைகளின் படத்தை வெளியிடுபர்வர்களுக்கு, அந்த நடிகையுடன் தொடர்புள்ள ஆண் விபச்சாரிகளின் படத்தையும் வெளியிடவேண்டியதுதானே? அதை செய்ய மாட்டார்கள். நடிகைகளிடம் லட்சக்கணக்கில் பணம் கொடுத்து போகக்கூடியவன் பாமரனாக இருக்கமாட்டான். வி.ஐ.பி என்று சொல்லக்கூடிய அரசியல்வாதியோ அல்லது தொழில் அதிபராகவோத்தான் இருப்பார்கள்.

சமீபத்தில் கூட நடிகை பத்மாவை இதை போலவே போலீஸ் கைது செய்து தன் கடமையை செய்தது. பத்திரிக்கைகளும் பக்கம் பக்கமாக அந்த நடிகையின் படத்தை வெளியிட்டு தங்களின் கடமையை செய்தது. வழக்கம் போலவே அந்த பெண்ணோடு விபச்சாரத்தில் ஈடுபட்ட ஆந்திர தொழில் அதிபரை விட்டு விட்டார்கள். எந்த பத்திரிக்கையிலாவது அவரின் படம் வெளியானதா? இல்லையே! அந்த தொழில் அதிபரிடம் கோடிக்கணக்கில் பணத்தை வாங்கி கொண்டு அவரின் படம் வெளிவராதபடி பார்த்துக்கொண்டார்கள். இப்படி விபச்சாரத்தை ஒற்றை விபச்சாரமாக காண்பித்தார்கள்.

ஆனால் நடுத்தர மக்கள் என்றால், இந்த போலீஸும், பத்திரிக்கைகளும் தங்களின் கடமையை சரியாக செய்யும். உதாரணமாக, எப்போதாவது அல்ப ஆசையுள்ள சிலர் சாதாரண விடுதிகளில் விபச்சாரத்தில் ஈடுபட்டால், போலீஸும் கைது செய்து எல்லா பத்திரிகைகளுக்கும் தகவல் கொடுத்து, தங்கள் கடமையை நிறைவேற்றி விடுவார்கள். பத்திரிக்கைகாரர்களும், அந்த அப்பாவி ஆணும் பெண்ணும் தங்களின் முகத்தை கைகளாலோ அல்லது கைகுட்டையாலோ மறைத்தாலும்கூட பல விதங்களில் படம் எடுத்து அதை "விடுதியில் விபச்சாரம் செய்தவர்கள் கைது" என முன்பக்கம் செய்தியாக வெளியிட்டு விடும். இதை பார்க்கும் போது சில வேளைகளில் சம்பந்தபட்டவர்கள் கேவலப்பட்டு தற்கொலைகூட செய்து கொள்வார்கள்.

என்ன இருந்தாலும் பத்திரிகைகள் பக்குவமாக நடந்து கொள்ளவேண்டும் என மதுரையில் உயிரோடு எரித்து பாடம் புகட்டியுள்ளார்களே! அதில் சம்பந்த பட்டவர்களுக்கு உயர் பதவிகளை கொடுத்து அரசு கௌரவிக்கும் போது போலீஸிற்கு எப்படி நடந்தது கொள்ள வேண்டுமென தெரியாதா என்ன? ஆக, ஒற்றை விபச்சாரமாக செய்திவருவது விஷயத்தோடுதான்.

வலைப்பூவில் Sign in, Sign out நிறுவிட!

2009-10-16T03:26:00.000-07:00

வலைப்பூவில் Sign in, Sign out நிறுவிட!

வலைப்பூவில் நாம் விரும்பிய இடத்தில் "உள்ளே நுழை" மற்றும் "வெளியேறு" பட்டன்களை எளிதாக நிறுவலாம். இதை நிறுவிட கீழே கொடுத்திருக்கும் html நிரலை உங்கள் கணக்கில் சென்று click Layout, Add a gadget, Add HTML and Javascript. இனி நிரலை copy செய்து சேமியுங்கள்.

நான் தமிழில் "உள்ளே நுழை" "வெளியேறு" என போட்டுள்ளேன். நீங்கள் அதை வேண்டுமென்றால் "Sign in", "Sign out" அல்லது "Login", "Logout" என மாற்றிக்கொள்ளலாம்.

பழைய மொபைல் போண்களை வாங்காதீர்!

2009-10-04T14:55:00.000-07:00

பழைய மொபைல் போண்களை வாங்காதீர்!

இன்று அதிகமாக திருடப்படும் பொருட்களில் ஒன்று இந்த மொபைல் போண்கள்தான். ஆயிரம் ரூபாய்கூட போகாத போணை திருட ஐயாயிரம் ருபாய் விலையுள்ள கார் கண்ணாடியை உடைப்பது என்னவோ இங்கு அடிக்கடி நடக்கக்கூடியது. காவல் துறைக்கு இது பெரிய தலைவலி. இப்படி திருடுபவர்களுக்கு தெரியும் அதை பயன்படுத்தினால் அகப்பட்டுக்கொள்வோம் என்று.(மொபைல் போண் பயன்படுத்தும் எல்லோருக்கும் இப்போது IMEI எண்பற்றி தெரிவதால் உடனே போலீசிற்கு தெரிவிப்பார்கள் என்று) எனவே கொஞ்சம் ஆறப்போட்டு ஏதாவதொரு ஆன்லைன் சந்தை வழியே வியாபாரம் செய்து விடுவார்கள்.

குறிப்பாக உலகின் மிகப்பெரிய இணைய சந்தையான ebay இல் இப்படி நிறைய விற்கப்படும். இதை தடுக்க லண்டன் போலீஸ் முதல் முறையாக இப்படி திருட்டுபோன போண்களை கண்டுபிடிக்கக்கூடிய, கையடக்க ஸ்கேன் கருவிகளை கொண்டு ரயில் நிலையங்களில் அதிரடி சோதனையில் ஈடுபட்டனர். இவர்களின் முதல் கட்ட சோதனையில் யாரும் அகப்படவில்லை. ஆனால் இந்த நவீன கருவியால் தெருக்களில் நடந்து போகின்றவர்களிடம்கூட திருட்டு மொபைல் இருந்தால் அது இக்கருவிக்கு காட்டிக்கொடுத்துவிடும். ஆகவே விலை குறைவு என நினைத்து பழைய மொபைல் போண்களை வாங்காதீர்!

இக்கருவியால் திருட்டுபோன Laptop, MP3 player போன்றவற்றையும் கண்டுபிடிக்க முடியும் என்பது இன்னும் சிறப்பம்சம். இது இப்போது இங்கிலாந்தில் அறிமுகமானாலும்கூட விரைவில் உலகம் முழுவதும் பயன்படுத்தப்படும் என்பதில் சந்தேகமில்லை. எனவே வீண் பிரச்சனைகளில் இருந்து தப்பிக்க பழைய மொபைல் போண் வாங்குவதை தவிருங்கள்!

அலைபேசி! கைபேசி! செல்பேசி!

2009-10-03T06:16:00.000-07:00

அலைபேசி, கைபேசி, செல்பேசி!

இந்த மொபைல் போன் ஐ தமிழர்களாகிய நாம், அலைபேசி, கைபேசி, செல்பேசி, மொபைல் போன், செல் போன், என ஆளாளுக்கு இப்படி தமிழில் சொல்லி வருகிறோம். உலகில் வேறு எந்த மொழிக்காரனுக்கும் இப்படி ஒரு பிரச்சினை இருக்காது. புதியதாக ஏதாவது ஒரு பொருள் அறிமுகமாகும் போது உடனே சம்மந்தபட்ட துறை அதற்கான வார்த்தையை அவர்களின் மொழியில் வெளியிடும். எல்லோரும் அதையே பேசி பழக்கத்திற்கு கொண்டு வருவார்கள். ஆனால் தமிழனுக்குதான் பெரிய பிரச்சினை. இதற்கு யாரு பொறுப்பு என தெரியவில்லை!

இந்த மொபைல் போன் அறிமுகமாகிய போது அரபு நாடுகளில் உடனே அதற்கு ஜவால் என பெயரிட்டு அழைக்க தொடங்கினர். ஒரு அரபியும் வேறு பெயர் பயன் படுத்தியதாக தெரியவில்லை. இந்திய தமிழர்கள் இப்போது தமிழ் பேசுவது கிடையாது. நிறைய ஆங்கில சொற்களை பயன்படுத்திதான் பேசுகிறார்கள். எனவே அவர்களுக்கு இதை பற்றிய கவலை இருக்காது. பிற மொழி கலக்காமல் பேசுவதற்கு ஒரு போட்டி வைத்தால், ஒரு இந்திய தமிழனும் அதில் வெற்றி பெறமாட்டான், என்னும் நிலைமையாகிவிட்டது. ஆனால் இலங்கை தமிழர்கள் இந்த விசயத்தில் நம்மை போல் அல்ல! அவர்கள் தான் மொபைல் போன் ஐ கைபேசி என முதலில் அழைக்ககேட்டேன். ஆனால் இன்று அந்த வார்த்தை மட்டும் நடைமுறையில் இல்லை.

இப்படி ஆளாளுக்கு குழப்புவதற்கு பதில், பேசாமல் அந்த பொருள் எந்த மூல மொழியில் வருகிறதோ, அதே சொல்லை நாமும் பயன்படுத்தலாம். இதற்கு உதாரணமாக ஆங்கிலத்தில் நிறைய பிற மொழி சொற்கள் இருப்பதை சொல்லலாம்.

நம் பல்கலைகழகங்களாவது இந்த பொறுப்பை எடுக்கலாம். ஆனால் அவர்களுக்கு திரைப்பட துறையை சேர்ந்தவர்களையும், அரசியல்வாதிகளையும் ஆராய்ச்சி செய்து டாக்டர் பட்டம் கொடுக்கவே நேரம் சரியாக இருக்கிறது. கணிணி சம்பந்தமான வார்த்தைகளைக்கூட ஆளாளுக்கு தெரிந்த மாதிரி எழுதுகிறார்கள். இவற்றிற்கெல்லாம் யார் தீர்வு காண்பதோ?

அது சரி, அலைபேசி! கைபேசி! செல்பேசி! மொபைல் போன்! செல் போன்! இதில் எது சரி?

லண்டன்: போலீஸ் வலையில் போலீஸ்!

2009-10-02T13:40:00.000-07:00

லண்டன்: போலீஸ் வலையில் போலீஸ்!

லண்டனில் எப்போது பார்த்தாலும் போலீஸ் வாகனங்களும் ஆம்புலன்ஸ்களும் சைரென் அடித்துக்கொண்டு செல்வதை சர்வசாதாரணமாக காணலாம். ஏனடா! அவ்வளவு குற்றங்களா! இங்க நடந்துகிட்டிருக்கு என நினைக்கதோணும். ஆனா, அப்படி ஒன்றும் இல்லை, நம்ம ஊரைப்போல சொந்த விசயங்களுக்கு இந்த போலீஸ்காரர்களும் வாகனத்தை இப்படி ஒலி எழுப்பிக்கொண்டு போவதுமுண்டு.

சரி, விசயத்திற்கு வருவோம். கடந்த வருடம் ஆகஸ்ட் மாதம் இருபத்தி மூன்றாம் தியதி என் வீட்டிற்கு பக்கத்து தெருவிலுள்ள அறுபத்தி ஒன்று வயதுடைய சன்ட்ரா சிம்சன் என்னும் பெண் சாலை விபத்தில் சம்பவ இடத்திலேயே பலியானார். இடித்தவன் தப்பித்து விட்டான். போலீஸ், சாலை முழுக்க அறிவிப்பு பலகைகளைவைத்து பொது மக்களின் உதவியை நாடியது. யாருமே பிடிபடவில்லை.

பின்னர் நீண்ட விசாரணைக்குப்பின் ஒரு போலீஸ் அதிகாரி கைது செய்யப்பட்டார். இந்த இளம் போலீஸ் அதிகாரி தன் சகோதரிக்கு பிறந்தநாள் வாழ்த்து அட்டையை கொடுப்பதற்காக, தான் பணியில் இருக்கும் போதே, நூறு மைல் வேகத்தில் வாகனத்தை ஓட்டி வந்துள்ளார். கூடவே அவசர காலத்தில் பயன்படுத்தக்கூடிய ஒலியையும் எழுப்பி. விபத்து நடந்த சாலை முப்பது மைல் வேகத்தில் செல்லக்கூடியது. அந்த பெண்ணை இடிக்கும்போது, வாகனம் ஐம்பது மைல் வேகத்தில் சென்றிருக்கிறது.

இவர் எப்படி, இப்படி வகையாக மாட்டிக்கொண்டார்?
இந்த போலீஸ் வாகனங்களில் பொருத்தப்பட்டிருக்கும் ஜிபிஎஸ் மற்றும் incident data recorder என்னும் கருவியால்தான். இது வாகனம் செல்லுமிடங்களையும் அதன் நேரத்தையும் வேகத்தையும் கனகச்சிதமாக பதிவு செய்து வைத்துக்கொள்ளும். இப்படி அப்பெண் மரணித்தபோது இந்த வாகனம் அவ்விடத்தில் இருந்தது கண்டுபிடிக்கபட்டு இப்போது பதினைந்து வருடங்கள் சிறை தண்டனை வழங்கபடவுள்ளது. இப்படி போலீஸ் வலையில் போலீஸ் மாட்டிக்கொண்டார். ஆனால் நம்மூரில், போலீஸ் வலையில் போலீஸ் மாட்டாது.

ஆச்சி, உங்களுக்கு சில டிப்ஸ்!

2009-09-30T04:17:00.000-07:00

ஆச்சி, உங்களுக்கு சில டிப்ஸ்!

என்னமோ நீங்கள் திரைப்பட துறையைத்தான் கலக்கிகொண்டிருந்தீர்கள். ஆனால் கொஞ்சம் காலமாக, வித்தியாசமாக திரைப்பட துறைக்கு வெளியேயும் கலக்கி கொண்டிருக்கிறீர்கள். இந்த ஆண்களுக்கு ஆண்மை பரிசோதனை என்னவோ கேட்க நல்லாத்தான் இருக்குங்கோ! ஆனா, கூடவே கலயாணத்திற்கு அப்புறம் குழந்தை பிறக்குமா? அப்படியும் ஒரு பரிசோதனை செய்யலாம்.

அதுமட்டுமில்லீங்க! நம்மூரில் ஆயிரம் பொய்சொல்லியாவது ஒரு கல்யாணத்தை நடத்தனும் என சொல்லியிருக்கிறார்கள். இன்றைய காலகட்டத்திற்கு அதெல்லாம் சரிப்பட்டு வராதுங்கோ! எனவே கல்யாண விசயத்தில் பொய் சொல்லாமல் பார்த்துக்கொள்ள பொய் சொல்வதை கண்டு பிடிக்கக்கூடிய கருவியை (Lie Detector) பயன்படுத்தி தான் திருமணங்கள் நிட்சயிக்கப்படவேண்டுமென சட்டம் கொண்டுவரனும்க!

இந்த பொய் சொல்லக்கூடியதை கண்டுபிடிக்கக்கூடிய கருவியை பயன் படுத்தியிருந்தால் சமீபத்தில் நிறைய திருமணங்கள் செய்து கலக்கிய "கல்யாண மன்னன்" போன்றவர்களிடம் பெண்கள் கற்பை இழக்காமல் தப்பித்திருப்பார்கள்! இந்த கற்பு என்று சொன்னதும் ஞாபகம் வருதுங்கோ கொஞ்சம் நாளுக்கு முன்னாடி குஷ்பு "மேம்" சொன்னாங்களே, திருமணத்திற்கு முன்பே கற்பை இழப்பது ஒன்றும் தவறில்லை என! அவரோடு மேடையிலும் காட்சி அளித்தீர்களே! அப்படியானால் இதில் உங்களுக்கு உடன்பாடுதானே. பசங்களுக்கு ஆண்மை பரிசோதனை என்னும் பட்சத்தில் பெண்களுக்கு கன்னித்தன்மை பரிசோதனை தேவை என சட்டம் கொண்டுவர சொல்லுவீங்களா ஆச்சி?

இது எல்லாவற்றையும் விட மேலாக டீ.என்.ஏ (DNA)எனும் பரிசோதனை செய்ய சொல்லி பசங்க உண்மையான வாரிசுதான் என்பதனை உறுதி செய்ய சொல்லலாம். அப்படி செய்யும்போது நிறையபேர்களின் பிள்ளைகள் அவர்களின் பிள்ளைகள் இல்லை எனக்கூட நிரூபணமாகலாம். இதையும்கூட உங்கள் பரிசோதனை பட்டியலில் இணைத்துக்கொள்ளலாம்.

வெள்ளைக்காரர்கள் திருடமாட்டார்களா என்ன?

2009-09-15T06:06:00.000-07:00

வெள்ளைக்காரர்கள் திருடமாட்டார்களா என்ன?

நாம் சிறுவர்களாக இருக்கும் போது நமக்கெல்லாம் வெள்ளையாக இருப்பவர்கள் நல்லா படிப்பார்கள். பொய் சொல்ல மாட்டார்கள் என்று ஒரு தவறான எண்ணம் இருந்திருக்கும். அதைபோல சமீபத்தில் எனக்கு நடந்த ஒரு சம்பவம் இது.

இரண்டு வாரங்களுக்கு முன்பு இங்குள்ள பிரபல பல்பொருள் அங்காடியான Tesco-வில் பொருட்களை வாங்கிக்கொண்டு வெளி வாசலை கடக்கும் போது என்னோடு சேர்ந்தாற்போல ஒரு வெள்ளைக்காரியும் அதே நேரத்தில் அந்த வாசலை கடக்கவும் அங்கு வைக்கப்பட்டிருந்த EAS கருவி(பொருட்களுக்கு பணம் கொடுக்காமல் போனால் கண்டுபிடிக்கக்கூடியது)சப்தத்தை எழுப்பியது. நான் எல்லா பொருட்களுக்குமே பணம் செலுத்தியதால் அதை நான் கண்டுகொள்ளவில்லை. அதுமட்டுமல்ல அக்கடையின் நிரந்தர வாடிக்கையாளரானதால் அங்குள்ள எல்லா பாதுகாப்பு பணியாளர்களையும் தெரியும், புதிதாக சேர்ந்திருந்த ஒரு இந்தியரை தவிர.

நான் சிறிது தூரம் வந்ததும் அந்த இந்திய காவலாளி என்பின்னாலே வந்து, அக்கருவி சப்தத்தை எழுப்பியதால் உங்களின் பொருட்களை பார்க்கவேண்டும் என்றார். நான் உடனே திரும்ப அந்த வாசலின் வழியே போய் வரவும், இப்போது அக்கருவி சப்தத்தை எழுப்பவில்லை. எனவே என்னிடம் தவறு இல்லையென கண்டதும் மன்னிப்பு கேட்டுக்கொண்டார். சரி! அப்படியானால் அந்த கருவி ஏன் ஒலித்தது? நான் இல்லையென்றால் அந்த வெள்ளைகாரியாகத்தானே இருக்கவேண்டும். இப்போதுதான் அந்த இந்திய காவலாளிக்கு உறைத்தது. இதற்குள்ளாக வெள்ளைக்காரி போய்விட்டாள். ஒருசில வேளை அந்த வெள்ளைகாரியிடமும்கூட தவறில்லாமல் இருந்திருக்கலாம்.

இப்போது அந்த காவலாளி பெப்பேப்பே... என முழித்துக்கொண்டிருந்தார். நல்ல காவலாளி என்றால் இரண்டுபேரையும் நிற்க சொல்லியிருக்கவேண்டும். ஆனால் அவர் அப்படி செய்யவில்லை. என்னை மட்டும் நிற்க சொன்னார். காரணம், நான் முதலில் சொன்னதைபோல வெள்ளையா இருப்பவர்களை பற்றிய தவறான எண்ணமே! அப்படி இல்லை என்றால் தன்னைபோல இருக்கலாம் என்று நினைத்தாரோ என்னவோ!

ஆனால் ஒன்று மட்டும் நிச்சயம் வெள்ளைக்காரர்கள் திருடுகிறார்களோ இல்லையோ! நம்ம ஆட்கள் திருந்தவேயில்லை!!

இந்த பதிவை படித்தமைக்கு மிக்க நன்றி! மீண்டும் வருகைதரும்படி கேட்டுக்கொள்ளும் செல்வராஜ்!!

யார் நமது வலைபூக்களை "புக்மார்க்" செய்துள்ளார்கள் என்பதை தெரிந்து கொள்ளலாம்!

2009-09-08T03:29:00.000-07:00

யார் நமது வலைபூக்களை "புக்மார்க்" செய்துள்ளார்கள் என்பதை தெரிந்து கொள்ளலாம்.

பொதுவாக நமக்கு பிடித்தமான, அல்லது அடிக்கடி நாம் பயன்படுத்தும் வலைத்தளங்களை "புக்மார்க்" செய்து வைத்திருப்போம். இதைப்போல வேறு யாராவது நம்முடைய வலைத்தளங்களை, அல்லது குறிப்பிட்ட சில பதிவுகளை "புக்மார்க்" செய்துள்ளார்களா? என சுலபமாக கண்டுபிடிக்கலாம்.

இந்த பதிவை எழுதும்போது "தினமலரை" நூற்றி இருபத்திநான்கு பேரும், "தமிழ்மணத்தை" இருபத்தெட்டு பேரும், "தமிழிசை" இருபத்தைந்து பேரும், ,"உலவு" ஐ ஐந்து பேரும், "நியுஸ்பானையை" நான்கு பேரும், "தமிழ்10"-ஐ இரண்டு பேரும், "நம்குரலை" ஒருவரும் புக்மார்க் செய்துள்ளனர். இதைப்போல உங்கள் வலைபூக்களையும் எத்தனை பேர் புக்மார்க் செய்துள்ளார்கள், என இந்த இணைப்பில் சென்று பாருங்கள்.

பின்குறிப்பு: இது "டெலிசியஸ்" இணையதளத்தின் வழியே புக்மார்க் செய்திருப்பவர்களை மட்டுமே காண்பிக்கும்.

பதிவுகளை செலக்ட் செய்து copy செய்வதை தடுக்க!

2009-09-04T15:47:00.000-07:00

பதிவுகளை செலக்ட் செய்து copy செய்வதை தடுக்க!

பதிவை திருடுபவர்களிடமிருந்து தப்பிக்க, படிக்க! பதிவு திருட்டை தடுக்க!! என்னும் தலைப்பில் முன்பு ஒரு பதிவு வெளியிட்டிருந்தேன். அதில் ரைட் கிளிக்கை தடை செய்வதை சொல்லியிருந்தேன். ஆனால் அதில் Ctrl ஐ பயன்படுத்தி தொடர்ந்து copy செய்யலாம்.

ஆனால் செலக்ட் செய்வதையே தடை செய்யும் முறையை நிறுவினால் எழுதில் திருட முடியாது. ஓரளவு தப்பிக்கலாம். எனவே ரைட் கிளிக்கிற்கு பதிலாக இதை நிறுவுவது மிக சிறந்தது. இனி இதை எப்படி நிறுவுவதென பார்ப்போம். நம் கணக்கில் சென்று click Layout, click EditHTML இனி ctrl+f ஐ பயன்படுத்தி இந்த <head> ஐ கண்டுபிடித்து அதற்கு கீழே, கீழே கொடுத்திருக்கும் நிரலை நிறுவவும்.

இனி சேமியுங்கள். இப்போது உங்கள் வலைத்தளத்தை பாருங்கள்! யாருமே எதையுமே செலக்ட் செய்ய முடியாது. என்னுடைய பிற தொழில்நுட்ப பதிவுகளை இங்கே காணலாம்.

இந்த பதிவை படித்தமைக்கு மிக்க நன்றி! மீண்டும் வருகைதரும்படி கேட்டுக்கொள்ளும் செல்வராஜ்!!
The Credit goes to:
Dynamic drive

முஸ்லீம் பெண்களும் வலைப்பூக்களும்!

2009-08-31T14:35:00.000-07:00

முஸ்லீம் பெண்களும் வலைப்பூக்களும்!

வலைப்பூக்களில் ஆண்களின் ஆதிக்கம் அதிகம் இருந்தாலும் இன்று பெண்களும் அதில் நுழைந்து கலக்கிக்கொண்டிருக்கிறார்கள். அதிலும் முஸ்லீம் பெண்களும் நிறைய இருக்கிறார்கள் என்பது இன்னும் நல்ல விஷயம். காரணம் முஸ்லீம் பெண்களுக்கு நிறைய கெடுபிடிகள் இருக்கும்.

உலகம் முழுவதும் இணையம் பிரபலமாகிய நேரம், அதை முஸ்லீம் நாடான சவுதி அரேபியாவில் நுழைய விடவில்லை. காரணம் அதன் தீமைகளையே சொல்லிக்கொண்டிருந்தார்கள். பின்னர் நீண்டகால இடைவெளிக்கு பிறகு பஹ்ரைன் நாட்டின் வழியாக இந்த இணைய வசதியை பயங்கர தணிக்கையுடன் வழங்கி வந்தார்கள். உருப்படியாக ஒரு தளத்தையும் பார்க்கமுடியாது.

செக்ஸ் மற்றும் பிற சமயம் சார்ந்த தளங்கள் எல்லாம் திறக்கவே செய்யாது. இணையமும் அன்றைய வேகத்தில் ஒரு பக்கம் திறப்பதற்குள் ஒரு காஃபி போட்டு குடித்து முடித்து விடலாம். இதில் அரபு நாடுகளில் பெண்கள் இணையத்தை பயன்படுத்தாதபடிக்கு என்னவெல்லாமோ செய்தார்கள். இணையத்தில் பெண்களை உலவவிட்டால் பிற ஆடவருடன் பழகும் வாய்ப்பு ஏற்படும் என சொல்லியிருந்தார்கள். குவைத்தில் முஸ்லீம் மதகுருவால் Fatwa(பத்வா) கூட வழங்கப்பட்டது.

அந்த மாதிரி தடைகளையும் தாண்டி முஸ்லீம் பெண்கள் இன்று தங்கள் திறமைகளை வலைப்பூவின் வழியே வெளிப்படுத்தி வருகிறார்கள்.

இதில் இவர்களுக்கு வரும் பின்னூட்டங்கள் எல்லாம் குறிப்பிட்ட பதிவு சம்பந்தமானதாகத்தான் இருக்கிறதா? என்றால் இல்லை! என்றுகூட சொல்லலாம். இந்த பெண்களுக்கு பின்னூட்டமிடும் விசயத்தில் ஆண்கள் கொஞ்சம் அதிகமாகவே செயல்படுகிறார்கள். இது ஆரம்ப காலத்து யாகூ மெசஞ்சரை ஞாபக படுத்துகிறது. இருந்தாலும் வலைப்பூக்கள் இவர்களுக்குள் மறைந்திருந்த திறமையை இன்று உலகிற்கு வெளிச்சமிட்டு காட்டுகிறது என்பது, மறைக்கவோ மறுக்கவோ முடியாத உண்மை.

இந்த பதிவை படித்தமைக்கு மிக்க நன்றி! மீண்டும் வருகைதரும்படி கேட்டுக்கொள்ளும் செல்வராஜ்!!

மறைந்து போகும் அம்மா, அப்பா, மாமா, மாமி வார்த்தைகள்!

2009-08-29T01:31:00.000-07:00

மறைந்து போகும் அம்மா, அப்பா, மாமா, மாமி, சித்தப்பா, சித்தி வார்த்தைகள்!

இன்னும் கொஞ்சம் நாட்களில் தமிழில் இந்த வார்த்தைகள் மறைந்து போனாலும் ஆச்சரியப்படுவதற்கில்லை. யாருமே பிள்ளைகளுக்கு இந்த வார்த்தைகளை தமிழில் சொல்லி கொடுப்பதில்லை. மம்மி, டாடி, அங்கிள், ஆன்டி என்றே சொல்லிக்கொடுக்கிறார்கள். நாமும் பிள்ளைகள் மம்மி, டாடி, அங்கிள், ஆன்டி என அழைத்தால், உள்ளம் குளுர்ந்து விடுகிறோம். அழகிய தமிழ் வார்த்தைகளான அம்மா, அப்பா மறைந்து வருகிறது. அது இப்போது மம்மி, டாடி என உருமாறி இருக்கிறது.

இங்கிலாந்தில் பிள்ளைகள் மம்மி, டாடி என்றும் அழைப்பதில்லை. மம், டட் என்று தான் அழைக்கிறார்கள். எனவே மம்மி, டாடி என்று சொல்லிக்கொடுப்பவர்கள், இன்னும் கொஞ்சம் நாகரீகமாக இங்கிலாந்து பிள்ளைகளை போல மம், டட் என சொல்ல சொல்லிக்கொடுக்கலாம். நாம்தாம் நம் கலாச்சாரத்திலிருந்து மாறி வருகிறோமே! நான் ஏன் இந்த பதிவை எழுதினேன் என்றால், என் மகனின் கூட படிக்கும் எட்டு வயது பிள்ளைகள்கூட என்னை காணும்போது "மிஸ்டர் ராஜ்" என்று தான் அழைக்கும். ஒரு வெள்ளைக்கார பிள்ளையும் அங்கிள் என அழைப்பதில்லை. ஆக, வெள்ளைக்கார பிள்ளைகள் எல்லா பெரியவர்களையும் இப்படித்தான் அழைக்கிறது. நமது இந்திய பிள்ளைகள்தான் அங்கிள் என்றாவது அழைக்கும்.

என் வீட்டிற்கு பால் கொண்டுவரும் வெள்ளைக்காரனை, அங்கிள் என்றே அழைக்க, என் பிள்ளைகளுக்கு சொல்லிகொடுத்திருந்தேன். பிள்ளைகளும் அப்படியே அழைக்கும். பெரும்பாலும் இந்த பால்காரனை பார்ப்பது கிடையாது. காரணம் வீட்டின் முன்பு பாலை வைத்துவிட்டு போய்விடுவான். சில நேரங்களில்தான் இவனை பார்க்க முடியும். இப்படி ஒருமுறை பார்க்கும் போது சொன்னான். ஒரு வெள்ளைக்கார பிள்ளையும் என்னை அங்கிள் என அழைப்பதில்லை. "மில்க் மேன்" என்று தான் அழைக்கும். உன் பிள்ளைகள் அங்கிள் என அழைப்பது கேட்க சந்தோசமாக இருக்கிறதென்று.

இதைப்போல இன்று அங்கிள், ஆன்டி என சொல்லும் நம் பிள்ளைகளும், நாளை அதற்கு பதிலாக மிஸ்டர், மிசெர்ஸ் என அழைக்க தொடங்கலாம். ஏதாவது பிள்ளை தப்பி தவறி
மாமா, மாமி, சித்தி, சித்தப்பா என அழைத்தால், அப்போது இந்த பால்காரனைப்போல நாமும் இப்படி சந்தோசப்படக்கூடிய வாய்ப்புள்ளது.

இந்த பதிவை படித்தமைக்கு மிக்க நன்றி! மீண்டும் வருகைதரும்படி கேட்டுக்கொள்ளும் செல்வராஜ்!!

ஜெபமாலை இசைமாலை!

2009-08-26T06:10:00.000-07:00

ஜெபமாலை இசைமாலை!

சந்தோச தேவரகசியங்கள்!

முதல் தேவரகசியம்!

கப்ரியேல் தூதன் தேவ அன்னைக்கு மங்கள வார்த்தை சொன்னதை தியானிப்போமாக!

இரண்டாம் தேவரகசியம்!

தேவ அன்னை எலிசபெத்தை சந்தித்ததை தியானிப்போமாக!

மூன்றாம் தேவரகசியம்!

இயேசு கிறிஸ்து மனிதனாக பிறந்ததை தியானிப்போமாக!

நான்காம் தேவரகசியம்!

இயேசு கிறிஸ்து ஜெருசலேம் தேவாலயத்தில் காணிக்கையாக ஒப்புக்கொடுக்கப்பட்டதை தியானிப்போமாக!

ஐந்தாம் தேவரகசியம்!

பன்னிரெண்டு வயதில் காணாமல் போன இயேசுவை கண்டடைந்ததை தியானிப்போமாக!

கிருபை தயாபத்திற்கு மாதாவாய் இருக்கிற எங்கள் ராக்கினியே வாழ்க!

ஜெபமாலை வரலாறு!

2009-08-24T03:52:00.000-07:00

ஜெபமாலை வரலாறு!

ஜெபமாலை என்பது ஐநூறு வருடங்களுக்கு மேலாக கத்தோலிக்க சபையில் ஒரு பெரிய தாக்கத்தை ஏற்படுத்திய அதே சமயத்தில் கிறிஸ்துவை பற்றிய நல்ல ஞானத்தை உருவாக்குவதற்கு வழிவகுத்தது.

கிறிஸ்தவ பக்தி பாரம்பரியத்திலிருந்து வடித்தெடுக்கப்பட்ட சாறான ஜெபமாலையானது வாயாலும் மனதாலும் செய்யப்படும் ஜெபத்தின் மூலம் ஒரு மனிதனை பலமுள்ள தியானத்தில் ஒருங்கிணைக்க உதவுகிறது. இப்படியாக ஜெபமாலை நம்முடைய பிதாவால் தெரிந்த்தெடுக்கப்பட்ட, மாதாவின் மூலமாக மனித இனத்தை கடவுளிடம் இணைக்கிறது. பாலைவனத்தில் சேவை செய்து வந்த இறை பணியாளர்கள் தங்கள் தொடர் ஜெபத்தை எளிதாக்கிகொள்வதர்க்காக பயன்படுத்திய வழி முறையிலிருந்தே ஜெபமாலையின் வரலாற்று வளர்ச்சி தொடங்கியது.

கிறிஸ்துவிற்கு முன் ஒன்பதாம் நூற்றாண்டில் வாழ்ந்த இந்துக்கள் தங்களின் தொடர் ஜெபங்களை எண்ணுவதற்காக ஒரு வழிமுறையை கண்டுபிடித்தார்கள் என்பது, பொதுவாக ஏற்றுக்கொள்ளப்பட்ட கருத்து. இந்த ஜெபமாலையின் வளர்ச்சியில் பதினைந்தாம் நூற் றான்டிற்கு முக்கிய பங்குண்டு. இந்த கால கட்டத்தில்தான் ஜெபமாலையின் தாக்கம் டோம்னிக்கர்களிடையே தாக்கத்தை ஏற்படுத்தியது. ஜெபமாலையின் பயன்பாட்டிற்கு டோமினிக்கர்கள் காரணமில்லை என்றாலும், அதன் வளர்ச்சிக்காகவும் வரலாற்றில் இடம்பெற செய்ததற்கும் அவர்களின் பங்கு மிகவும் பெரியது என்பதை மறுக்க முடியாது.

தற்போது புழக்கத்தில் இருக்கும் ஜெபமாலையானது பதினைந்த்தாம் நூற்றான்டில்தான் வழக்கத்தில் வர ஆரம்பித்தது.

"பரலோகத்தில் இருக்கிற எங்கள் பிதாவே" என்னும் ஜெபமானது புனித மத்தேயு எழுதிய நற்செய்தியிலிருந்து எடுக்கப்பட்டது. "அருள் நிறைந்த்த மரியே வாழ்க!" என்னும் ஜெபம் புனித லூக்காவின் நற்செய்தியில் கபரியேல் தூதனும் எலிசபெத்தும் மாதாவிடம் கூறிய வாழ்த்திலிருந்து எடுக்கப்பட்டது. "பிதா சுதன் பரிசுத்த ஆவி" என்பது ஆரம்ப காலங்களில் சங்கீதங்களை சொல்லி ஜெபிக்கும் போது சொல்லப்பட்டு வந்ததிருக்கிறது. ஜெபமாலையில் பிற்காலத்தில் சேர்க்கப்பட்ட மகிமை படுத்துதல் மாதாவை பற்றிய செய்திகளை தெரிவிக்கிறது. அப்போஸ்தலர்களின் விசுவாசப் பிரமாணம் பதினேழாம் நூற்றாண்டின் தொடக்கத்தில் பயன்பாட்டிற்கு வந்ததுள்ளது.

ஜெபமாலையை பிரபலப் படுத்தியவர்களின் போதனைகள் தொடர்ந்து முக்கியத்துவம் வாய்ந்ததாகவே இருந்துவருகிறது. ஜெபமாலை ஒவ்வெரு குடும்பத்திற்கும் எவ்வளவு முக்கியமானது என்பதை இவர்களின் கருத்துக்கள் வலியுறுத்துகின்றன. போப் ஆண்டவர் பனிரெண்டாம் பயஸ் குடும்ப ஜெபமாலையின் பயன்களைபற்றி சொல்லியிருக்கிறார். இவரின் கருத்து ஜெபமாலையின் மத குரு என்று அழைக்கப்பட்ட தந்தை பாட்ரிக் பெய்டேன் 1942-ல் வைத்த நடைமுறையோடு ஒத்து வந்தது.

தந்தை பாட்ரிக் பெய்டேனின் "ஒன்றாக ஜெபிக்கும் குடும்பம் ஒற்றுமையாக வாழும்" என்கிற மொழி பல விசுவாசிகளால் ஏற்றுக் கொள்ளப்பட்டது போப் ஆண்டவர் ஜான் மற்றும் நான்காம் பால் இருவரும் ஜெபமாலையை குறித்த இந்த போதனைகளை தொடர்ந்து கற்பித்ததோடு, பல புதிய போதனைகளையும் அறிமுகப்படுத்தினர். போப் ஆண்டவர் ஜான் ஜெபமாலையானது இரட்சிக்கபட்டவர்களுக்கான உலக பொது ஜெபம் என்றார். இந்த இரு போப் ஆண்டவர்களும் தங்களின் எழுத்துக்களின் மூலமாகவும் தந்தை பட்ரிக்கின் தீவிர பிரட்சாரத்திற்கு ஆதரவாக இருந்தும், ஜெபமாலையின் வளர்ச்சிக்கு பாடுபட்டனர். இந்த மத குருமார்களின் கருத்துக்களெல்லாம் ஜெபமாலை பிராத்தனையையும் அதனை பற்றிய போதனைகளையும் நமக்கு நம்முடைய இக்கால பிராத்தனை வாழ்க்கைக்கு மிகவும் முக்கியமானது என்பதனை வலியுறுத்துகின்றன.

வலைப்பூவில் படங்களை அழகுடன் காண்பிக்க!

2009-08-23T07:16:00.000-07:00

வலைப்பூவில் படங்களை அழகுடன் காண்பிக்க!

நாம் பொதுவாகவே நம் பதிவுகளில் முடிந்தவரை சில படங்களை சேர்த்து அழகூட்ட விரும்புவோம். ஆனால் அந்த படம் நாம் எப்படி upload செய்கிறோமோ அதைப்போலவே தோன்றும். ஆனால் அந்த படத்தை இன்னும் கொஞ்சம் அழகுடன், அதாவது ஓரங்களை அழகு படுத்தி காண்பிக்க முடியும்.

இந்த நிரலை நிறுவினால் படம் இப்படி தெரியும்.

இதை நிறுவிட நமது கணக்கில் சென்று (Dashboard -> Layout -> Edit HTML)
ஐ சொடுக்கவும். இனி கீழே கொடுக்கப்பட்டிருக்கும் நிரலை Ctrl+F ஐ பயன்படுத்தி தேடவும்.

<head>

கீழே கொடுத்திருக்கும் நிரலை <head> இன் முன் இட்டு சேமியுங்கள்.

(Double border hover effect)

இனி சேமியுங்கள். அவ்வளவுதான். இப்போது உங்கள் வலைப்பூவை பாருங்கள். படங்கள் எவ்வளவு அழகாக தெரிகிறதென்று. மேலதிக நிரல்களுக்கு கீழே கொடுத்திருக்கும் இணைப்பிற்கு செல்லவும்.
The Credit goes to Sai:
bloggerstop.net

நரியின் கண்ணில் விழித்தால்!!!!

2009-08-20T13:35:00.000-07:00

நரியின் கண்ணில் விழித்தால்!!!!

நம்ம ஊரில் ஒரு பழமொழி சொல்வார்கள். நரியை காட்சை கண்டால் எல்லாம் நல்லபடியா நடக்குமென! இது நான் சின்ன பையனாக இருக்கும்போதே கேள்விப்பட்டது. ஆனால் இந்தியாவில் வைத்து என்னமோ அப்படி நரியின் கண்ணில் விழிக்கக்கூடிய வாய்ப்பு கிடைக்கவில்லை. ஆனால் இங்கிலாந்து வந்தபின்னர் நிறையமுறை அந்த வாய்ப்பு கிடைத்தது. எனக்கு மட்டுமல்ல! இங்கிலாந்திலுள்ள எல்லோருக்குமே இந்த வாய்ப்பு கிடைத்திருக்கும். அதற்காக காட்டான் குறிச்சியில் இருக்கிறேன் என நினைத்துவிடாதீர்கள். லண்டன் மாநகரில்தான்.

இங்கு நரிகள் குறுக்க மறுக்க போவது மிகவும் சகஜம். காரணம் நிறைய பூங்காக்களும் அடர்ந்த மரங்களும் நிறைய உள்ளதுதான். லண்டன் விக்டோரியா ரயில் நிலையத்தில்கூட ஒருமுறை நரியை பார்த்தேன் என்றால் பார்த்துக்கொள்ளுங்களேன்.
என்னோட ஒரே கேள்வி, யார் இப்படி ஒரு தப்பான பழமொழியை பரவவிட்டதென்பதுதான்? சத்தியமாக ஒரு வித்தியாசமும் கிடையாது.

நரியை போய் எவன் பார்க்கபோறான் என்னும் தைரியத்தில் யாரோ பரப்பிவிட்ட பொய்தான் இந்த பழமொழி.

இங்கு வீட்டு தோட்டத்திலும் தெருக்களிலும் இரவு நேரங்களில் சர்வசாதாரணமாக நரிகளை பார்க்கலாம். நம்மைக்கண்டால் உடனே ஓடிவிடும். இவைகளால் பெரிய பாதிப்புகள் எதுவும் உள்ளமாதிரி தெரியவில்லை. ஆனால் சில நேரங்களில், எப்போதாவது இவை கடித்ததாக செய்திகள் வரும். ஆனால் அரசு நரி வேட்டைக்கு தடை விதித்துள்ளது.

என்னமோ நம்ம ஒரு பழமொழி தப்புன்னு தோனுது.

"எல்லாம் நல்லபடியா நடக்கும், நரியின் கண்ணில் விழித்தால்!!!"

இந்த பதிவை படித்தமைக்கு மிக்க நன்றி! மீண்டும் வருகைதரும்படி கேட்டுக்கொள்ளும் செல்வராஜ்!!

பதிவு திருடர்கள் கவனிக்க!

2009-08-19T03:19:00.000-07:00

பதிவு திருடர்கள் கவனிக்க!

இரண்டு நாட்களுக்கு முன்னர் ஒரு பெண்மணியின் வலைத்தளத்தை பார்த்துக்கொண்டிருக்கும்போது என் கண்ணில்பட்டது. அவரது வலைத்தளத்தின் வலதுபுறம் இப்படி ஒன்று மின்னிக்கொண்டிருந்தது. வேறு ஒன்றுமில்லை, தலைப்பு இதுதான்: "பதிவு திருடர்கள்". அதன் கீழ், ஒரு நாலுபேரின் பெயரும் அந்த பெண்மணியிடமிருந்து திருடிய பதிவுகளுக்கான இணைப்பும் போடப்பட்டிருந்தது.

எனக்கு இது வித்தியாசமானதாக தோன்றியது. காரணம் பொதுவாக நாம் வலைத்தளங்களில் விருதுகளையோ அல்லது விளம்பரங்களையோத்தான் இப்படி பார்ப்போம். இது எனக்கு காவல் நிலையத்தில் குற்றவாளிகளை படத்துடன் போட்டு அவர்களைப்பற்றிய தகவல்களையும் போட்டிருப்பதைபோல தோன்றியது. பதிவை திருடுவதும் குற்றம்தானே!

இது இன்று பதிவுலகில் மிக சாதாரண விசயமாகிவிட்டது. அதுமட்டுமல்ல, திருட்டு பதிவுகளை மிக எழுதில் கண்டுபிடித்துவிடலாம். இப்படி இருந்தும், ஏன் பதிவுகளை திருடுகிறார்கள்? என தெரியவில்லை. எனவே பதிவு திருடர்கள், பதிவுகளை திருடுவதை நிறுத்த வேண்டும். இல்லாவிட்டால் இதை மாதிரி எல்லோரும் தங்களின் வலைத்தளத்தில் தங்களின் பதிவுகளை திருடியவரை இப்படி போட்டு கேவலப்படுத்தி விடுவார்கள். உங்களுக்கும் வாசகர்கள் இருப்பார்கள். அவர்கள் இதை பார்க்க நேரிட்டால் உங்களை தப்பாக நினைக்கமாட்டார்களா? எனவே பதிவு திருட்டை தவிருங்கள்! சுயமாக எழுத கற்றுக்கொள்ளுங்கள்!!

இந்த பதிவை படித்தமைக்கு மிக்க நன்றி! மீண்டும் வருகைதரும்படி கேட்டுக்கொள்ளும் செல்வராஜ்!!

உங்கள் வலைப்பூவை காணவில்லையா?

2009-08-17T05:04:00.000-07:00

உங்கள் வலைப்பூவை காணவில்லையா?
உங்கள் வலைப்பூ காணாமல் போகவோ அல்லது திருட்டு போகவோ வாய்ப்பில்லை. அது பத்திரமாகத்தான் இருக்கும். உங்களுக்கு அப்படி காணாமல் போயிருந்தால் இதன்படி மீட்டிடலாம். நீங்கள் முதலில் கடவு சொல்லை மறக்கும் வசதியை பயன்படுத்தி பார்க்கலாம். அதற்கு கீழே கொடுத்துள்ள இணைப்பை பயன்படுத்துங்கள்.

www.blogger.com/forgot.g

மேலே கொடுக்கப்பட்டுள்ள மின் அஞ்சல் பெட்டியில் உங்கள் மின் அஞ்சலையிட்டு LOOKUP ஐ சொடுக்கவும். அதன்பின்னர் ஒரு பத்து நிமிடங்களுக்குள் உங்களின் மின் அஞ்சலுக்கு, அஞ்சல் வந்திருக்கும். Inbox, Spam, Folders, Archive என எல்லாவற்றிலுமே தேடிப்பாருங்கள். அப்படி மின் அஞ்சல் வந்ததும் அதில் கொடுக்கப்பட்டிருக்கும் வழிமுறையை பின்பற்றுங்கள்.

இரண்டாம் வழிமுறை:

கீழே கொடுத்திருக்கும் இணைப்பை சொடுக்கவும்.

www.blogger.com/forgot.g

மேலே What is your blog's URL? என கேட்டிருப்பதில் உங்களின் வலைப்பூவின் முகவரியை இடவும். ஆனால் blogspot.com என்பதை இடக்கூடாது. உதாரணமாக www.tamilcatholican.blogspot.com
என்பதற்கு பதில் tamilcatholicanஎன்றுதான் இடவேண்டும். இனி LOOKUP ஐ சொடுக்கவும். அதன்பின்னர் ஒரு பத்து நிமிடங்களுக்குள் உங்களின் மின் அஞ்சலுக்கு அஞ்சல் வந்திருக்கும். Inbox, Spam, Folders, Archive எல்லாவற்றிலுமே தேடிப்பாருங்கள். அப்படி மின் அஞ்சல் வந்ததும் அதில் கொடுக்கப்பட்டிருக்கும் வழிமுறையை பின்பற்றுங்கள்.

மூன்றாம் வழிமுறை:

உங்களுக்கு நிறைய வலைப்பூக்கள் இருந்து சிலவற்றை காணவில்லையெனில், நீங்கள் Hide ஐ பயன்படுத்தியிருக்கலாம். அதற்கு Dashboard இல் சென்று கடைசி வலைப்பூவை பார்க்கவும். அதற்கு கீழே Show All என கொடுத்திருக்கும். அதை சொடுக்கினால் உங்களின் எல்லா வலைப்பூவுமே தெரியும். இப்படி காணாமல் போன வலைப்பூக்களை மீட்கலாம்.

மேலே சொன்ன வழிகளை பின்பற்றியும் உங்கள் வலைப்பூவை காணவில்லை என்றால் அது Spam என தவறுதலாக நீக்கபட்டிருக்கலாம். அதற்கு இந்த
www.google.com/support/forum/p/blogger/thread?tid=115e065a9a2292ee&hl=en
இணைப்பை பயன்படுத்துங்கள்.

இதோடில்லாமல் நம் வலைப்பூவில் Malwares இருந்தாலும் அவை கூகிளால் நீக்கப்படலாம். அப்படி Malware-ஆல் நீக்கபட்டிருந்தால் இந்த இணைப்பில் உங்கள் வலைப்பூவை சமர்ப்பியுங்கள்.
spreadsheets.google.com/a/google.com/viewform?key=0Armgcja8_3shcFpISFpkZVlLZUhnWGxtdGRNSVJmYnc&hl=en

இந்த பதிவை படித்தமைக்கு மிக்க நன்றி! மீண்டும் வருகைதரும்படி கேட்டுக்கொள்ளும் செல்வராஜ்!!

பதிவர்களின் பின்னூட்டத்தை வித்தியாசமாக காண்பிக்க!

2009-08-14T23:48:00.001-07:00

பதிவர்களின் பின்னூட்டத்தை வித்தியாசமாக காண்பிக்க!
வலைப்பூக்களில் பின்னூட்டத்தை பொறுத்தவரைக்கும் பதிவரின் பின்னூட்டமெது வாசகரின் பின்னூட்டமெது என்பதை கண்டுபிடிப்பது கொஞ்சம் சிரமமான காரியம் ஆனால் இதை நிறுவுவதன் மூலம் இந்த குறையை நிவர்த்தி செய்யலாம்.

click Layout இனி click Edit HTML click Download Full template இனி Expand Widget Templates

இதற்கு பின்னர் கீழே கொடுத்திருக்கும் code ஐ கண்டுபிடிக்கவும்.

இதை கண்டுபிடிக்க Ctrl + F ஐ பயன்படுத்தி அதனுள் இந்த code ஐ<b:loop values='data:post.comments' var='comment'> இட்டு தேடவும். அப்போது மேலே கொடுத்திருக்கும் code முழுவதையும் காண்பிக்கும்.

இனி மேலே கொடுத்துள்ள code ஐ கண்டுபிடித்ததும் அதை நீக்கி விட்டு கீழே கொடுத்திருக்கும் code ஐ நிறுவவும்.

இனி இந்த code </b:skin>
ஐ கண்டுபிடித்து அதற்கு மேல் கீழ் கொடுத்திருக்கும் code ஐ நிறுவுங்கள்.

.author-comments {
background: #cccccc;
border: 1px solid #333333;
padding: 5px;
}
இனி சேமித்து கொள்ளுங்கள். இப்போது உங்கள் தளத்தில் இது நிறுவப்பட்டிருக்கும்.

இந்த பதிவை படித்தமைக்கு மிக்க நன்றி! மீண்டும் வருகைதரும்படி கேட்டுக்கொள்ளும் செல்வராஜ்!!

காஃபி டு விவாகரத்து!

2009-08-13T16:04:00.000-07:00

காஃபி டு விவாகரத்து!

இன்றைய நாகரீக உலகில் விவாகரத்தின் எண்ணிக்கையும் கூடிக்கொண்டுதான் இருக்கிறது. என்ன காரணத்திற்காக விவாகரத்து கேட்கிறோம் என்ற விவஸ்தையே இல்லாமல் போய்கொண்டிருக்கிறது.

அதற்கு இது ஒரு உதாரணம்.

பையனுக்கு மும்பையில் வேலை. பெண்ணும் படித்தவள். திருமணமான இரண்டு வாரங்களிலேயே இருவரும் மும்பை சென்றுவிட்டனர். மனைவி இப்போதுதான் முதல்முறையாக மும்பை வருகிறாள். மும்பையை அடைந்தவனுக்கு அடுத்த நாளே வேலைக்கு போகவேண்டிய கட்டாயம். எனவே மனைவியிடம் யார் வந்தாலும் கதவை திறக்காதே! என சொல்லிவிட்டு போய் விட்டான்.

கணவன் மாலை வீடு திரும்பும் நேரமானதும், மனைவி காஃபி பொடியை தேடியிருக்கிறாள். வீட்டில் காஃபி பொடி இல்லை. கணவனுக்கோ காஃபியில் கொள்ளை பிரியம். கணவன் வந்ததும் காஃபி கொடுத்து அசத்தனும் என நினைத்தவளுக்கு இது ஒரு ஏமாற்றமாக போய் விட்டது. ஆனால் வீடு இருந்த அதே தெருக்கோடியில் கடை இருந்திருக்கிறது. உடனே அவசரஅவசரமாக காஃபி பொடி வங்கபோயிருக்கிறாள். கடை தெருக்கோடியில் உள்ளதால் வீட்டை திறந்து போட்டுக்கொண்டே போயிருக்கிறாள். இதற்கிடையில் கணவன் வந்திருக்கிறான். வீடு திறந்து கிடக்கிறது. மனைவி இல்லை! அவன் பதறி விட்டான். இப்படி பதட்டத்தோடு மனைவியை தேடும்போது, அவள் காஃபி பொடியுடன் சந்தோசமாக வந்திருக்கிறாள்.

கோபம்கொண்ட கணவன் நான் கதவை திறக்ககூடதென சொல்லிக்கொண்டு போனபிறகும், நீ ஏன் வெளிய போனாய்? என தொடங்கிய பிரச்சினை கடைசியாக விவாகரத்துவரை வந்து விட்டது. நல்ல வேளையாக நல்ல ஒரு Counsellor இந்த வழக்கில் சம்பந்தபட்டதால் இருவரும் பிரியாமல் மீண்டும் ஒற்றுமையாக போய்விட்டார்கள். இதற்கெல்லாம் விவாகரத்து தேவையா? குடும்பம் என்றால் நிட்சயமாக பிரச்சனைகள் இருக்கும். குடும்பத்திலுள்ள எல்லா பிரட்சினைகளுக்கும் பேச்சுவார்த்தையின் மூலமே தீர்வு காணலாம். அது சரி, மனைவிதான் காஃபி போடணுமா என்ன?

என்னுடைய இந்த பதிவை படித்த உங்களுக்கு நன்றி! மீண்டும் வருக!

ரயில் பயணசீட்டை வாங்கும்போது பாக்கிபணத்தை எண்ணவும்!

2009-08-10T02:41:00.000-07:00

ரயில் பயணசீட்டை வாங்கும்போது பாக்கிபணத்தை எண்ணவும்!

இது ரயில் பயணசீட்டு கொடுப்பவருடன் சிலகாலம் தங்கியிருந்தவர் சொல்லியது.

நம் எல்லோருக்கும் தெரியும் பயணசீட்டு பெறுவதற்கு ஒரு பெரிய கூட்டம், காலை மற்றும் மாலைவேளைகளில் இருப்பது. இந்த நெருக்கத்திற்கு இடையில் பயணசீட்டை பெற்றுக்கொண்டு ரயிலை பிடிப்பதற்கு ஓடும்போது, யாரும் பொதுவாக பாக்கி பணத்தை எண்ணுவது கிடையாது. அப்படி எண்ணத் தொடங்கினாலும் பின்னால் நிற்பவர்கள் கத்த தொடங்கிவிடுவார்கள். காரணம் அவர்களும் அதே ரயிலை பிடிக்கவேண்டி நிற்பவர்கள்தான். இதனாலேயே பெரும்பாலானவர்கள், தங்கள் மீதி பணத்தை எண்ணுவது கிடையாது. சிலர் அப்படி எண்ணினால் மதிப்பு குறைந்து விடும் என்றுகூட எண்ணுவார்கள்.

இந்த அவசர சூழ்நிலையை பயன்படுத்தி, வேண்டுமென்றே சில்லறையை குறைத்து கொடுக்கும் பயணசீட்டு கொடுப்பவர்களும் உண்டு. அப்படி வேண்டுமென்றே குறைத்து கொடுக்க கூடியவருடன்தான் இதை சொல்லியவர் சிலகாலம் தங்கி இருந்தார். அப்போது அவர் பெரும்பாலானவர்கள் இப்படி ஈடுபடுவதாக சொல்லியிருக்கிறார். ஆனால் எல்லோரும் அல்ல! ஆகவே நல்ல பயணசீட்டு கொடுப்பவர்களும் இருக்கிறார்கள்.

அதுமட்டுமல்ல இவர்கள் இப்படி செய்யும்போது யாராவது திரும்ப பணம் குறைவு
என்று சொன்னால் sorry! என எளிதாக சொல்லி மீதியை சரியாக கொடுத்து விடுவார்களாம். ஆனால் ரயிலில் போய் உட்கார்ந்த பின்னர், ஐந்தோ பத்தோ குறைவு என்று சொல்லி யாரும் இறங்கி போய் திரும்ப பாக்கியை கேட்க மாட்டார்கள். இதை சாக்காக வைத்தே இப்படி வேண்டுமென்றே குறைத்து கொடுப்பார்களாம் சிலபேர்.

இதில் தவறு நம்மிடமுண்டு. மீதி பணத்தை சரியாக இருக்கிறதா? என எண்ணிப்பார்த்த பின்னர்தான் அங்கிருந்து போகவேண்டும். காரணம் ஏமாளிகள் இருப்பதால்தான் ஏமாற்றுபவர்கள் இருக்கிறார்கள்.

நீங்கள் ஏன் ஏமாளியாக இருக்கவேண்டும்?

என்னுடைய இந்த பதிவை படித்த உங்களுக்கு நன்றி! மீண்டும் வருக!

எல்லா பதிவுகளையும் ஒரே கட்டத்திற்குள் காண்பிக்க!

2009-08-05T04:52:00.000-07:00

எல்லா பதிவுகளையும் ஒரே கட்டத்திற்குள் காண்பிக்க!

இப்போது எல்லா வலைப்பதிவர்களுமே நிறைய பதிவுகளை கொண்டவர்களாகவே இருக்கிறார்கள். இப்படி நூற்றிற்கு மேற்பட்ட பதிவுகளை பல லேபெல்களில் வைத்திருப்போம். அவற்றை எல்லாம் ஒரே கட்டத்திற்குள் கொண்டு வந்து நீண்டுகொண்டே போகும் லேபெல்களுக்கு முற்று புள்ளி வைக்கலாம்.

இனி இதை எப்படி நிறுவுவதென பார்ப்போம்.

நமது கணக்கில் சென்று Layout
ஐ சொடுக்கவும். இனி Edit HTML ஐ சொடுக்கவும்.
இனி நம் Template ஐ சேமித்து கொள்ளவும்.

இனி Expand widget templates ஐ சொடுக்கவும்.
இனி கீழ் காணும் code ஐ கண்டுபிடித்து

அதை நீக்கி விட்டு, அதற்கு பதிலாக கீழே கொடுத்திருக்கும் code ஐ ஒட்டி சேமியுங்கள்.

அவ்வளவுதான். இப்போது உங்களின் அனைத்து பதிவுகளும் ஒரே கட்டத்திற்குள் வந்துவிடும். அது எத்தனை பதிவுகளானாலும் பிரச்சனை இல்லை. குறிப்பாக நூற்றிற்கு மேற்பட்ட பதிவுகளை வைத்திருப்பவர்களுக்கு மிகவும் பயனுள்ளது.
இதை நிறுவுவதில் பிரச்சனைகள் இருந்தால் பின்னூட்டத்தில் தெரிவியுங்கள்.

இந்த பதிவை படித்தமைக்கு மிக்க நன்றி! மீண்டும் வருகைதரும்படி கேட்டுக்கொள்ளும் செல்வராஜ்!!

முதன்முதலில் ஒரு பெண்ணோடு நடனமாடியபோது!!

2009-08-02T09:45:00.000-07:00

முதன்முதலில் ஒரு பெண்ணோடு நடனமாடியபோது!!

நான் பக்ரைனில் வேலைபார்த்துக்கொண்டிருந்தபோது நான் தங்கியிருந்த கட்டிடத்தில் சில பிலிப்பின்ஸ் நாட்டை சேர்ந்தவர்களும் இருந்தார்கள். நான் அக்கட்டிடத்தின் மேலாளராக இருந்ததால் அங்கு வசிப்பவர்கள் எல்லாருமே நண்பராகவே இருந்தனர். கிறிஸ்துமஸ் என்றாலே வெள்ளைகாரனுக்கு மிச்சமாக கொண்டாடுபவர்கள் இந்த பிலிப்பின்ஸ் நாட்டவர். (உலகத்திலேயே அதிக கிறிஸ்தவர்களை கொண்ட நாடும்கூட)

அந்த கட்டடத்திலே ஒரு வீட்டை மூன்று பெண்கள் மட்டுமே வாடகைக்கு எடுத்திருந்தனர். என்னை அவர்களின் வீட்டில் நடக்கவிருந்த கிறிஸ்துமஸ் விருந்திற்கு அழைத்திருந்தனர். இதற்கு முன்பு வேறு நாட்டவர் வீட்டில் நடந்த நிகழ்ச்சிகளில் நான் கலந்து கொண்டதுமில்லை.
நான் சென்றதும் என்னை மற்ற நண்பர்களுக்கு அறிமுகம் செய்துவைத்தனர். அதிலும் ஆண்களைவிட பெண்களே அதிகமாக இருந்தனர். அதற்கு முன்பு வெள்ளைகாரிகள்தான் சிகரெட் பிடிப்பார்கள் என நினைத்திருந்ததை தவறென நிருபித்துக்கொண்டிருந்தனர். எனக்கும் புகைக்கும் ரெம்ப தூரம். எங்கே! போய் விடலாமா என்றுகூட நினைத்தேன். ஆனால் ஆசை யாரைவிட்டது. எல்லாம் சின்ன பொண்ணுகள் எனக்கும் அப்போது திருமணமாகவில்லை. பெரிய ஆள் போல இருந்துகொண்டேன்.

ஆக, அந்த மொத்த கூட்டத்திலும் பளிச்சென்று நான் மட்டும்தான் ஒரு கறுப்பன் இருந்தேன்.
சிறுது நேரம் ஆகியபின்னர் மியூசிக் போட்டு கொஞ்சம் கொஞ்சமாக ஆடத்தொடங்கினர். நான் அதை பார்த்துக்கொண்டுதான் இருந்தேன். யாருடனும் போய் ஆடக்கூடிய தைரியமில்லை.
நான் தனியாக இருப்பதை பார்த்ததும், அந்த மூன்றுபேரில் ஒருத்தி என்னை இழுத்துக்கொண்டு போய்விட்டாள். அப்புறம் என்ன ஒரே நடனம்தான். வெறும் இரண்டு நிமிடம் தான் ஆகியிருக்கும் பெல்லடித்து கதவும் தட்டப்பட்டது.

கதவை திறந்த பெண்கள் பயந்து விட்டனர். காரணம் இரண்டு போலீஸ்காரர்கள் வந்திருந்ததுதான். நடனம் நிறுத்தப்பட்டது. வீட்டில் மயாண அமைதி. அலங்காரங்கள் மட்டும் மின்னிக்கொண்டிருந்தன.

யாரோ போலீசிற்கு தகவல் கொடுத்திருக்கிறார்கள். வீட்டின் உரிமையாளர்கள் ஸ்டேஷன் வரவேண்டுமென கேட்டுக்கொண்டனர். பெண்கள் உடனே என்னிடம் வந்தனர். அக்கட்டிடத்தின் பொறுப்பு நீ என்பதால் நீ வந்தாலும் போதும் என்று சொல்லி, என்னை அழைத்து சென்றனர். காவல் நிலையம் மிக அருகிலேயே இருந்தது, நல்ல வேளையாக ஆய்வாளர் படித்தவர். அவரிடம், இது கிறிஸ்துமஸ் நிகழ்ச்சி ஜன்னல் கதவுகள் மூடப்பட்டே இது நடக்கிறது. அவர்கள் எங்களின் அனுமதியுடனே நடத்துகிறார்கள் என்று சொன்னேன். வேறு ஒன்றுமில்லை, கீழே வசிப்பவர்தான் எங்களுக்கு அழைத்து சொன்னார் நீங்கள் போகலாம். ஆனால் கொஞ்சம் சப்தத்தை குறைத்து கொள்ளுங்கள் என சொல்லிவிட்டார். எனக்கு உள்ளுக்குள் இருந்த பயம் அப்போதுதான் மாறியது.

இங்கே என் வரவுக்காக காத்திருக்கிறார்கள். நடந்ததை சொன்னேன். நாம் கொஞ்சம் சப்தத்தை குறைத்து கொள்ளனும் அவ்வளவுதான். மீண்டும் நடனம் தொடங்கியது. ஆனால் என்மனம் உனக்கெதுக்குடா நடனம் என கேட்டது. அழைத்த பெண்களிடம் நான் ஆடவில்லையென சொல்லிவிட்டேன். ஆனால் நிகழ்ச்சி முடியும்வரை நீ இருந்துதான் ஆக வேண்டுமென கேட்டுக்கொண்டார்கள்.(போலீஸ்காரர்கள் பயம்)

அதன்பின்னர் பெண்களோடு நடனமாடியதே கிடையாது.
என் பதிவை படித்தமைக்கு மிக்க நன்றி! மீண்டும் வருக!!

ஒபாமாவும் இவரும் என்ன பேசியிருப்பார்கள்?

2009-08-01T05:00:00.000-07:00

ஒபாமாவும் இவரும் என்ன பேசியிருப்பார்கள்?

(நேற்று)

நீல சட்டை போட்டவர்:

ஏண்டா! நாம் எல்லாம் ஆப்ரிக்கனா பிறந்தோம்? நாமும் நம்ம குடிசையும்.

ஒபாமா:

அதுக்கென்னடா! முயற்சி செய்தால் முடியாதது ஒண்ணுமில்லை! குடிசையிலிருந்து
மாளிகைக்குகூட போகலாம்.

நீல சட்டை போட்டவர்:

அதுக்காக, வெள்ளைமாளிகையை பிடிக்க முடியுமா? என்ன!

ஒபாமா:

முடியும்டா! மனமுண்டுன்னா இடமுண்டுடா!

(இன்று)

இந்த பதிவை படித்தமைக்கு மிக்க நன்றி! மீண்டும் நீங்கள் வரவேண்டுமென விரும்பும் செல்வராஜ்

எப்படியெல்லாமோ ஏமாற்றுகிறார்கள்!!

2009-07-30T11:57:00.000-07:00

எப்படியெல்லாமோ ஏமாற்றுகிறார்கள்!!

அன்று நான் பணி நிமித்தமாக குமரி மாவட்டத்திலுள்ள அஞ்சுகிராமம் என்னும் ஊரில் நின்று கொண்டிருந்தேன். அப்போது சுமார் அறுபது வயது மதிக்கதக்க ஒரு பெரியவர் சிரித்துக்கொண்டே என்னை நோக்கி வந்துகொண்டிருந்தார். அவரை நான் கூர்ந்து கவனித்தபோது அவர் நான் ஏற்கனவே சுமார் மூன்று மாதங்களுக்கு முன்பு என் வீட்டின் முன்பு வைத்து சந்தித்த நபர் என்பது தெரியவந்தது.

இப்போது அவரை நான் முதலாவதாக சந்தித்த நிகழ்ச்சி:

நான் மாலைவேளை என் வீட்டின் முன்பு நின்று கொண்டிருந்தபோது, இதே பெரியவர் இப்படித்தான் சிரித்துக்கொண்டு வந்தார். அப்போது அவர் என்னிடம், நான் அஞ்சுகிராமத்திற்கு பக்கத்து ஊரிலிருந்து. இங்கு குளச்சலில்(என்னுடைய பக்கத்து ஊர்) ஒருவரை பார்க்க வந்திருந்தேன். அவரை பார்க்கவும் முடியவில்லை அதற்கிடையில் சுகமில்லாமல் குளச்சல் அரசு மருத்துவ மனையில் அனுமதிக்கபட்டு இன்றுதான் வருகிறேன். இப்போது என் ஊருக்கு செல்லவும் பணமில்லை, சாப்பிடவும் வழியில்லை, பசி என்று சொன்னார்.

அவர் பசி என்று சொன்னதும், வீட்டில் சாப்பிடுகிறீர்களா? என கேட்டேன். அவரும் சரி என்று சொல்லவே நல்ல முறையில் அவருக்கு உணவு பரிமாறப்பட்டது. சாப்பிடுவதற்கு முன்பாக வீட்டில் வைக்கப்பட்டிருந்த, இயேசு கிறிஸ்துவின் படத்தை பார்த்ததும் ஒரு பெரிய ஜெபமே சொல்லிவிட்டுதான் உணவை உண்ண தொடங்கினார். நமக்கே இப்படி ஒரு பழக்கமில்லை. நல்ல பெரியவர் என மனதிற்குள் நினைத்துக்கொண்டேன்.

அவர் சாப்பிட்டு முடித்தபின் கைசெலவிற்கு பணமும் கொடுத்து பேருந்தில் ஏற்றி விட்டேன். இது ஒரு மூன்று மாதம்தான் ஆகியிருக்கும். அதன் பின்னர் இப்போதுதான் அவரை சந்திக்கபோகிறேன். அதுவும் அவர் என்னிடம் சொன்ன அதே கிராமத்தில். மனதிற்குள் மிகவும் சந்தோசமாக இருந்தது. நன்றி மறக்காத பெரியவர்! இப்போதும் என்னை ஞாபகம் வைத்துள்ளார் என நினைத்து முடிக்கவும், அவர் சிரித்தபடியே என்பக்கத்தில் வந்து சொன்னார்,

நான் குளச்சலுக்கு பக்கத்து ஊரிலிருந்து இங்கு ஒருவரை பார்க்கவந்தேன். அவரை பார்க்கமுடியவில்லை. அதற்கிடையில் சுகமில்லாமல் இங்குள்ள மருத்துவமனையில் அனுமதிக்கப்பட்டு இன்றுதான் வருகிறேன். இப்போது என் ஊருக்கு செல்லவும் பணமில்லை, சாப்பிடவும் வழியில்லை பசி என்று சொன்னார்.

எவ்வளவு மதிப்பாக இவரை வைத்திருந்தேன். இப்படி ஒரு அணுக்குண்டை தூக்கி போடப்போறார் என கொஞ்சம்கூட நினைக்கவில்லை. இருந்தாலும் அமைதியாக முதல் சந்திப்பை நினைவு படுத்தினேன். மனிதருக்கு உடனே ஞாபகம் வந்துவிட்டது. ஒரு நொடிகூட அவர் தாமதிக்கவில்லை. கன்னியாக்குமரியை நோக்கி அவர் படபட என நடக்க தொடங்கி விட்டார். நடந்தார் என்பதைவிட ஓடினார் என்பதே பொருத்தமாக இருக்கும். பெரியவரே! நில்லும் சாப்பாடு வாங்கி தருகிறேன் என்றேன். மனிதர் திரும்பி பார்க்கவேயில்லை.
சீ... எப்படியெல்லாமோ ஏமாற்றுகிறார்கள்!!

இந்த பதிவை படித்தமைக்கு மிக்க நன்றி! மீண்டும் நீங்கள் வரவேண்டுமென விரும்பும் செல்வராஜ்

நூதன வழிப்பறி ரியாத்தில்!!

2009-07-28T15:12:00.000-07:00

நூதன வழிப்பறி ரியாத்தில்!!

நான் வேலைபார்த்த நிறுவனத்தின் லிப்ட் மற்றும் எஸ்கலட்டர்களை பராமரித்து வந்த பிலிப்பைன்ஸ் நாட்டை சேர்ந்த நபர் எனக்கு ஒரு நல்ல நண்பர். ஒருமுறை பராமரிப்பு வேலைக்காக வந்தபோது மிகவும் சோகமாக காணப்பட்டான். விசாரித்தபோது இரண்டு அரபி பையன்கள் இவனை சரியாக ஏமாற்றி இவனிடமிருந்த பணத்தை பிடுங்கிவிட்டனர்.

இவன் வரும் வழியில் சிறிது பணம் கிடந்திருக்கிறது. இவனும் அடிச்சதுடா யோகமென எடுத்திருக்கிறான். ஆனால் தூரத்தில் ஒரு அரபி பையன் தெரியாததுபோல நின்று கொண்டிருக்கிறான். சிறுது நேரத்தில் மறைந்திருந்த ஒரு அரபி பையன் வந்து எனக்கு கொஞ்சம் பணம் தொலைந்து போனது. நீ கண்டாயா? என கேட்கவே, அடுத்த அரபி வந்து ஆமா, நான் கண்டேன் இவன் எடுத்ததை என கூறியுள்ளான். இவனும் அவ்வளவு பணத்தையும் திருப்பி கொடுத்துவிட்டான். அவர்களோ இல்லை இன்னுமுண்டு என சொல்லி இவனின் துணிகளை உரியாத குறையாக இவனிடமிருந்த பணத்தையும் சேர்த்து அடித்து விட்டார்கள். இது நடந்தது ரியாத்தின் தலைமை தபால் அலுவலகத்தின் அருகில் வைத்து. ஆனால் இதை நான் வேறு நண்பர்களிடம் அப்போது சொல்லவில்லை.

இது நடந்து சரியாக ஒருவாரம்தான் ஆகியிருக்கும் அடுத்தது இதேமாதிரி பால்ராஜ் என்ற என் தமிழ் நாட்டை சேர்ந்த ஒரு நண்பரும் இப்படி இரண்டு அரபி பையன்களால் ஏமாற்டப்பட்டு இவரிடமிருந்த இவரின் பணத்தையும் சேர்த்து அபகரித்து விட்டார்கள். இது நடந்ததும் அந்த சுற்று வட்டாரத்தில்தான். நிறைய ஆள் நடமாட்டமுள்ள இடத்திலேயே இப்படி பகல் கொள்ளை. எனக்கு தெரிந்தே இரண்டுபேர் ஏமாந்தனர். இன்னும் எத்தனை பேர் இப்படி இந்த நூதன வழிப்பறி ஆசாமிகளிடம் ஏமாந்தார்களோ?

எதுக்கும் கொஞ்சம் உஷாராக இருக்கணும்! இல்லேன்னா உரிவிடுவானுக!!

இந்த பதிவை படித்தமைக்கு மிக்க நன்றி! மீண்டும் நீங்கள் வரவேண்டுமென விரும்பும் செல்வராஜ்

பிறர் வங்கி அட்டையை பயன்படுத்தினால்!!!

2009-07-28T02:05:00.000-07:00

பிறர் வங்கி அட்டையை பயன்படுத்தினால்!!!

பிறருடைய வங்கி அட்டையை பயன்படுத்துவது சட்டப்படி குற்றம். இருந்தாலும் சில நேரங்களில் நம் குடும்ப்பத்தில் உள்ளவர்களின் அட்டையை நாம் பயன்படுத்துவோம், சில நேரங்களில் இப்படி பயன்படுத்தும் போது நாம் தேவையில்லாத பிரச்சனையில் சிக்கிக்கொள்ள வாய்ப்புள்ளது. அப்படி ஒருமுறை நானும் சிக்கிக்கொண்டேன்.

இங்குள்ள "பிரைமார்க்" என்னும் துணிக்கடையில் வாங்கிய துணி ஒன்று சரியில்லாததால் திரும்ப கொடுக்க சென்றிருந்தேன். இங்கு எந்த கடையிலுமே நமக்கு வாங்கிய பொருள் திருப்தி இல்லையெனில் அதை இருபத்தி ஒன்பது நாட்களுக்குள் திரும்ப கொடுத்து முழு பணத்தையும் திரும்ப பெற்றுக்கொள்ளலாம். ஆனால் அப்பொருள் பயன் படுத்தாமல் இருக்கவேண்டும், மீண்டும் அவர்கள் விற்கும்படியாகவும் இருக்கவேண்டும். இது என்மனைவி வாங்கிய துணி. அவளும் கூட வந்திருந்தாள். ஆனால் அங்கு சென்றபோதுதான் தெரிந்தது. ஒரு நீண்ட வரிசையில் ஆட்கள் நின்று கொண்டிருப்பது. இப்படி ஒரு வசதி செய்யபட்டிருப்பதால் இஷ்டத்திற்கு எடுத்தவிட்டு மோசமான நிலையில் கூட திரும்ப கொண்டுவந்து கொடுக்கவும் நிற்பார்கள்.

இந்த பெரிய கூட்டத்தை பார்த்ததுமே என்மனைவி சொல்லிவிட்டாள், நமக்கு இவ்வளவு பெரிய கூட்டத்தில் காத்து நின்று திரும்ப கொடுக்க வேண்டாம், போய் விடுவோம்.

நான் இவ்வளவு தூரம் வந்த்துவிட்டு கொடுக்காமல் போனால் சரியில்லை. நான் வரிசையில் நிற்கிறேன். நீ போய் உட்கார்ந்துகொள் என்றேன். என்னுடைய முறை வந்தது. அது என்மனைவியின் வங்கி அட்டையில் வாங்கியதால் அவளின் அட்டையை கொடுத்தேன். அந்த பெண் என்னையம் பார்ப்பாள் கணினியின் திரையையும் பார்ப்பாள். ஆனால் என்னிடம் எதையும் கேட்கவில்லை. இதற்கிடையில் பக்கத்து சேவையில் உள்ளவர்கள் பணம் திரும்பபெற்று போய்க்கொண்டிருக்கிறார்கள்.

நான் இவ்வளவு காலதாமதம் ஏன்? என வினவவும் அவள் சொன்னாள். இது உன் அட்டையில்லையே! நான் சொன்னேன், இது என் மனைவியின் அட்டை. காரணம் Mrs Selvaraj என திரையில் தெரிந்ததுதான். இதற்குள்ளாக அவள் காவலர்களை அழைத்து இரண்டு காவலர்கள் வந்து என்னை விசாரிக்க தொடங்கிவிட்டனர். இது திருட்டு அட்டையென நினைத்து விட்டார்கள். நான் என் மனைவியின் அட்டை. கூட்டம் அதிகமானதால் அவள் அங்கே அமர்த்திருக்கிறாள் என்றேன். இதற்கிடையில் காவலர்களை கண்டவுடன் அவளும் ஓடி வந்துவிட்டாள் நல்ல வேளையாக என்னிடம் என் ஓட்டுனர் உரிமம் இருந்ததால் நான் Selvaraj என்பதை உறுதி செய்துவிட்டார்கள். கூடவே மனைவியும் இருந்ததால்.

இல்லையென்றால் வீண் பிரச்சனையாகி இருக்கும். இரண்டு பேருக்குமே திட்டு தந்து எச்சரித்து விட்டார்கள். என்ன இருந்தாலும் இது சட்டப்படி குற்றமே! பிறர் வங்கி அட்டையை பயன் படுத்துவதை தவிருங்கள்.

இந்த பதிவை படித்தமைக்கு மிக்க நன்றி! மீண்டும் நீங்கள் வரவேண்டுமென விரும்பும் செல்வராஜ்

பதிவர்களுக்கு பல்கலைகழகம் என்று நினைப்போ?

2009-07-22T03:28:00.000-07:00

பதிவர்களுக்கு பல்கலைகழகம் என்று நினைப்போ?

பதிவுலகம் இன்று அசுர வளர்ச்சி அடைந்து வருகிறது. பிரபல தமிழ் பத்திரிக்கைகளே பதிவர்களின் பதிவுகளை திருடி செய்தியாக வெளியிடுகிறது. அதேநேரத்தில் எந்த ஒரு கட்டுப்பாடும் இல்லாமல் காட்டாறு வெள்ளம்போல கரைபுரண்டோடுகிறது இந்த பதிவுலகம். கொஞ்சம் நாட்களுக்கு முன்புவரை ராஜா(அவிங்க) சொன்னதுபோல, இந்த பதிவுலகம் மும்பை எப்படி தாவூத் இப்ராகிம் போன்ற ரௌடிகளின் கட்டுபாட்டில் இருந்ததோ, அதைபோல சில பதிவர்களின் பிடியிலே இருந்தது. அதை இன்று புது முகங்கள் தகர்த்து விட்டனர். இருந்தாலும் பிடியை விட்டுக்கொடுத்து விடாமல இருக்க, விருதுகளை வழங்கி தங்களை பல்கலைகழகத்தின் துணை வேந்தர்போல காட்டிக்கொள்கிறார்கள்.

இன்று பல்கலைகழகங்களின் விருதே கேலிக்கூத்தாகி விட்டது.(கூத்தாடிகளுக்கு கொடுத்து) ஒரு காலத்தில் முனைவர் என்றால் எங்கோ ஒன்றோ இரண்டோ பேர் இருப்பார்கள். உண்மையிலே அவர்கள் அதற்கு தகுதியானவர்களாக இருப்பார்கள். ஆனால் என்று அரசியல்வாதிகளுக்கும், திரைப்படத்துறையினருக்கும் பட்டம் கொடுத்தார்களோ! அன்றே அது கேலிக்கூத்தாகி விட்டது.

இப்போது இந்த நோய் பதிவுலகில் பரவி இருக்கிறது. இதை ஒரு ஆரோக்கியமான அமைப்பின் கீழ் கொண்டு வருவது மிகவும் அவசியம். குறைந்த பட்சம் இதை "தமிலிஷ்" "தமிழ்மணம்" மற்றும் இப்போது புதிதாக வந்திருக்கும் தமிழ் திரட்டிகள் கொடுக்கலாம். அதை விட்டுவிட்டு ஆளாளுக்கு பட்டாம் பூச்சி விருது, கரப்பான் பூச்சி விருது, வெண்டைக்காய் விருது, சுண்டைக்காய் விருது என கொடுத்துக்கொண்டிருக்கிறார்கள். அதை வாங்குபவர்களும் "பத்மஸ்ரீ" பட்டம் கிடைத்ததைபோல பெருமைப்பட்டுக்கொண்டு, அவர்களுக்கு உடனே ஒரு நன்றி பதிவு வெளியிட்டு தாங்களும் அதற்கு தகுதியானவர்போல காட்டிக்கொள்கிறார்கள். ஏன்? இப்படி பூச்சி விருது கொடுப்பவர்கள், அதன் கூட பணமும் கொடுக்கவேண்டியதுதானே? ஏனெனில் கௌரவமான விருதுகளுடன் பணமும் வழங்கப்படுகிறது என்பதை ஏன் மறக்கிறீர்கள் அல்லது மறைக்கிறீர்கள்?

இதை படிக்கும்போது ஏற்கனவே விருதுகளை கொடுத்தவர்களும், வாங்கியவர்களும் என்னை திட்டலாம். ஆனால் கொஞ்சம் சிந்தித்து பாருங்கள்! இதை அமைப்புக்கள், அதாவ்து தமிழ் திரட்டிகள் விருதுடன் பணமும் சேர்த்து கொடுக்க வேண்டும். வருடத்திற்கு ஒருமுறை கொடுக்கலாம். அதுவும் கண்டிப்பாக பணமும் சேர்த்து கொடுக்கவேண்டும்.

நிறைய தமிழ் எழுத்தாளர்களை, வலைப்பூவின் வழியே உருவாக்கிய பெருமை நிட்சயமாக "தமிலிஷ்"க்கு உண்டு. எனவே "தமிலிஷ்" இதற்கான முயற்சியில் இறங்குவது அவசியம். உங்கள் விளம்பர லாபத்தில் இதற்கு கொஞ்சம் பணம் ஒதுக்குவது அவசியம். தமிலிஷ் மட்டுமல்ல எல்லா தமிழ் திரட்டிகளுமே அதை செய்ய வேண்டும். அதற்கான காலம் வந்துவிட்டது. அல்ல என்றால் காளான்கள் போல கரப்பான் பூச்சிகளின் விருதுகள் பெருகிக்கொண்டே இருக்கும். இந்த விருது என்னும் விச கிருமி பெருகுவதை கட்டுப்படுத்த வேண்டியது தமிழ் திரட்டிகளின் கடமை.

இந்த பதிவை படித்தமைக்கு மிக்க நன்றி! மீண்டும் நீங்கள் வரவேண்டுமென விரும்பும் செல்வராஜ்

கையில் அழகிய ஓவியங்கள்!

2009-07-20T14:45:00.000-07:00

கையில் அழகிய ஓவியங்கள்!

பாருங்கள்! கையில் என்ன அழகாக விலங்குகளின் ஓவியத்தை வரைந்து காண்பித்துள்ளார்கள்.

இது சுமார் நான்கு வருடங்களுக்கு முன்பு, என் நண்பர் பீர் முஹமது அவர்கள் மின் அஞ்சலில் அனுப்பித்தந்தது. எனவே எல்லா புகழும் அதன் உண்மையான படைப்பாளிக்கே!

இந்த பதிவை படித்தமைக்கு மிக்க நன்றி! மீண்டும் நீங்கள் வரவேண்டுமென விரும்பும் செல்வராஜ்

பன்றி காய்ச்சல்! மருத்துவர் பலி!!

2009-07-19T07:28:00.000-07:00

பன்றி காய்ச்சல்! மருத்துவர் பலி!!

ஏற்கனவே இந்த பன்றி காய்ச்சலைப்பற்றி வலைப்புலிகள் எல்லாம் எழுதிவிட்டதால் வலைப் புழுவாகிய நான் அதைப்பற்றி எழுதவில்லை. ஆனால் இன்று காலை தேவாலயத்திற்கு சென்றபோது வழக்கமாக நுழைவாயிலில் வைக்கப்பட்டிருக்கும் தீர்த்த தண்ணீர் வைக்கப்படவில்லை. நான் ஏன் என்று பக்கத்தில் நின்ற வெள்ளைக்காரியிடம் கேட்டபோது, அவளுக்கும் தெரியவில்லை. திருப்பலி தொடங்க்கியபோது குருவானவர் சொன்னார், பன்றி காய்ச்சல் ஒருவரிடம் இருந்து வேறு ஒருவருக்கு எளுதில் பரவுவதால் சில முன் எச்சரிக்கை நடவடிக்கையின் காரணமாக தீர்த்த தண்ணீர் வைக்கப்படவில்லை. அதுமட்டுமல்ல, நற்கருணை நாவில் கொடுக்கப்படமாட்டாது. கையில் மட்டுமே கொடுக்கப்படும். ஒருவருக்கொருவர் சமாதானமும் சொல்லிக்கொள்ளும்போது, கைகுலுக்கி கொள்வதும் நிறுத்திவைக்கப்பட்டுள்ளது என்று.

எதற்காக இப்படி அதிரடி நடவடிக்கை என்றால், சில நாட்களுக்கு முன்னர் அறுபத்தி நான்கு வயதுள்ள ஒரு மருத்துவரே,
(Dr. மைக்கல் டே) இங்கு இந்த பன்றி காய்ச்சலுக்கு பலியானதுதான். இந்த காய்ச்சல் வராமல் எப்படி தடுப்பதென ஆலோசனை சொல்லக்கூடிய ஆசானுக்கே அடி சறுக்கியதால் அதிர்ந்து போன அரசு, அதிரடி நடவடிக்கைகளை மேற்கொண்டுள்ளது. ஏற்கனவே இதைப்பற்றிய விழிப்புணர்வு தொடர்ந்து வெளியிடப்பட்டாலும், அரசு சரியாக இதை கையாளவில்லை என, "நேஷனல் ஹெல்த் சர்வீஸ்" குற்றம் சாட்டியுள்ளது.
ஏற்கனவே பொருளாதாரத்தில் பின்னடைவை கண்டுள்ள இங்கிலாந்தின் பிரதமர் எதை தின்னால் பித்தம் தெளியும் என்னும் நிலைமையில் இருக்கும்போது, இது வேறு பிரச்சனை. பாவம் மனிதர் ஆடிப்போயுள்ளார்.

என்ன இருந்தாலும், இன்று மத சடங்குகள் சம்பிரதாயத்திற்கு நடந்தாலும் அதிலும் இதைப்போல் அதிரடி நடவடிக்கை தேவைதான்.

இந்த பதிவை படித்தமைக்கு மிக்க நன்றி! மீண்டும் நீங்கள் வரவேண்டுமென விரும்பும் செல்வராஜ்